Anzaakaa 8:1-36
8 Kwaghfan ngu yilan gaa?
Mkav ngu genger imo gaa?+
2 A tile hen akaharagbenda,Sha ajiir a taven+ a sha gbenda.
3 A tile ikyua ikyua a ihinda i nyôron ken gar,Hen ape nyôron sha ihinda la,Ngu ôron genger genger ér:+
4 “M ngu yilan ne, ne ior cii;M ngu genger imo yilan hanma or.*
5 Ne mba kaven kwagh ga, hen nen u eren kwagh sha inja;+Ne abumeaior, lu nen a mkav ken ishima.*
6 Kegh nen ato, gadia kwagh u m lu ôron ne ka u injaa,Zwa wam ngu ôron ka kwagh u vough;
7 Gadia zwa wam ngu ôron kwagh u mimi ivarvase,Iferkwagh ndôhôr ityumbujôôgh yam ishima.
8 Akaaôron a ken zwa wam cii ka a perapera.
Kwagh môm u cimin shin u huren kpa ngu ken a ga.
9 Hen or u kaven kwagh yô, a cii nga jighilii,Hen mba ve zough a mfe kpaa, nga vough je.
10 Ngohol nen ityesen yam, i de lun azurufa ga,Ngohol nen mfe kpaa, i de lun zanaria u hemban doon cii la ga.+
11 Gadia kwaghfan hemba doon a awen a korali;*Kwagh môm u a saren ior, u a tôô un a kar sha mi kpa ngu ga.
12 Mo kwaghfan, m tem imôngo vea m-er u eren kwagh sha inja;M zua a mfe man gbenda u henen kwagh sha inja.+
13 Inja i u cian Yehova yô, ka u kôron kwaghbo ihyom.+
M kôr iyol kenden a mi sha man iyolmoron+Man gbenda u ifer kua kwaghôron u dang ihyom.+
14 M ngu a kwaghwan u injaa man gbenda u eren kwagh sha kwaghfan;+Mkav+ ka u wam, tahav+ kpaa ka mbu av.
15 Ka sha a mo utor ve hemen,Shi mbahemenev kpaa ve eren kwagh u atindigh sha perapera ye.+
16 Ka sha a mo mbahemenev ve hemen,Shi mbavesen kpa ve kuren ajir sha perapera ye.
17 Mba m doo ve ishima la, mo kpa ve doom ishima,Shi mba ve keren mo la kpa vea zua a mo.+
18 Ka hen a mo inyaregh man icivir ve lu ye,Inyaregh ki been ga* man perapera kpaa.
19 Atam a am hemba doon a zanaria, zanaria u i ser un je kpaa,Shi kwagh u a dugh hen a mo hemba doon a azurufa u hemban doon cii la.+
20 M zenden sha gbenda u perapera,Sha atô u igbenda i ijirigh i mimi;
21 M ne mba m doo ve ishima la dyako kpishi,Shi m ivin ayou a ve a koson akaa ker.
22 Yehova yange erem, m lu mhii u igbenda na,+Tsuaa tsuaa la je, lu mo hii gban ye.+
23 Yange verem sha ashighe a tsuaa la* je,+Sha mhii, tsuaa shighe u tar lu a lu ga la.+
24 Shighe u aivamnger lu a lu ga la je,+ i marem,Shighe u ambor a ivin a mngerem lu a lu ga la.
25 Shighe u i lu a tim iwo ga,Agungu kpa lu a lu ga la je i marem,
26 Shighe u lu a gba tar kua mkôngom ma u gaShin lu a gba akpoghor a inyaagh a hiihii sha tar ga la je.
27 Shighe u lu eren usha la,+ m lu her;Zum u kpera ahwa sha zarmnger gbilititi la,+
28 Shighe u ver abeen sha,*Zum u a ver ambor a aivamnger la,
29 Shighe u wa zegemnger tindiÉr mngerem ma shimi ma de karen imo na ga,+Zum u a tim amagh a taregh la,*
30 M lu vea na er or u fan tom nahan.+
Lu mo je hemban doon un a mo+ use use ye;M ember sha ishigh nagh hanma shighe cii;+
31 M ember sha ci u tar na u a er ér i tema shimi la,Shi doom a ônov mba iorov* kpishi.
32 Yô kegh nen ase ato a mo, ônov av;Sha ci u saan mba ve we igbenda yam ikyo la iyol.
33 Kegh nen ato a tsaha,+ nahan ne hingir mbafankwagh,Mayange de vendan nen u ga.
34 Saan or u nan keghen ato a mo la iyol,U nan ve tugh tugh* hen ihinda yam ayange ayange la,U nan keghen hen kpe u ihinda yam la;
35 Gadia or u nan zough a mo yô, nana zua a uma,+Shi a doo Yehova a nan kpaa.
36 Kpa or u kwagh a gbe nan sha kwagh wam ga yô,Nan ngu bulan iyol i nan,*Mba ve kerem ihyom yô, ka ku u doo ve ishima ye.”+
Ngeren mba shin kpe
^ Zwa Heberu, “ônov mba iorov.”
^ Zwa Heberu, “kav nen asema a en.”
^ Nenge Ngeren u Pasen Asember.
^ Shin “Dyako u inyar.”
^ Shin “sha uicôronmbaashighev.”
^ Zwa Heberu, “Shighe u ver abeen sha lu dông.”
^ Shin “Zum u a wa tindi u amagh a taregh la.”
^ Shin “uumace.”
^ Shin “nan tse per.”
^ Shin “uma u nan.”
