Anzaakaa 23:1-35
23 Zum u u tema kwaghyan vea tor yô,Wa ikyo sha kwagh u a lu sha ishigh you la;
2 Penda ihyô hen ikyer you*Aluer kwaghyan doon we kpishi yô.*
3 Akaayan a na a doon la a de saren we ga,Gadia ka kwaghyan u icughugh je.
4 De wuan iyol you wer saa u zua a inyaregh ga.+
Tamber, tese wer u ngu a mkav.*
5 Aluer u ver ashe a ou sha ki yô, ki ga,+Gadia kia wa akper er ka igyuve nahan, kia purugh a yem sha abeen.+
6 De ye kwaghyan u or u wan bo ga;*Akaayan a nan a doon la a de saren we ga,
7 Gadia nan ngu er or u nan lu ôron ikwa i u ye nan kwaghyan nahan.
Ka nan kaan a we ér: “Ya kwagh shi ma kwagh,”Kpa i lu sha mimi u nan ga.*
8 U sua anivur u u ye la keraShi ishughun i u sugh nan la kpaa ia saa ishe.
9 De lamen sha ato a ibumeor ga,+Gadia nana laha kwaghfan u a lu ken akaaôron a ou la.+
10 De karen a ikyav i ndor wou hen ijiir i ngise i ver la kera ga+Shi de nyôron ken sule u wan u a lu a ter ga la* kpaa ga.
11 Gadia Orpaan ve* taver agee;Una ôr u ijir, u lu a ibo.+
12 Ver ishima ngohol tsahaShi kegh ato a akaaôron a sha mfe.
13 De den u tsahan wanye ga.+
Aluer u gbidye nan sha akpa kpa nana kpe ga.
14 Gbidye nan sha akpa,Sha er u yima uma u nan, una sen shin Uwar* ga yô.
15 Wan wam, aluer ishima you zua a kwaghfan yô,A saan ishima yam iyol.+
16 Aluer zwa wou ngu ôron kwagh u vough yô,A saan mo iyol ken atô ishima je.*
17 Ishima you i de tômon kwagh u mbaasorabo ga,+Kpa cia Yehova iyange jimin cii,+
18 Gadia ka nahan man mlu wou u ken hemen una doo ye,+Ishimaverenkeghen you kpaa ia bunde ga.
19 Kegh ato, wan wam, nahan hingir orfankwagh,Ver ishima you sha gbenda u vough.
20 I de fan we a mbamanmsôrom kpishi imôngo ga,+Shin mba eren hua sha inyam kpaa ga,+
21 Gadia mbahundenmsôrom man mba eren hua cii vea hingir mbaibanave,+Mnyam ma meer kpaa ma a cir or ajav iyol.
22 Kegh ato a teru u a mar u la,De lahan ngôu sha ci u a bee iyol yum ga.+
23 Yam mimi,* mayange de teen un ga,+Kua kwaghfan man tsaha man mkav.+
24 Ter u orperapera nana mgbough a iember;Or u nan mar wan u fan kwagh cii nana ember sha kwagh u nan.
25 Teru man ngôu vea ember,A saan ngôu u a mar u la iyol.
26 Wan wam, ver ishima you cii hen a mo,Shi i saan ashe a ou iyol a igbenda yam.+
27 Gadia gbagakwase ka ihyungwa i zan,Idyakwase kpaa* ka ijôr i hoghol je.+
28 Ka a yer a keghen er ka or u numun gbenda nahan;+Ka a na nomso mba mimi ga ve seer iyenge.
29 Ka an kwagh a tser nanaa? Ka an i kpe nan iyol ga?
Ka an nan lu zôhônô? Ka an nan toghor iyolo?
Ka an nan tôndo avav iyol a ityôkyaa shio? Ka an nan lu ashe jaangna?
30 Ka ve mba ve shin hen wain;+Ve mba ve keren wain* u i nongo un la.
31 De kenger wain er a nyian i doo,Er a lu eren jinge ji jinge shin kôôpu, shi a lu senen leghemeen la ga.
32 Gadia ken masejime yô ka a nyima er ka iyô nahan,Ka a haa megh er ka igbinde yô.
33 Ashe a ou aa nenge akaa a kpilighyol,Ishima you kpaa ia ôr udangmbaakaav.+
34 Nahan u lu er or u nan yav hen atô u zegemnger nahan,Man er or u nan yav sha ityough ki ityôgh ki tsoo yô.
35 U kaa wer: “I tsurem kwagh, kpa nyoon mo ga.
I gbidyem, kpa m fa ga.
Ka hanma shighe me va nderee?+
Kam ape shi man ugen.”
Ngeren mba shin kpe
^ Shin “Kôr iyol you tsaha.”
^ Shin “kwagh saren uma wou yum yô.”
^ Shin a fatyô u kaan ér, “De zan hemen a mkav wou la ga.”
^ Shin “or u kenger ashe a ifer ga.”
^ Zwa Heberu, “Kpa ishima i nan i lu a we ga.”
^ Shin “ancôghol.”
^ Shin “Or u Nôngon Kwagh sha Ci Ve.”
^ Shin “Sheol,” ka uwar u uumace je la. Nenge Ngeren u Pasen Asember.
^ Zwa Heberu, “A saan ahi a am iyol.”
^ Shin “Ker mimi zua a mi.”
^ Shin “ka ve zua sha u karen wain.”
