Anzaakaa 24:1-34
24 De tômon kwagh u mbaaferev ga,Shi i de saren we u lun imôngo a ve kpaa ga,+
2 Gadia ishima ve ka i henen sha kwagh u tswam u eren,Zwa ve kpa u ôron kwagh u bo.
3 Ka sha kwaghfan i maan ya ye,+Shi ka sha mkav kpaa ka i taver un ye.
4 Ka sha mfe i ivin ayou a naA akaa a injaa man a dedoo atô kposo kposo ye.+
5 Orfankwagh ngu a agee tsô,+Shi ka sha mfe kpaa or ka nan seer tahav ye.
6 Ka sha kwaghwan u injaa man u nôngo ityav you ye,+Shi mbawasenmhen* ka vea lu kpishi yô mhembe* a lu.+
7 Ibumeor nana fatyô u zuan a kwaghfan u mimi ga;+Nan ngu a kwagh u ôron hen hundagar kpaa ga.
8 Or u nan eren mbamhen mba ifer ciiA yila nan ér or u wan atseregh kpishi.+
9 Ayom a ibume* ka isholibo,Shi ornahantar ka nan ndôhôr ior ishima.+
10 Aluer u yina ishima* sha iyange i ican yô,*Agee a ou aa vese ga.
11 Yima mba i lu yemen a ve ken ku la,Shi kôr mba ve lu zan ze-ze-ze hen ijiir i sôngon la kpaa.+
12 Aluer u kaa wer, “Kpa yange se fa kwagh ne ga” yô,Un u a tev asema* la una fa gaa?+
Een, un u a kenger sha a we la* una faShi una kimbi hanma or injar sha ieren i nan.+
13 Wan wam, ya iyough, gadia i doo;Zar u ken ikpayough u nyoho ken zwa.
14 Kape kwaghfan kpa a nyoho ken uma wou je la.+
Aluer u zua a mi yô mlu wou u ken hemen una dooShi ishimaverenkeghen you kpa ia bunde ga.+
15 De za yeren ikyua ikyua a ya u orperapera wer u er nan ifer ga;De vihin ijiir i nan i memen kpaa ga.
16 Gadia orperapera nana gba kwa taankaruhar kpa nana mough,+Kpa iferor yô ican ia zôhô nan.+
17 Shighe u orhyom wou nan gbe yô, de ember ga,Zum u nan nôngo gbeev kpaa ishima you i de ember ga;+
18 Gayô Yehova una nenge nahan a doo un ga,Shi ishima ia kera vihi un a nan kpaa ga.+
19 Ishima i de vihin we* sha kwagh u mbaaferev ga;De tômon kwagh u aferaior kpaa ga,
20 Or u nan we ifer cii kwagh a za a nan a doo ga;+A pir imenger i mbaaferev.+
21 Wan wam, cia Yehova kua tor kpaa.+
De lun imôngo a mbahendankwagh ga,*+
22 Gadia kwaghtseren una va sha a ve kpoo.+
Ka an nan fe mtim u ve uhar* vea va a mi sha a ve?+
23 Mkaanem man kpaa ka ma mbafankwagh je:
Msange u sha dooshima doo ken ijir ga.+
24 Or u nan kaa a iferor ér,“U ngu orperapera” cii yô,+Ior a wa nan ifyan, akuraior kpaa aa na nan ibo.
25 Kpa mba ve kôôm nan la yô kwagh a za a ve a doo;+Iveren ia va sha a ve, vea zua a akaa a dedoo.+
26 Ior vea suse or u nan kende nan ôr kwagh sha mimi la zwa.*+
27 Sôr tom wou u ken won, shi sôr hanma kwagh ken sule wou tsembelee;Maa, maa ya wou.
28 De eren shiada sha iyol i orwanndor a we sha kwagh u u fe un tsembelee ga la ga.+
De tsughun mbagen sha zwa wou ga.+
29 De kaan wer: “Me er a na vough er a er a mo nahan;Me or iyev sha kwagh u a er a mo la”* ga.+
30 Yange m kar hen sule u oruhwe,+Hen sule u wain u or u banen a mkav.*
31 M nenge yô u wa toho kpishi;Imo mende hen inya kpuruaa,Shi igyar i u i sha awen kpa yôhôr haa inya.+
32 M kenger kwagh ne nahan kôrom ken ishima;M nenge nahan m hen kwagh ker:
33 Mnyam ma seer yaven man mnyam ma seer meer,Kua ave a seer wan ikyum memen,
34 Aa na yô, ican ia va bur u er ka ornumungbenda nahan,Ibanave kpaa er ka or u lun a ikyav mbi tswamev yô.+
Ngeren mba shin kpe
^ Shin “mbawankwagh.”
^ Shin “mzehemen; myom.”
^ Shin “Ayom a ibumeor.”
^ Shin “u gba uwer.”
^ Shin “sha shighe u kwagh a tser u yô.”
^ Shin “mbamhen.”
^ Shin “uma wou la.”
^ Shin “Vanger a de varen we ker.”
^ Shin “mba keren u van a mgem sha kwagh ga.”
^ Ka Yehova man tor je la.
^ Shin a fatyô u kaan ér, “U kenden ôron kwagh sha mimi la ngu er u susen or zwa yô.”
^ Shin “Una saa a mo ga.”
^ Zwa Heberu, “or u banen a ishima.”
