Anzaakaa 11:1-31
11 Kwagh u karen myohom a mi u icughugh*Ka kwagh u ndôhôr Yehova ishima.
Kpa myohom ma vough* yô, ka kwagh u doon un.+
2 Zum u iyolmoron i ve yô, kunya ua cir sha mi,+Kpa kwaghfan ngu a mba hiden a iyol ijime.+
3 Ieren i mimi i mbaperapera ka i hemen ve,+Kpa ayom a mbawanatseregh yô aa tim ve.+
4 Inyaregh kia* lu a inja sha iyange i iyughugh ga,+Kpa perapera yô, una yima ken ku.+
5 Perapera u orishôôgh ka a kôôm gbenda u nan,Kpa iferor yô, ifer i nan ia zôhô nan.+
6 Perapera u mbamimi una war ve,+Kpa mbawanatseregh yô, asaren a ve aa hide a kôr ve.+
7 Zum u iferor nan kpe yô, ishimaveren i nan ka i saa ishe,Shi ishimaverenkeghen i kwagh u tahav mbu nan mbua er la kpaa i saa ishe.+
8 Ka i yima orperapera ken ican,Iferor di nan kar nan yaan ican shon.+
9 Zwa u or u civir Aôndo ga* ka u va a mtim sha or u wan ndor a nan,Kpa mfe u mbaperapera ka a yima ve.+
10 Uerdoo mba mbaperapera ka ve na gar a ember,Kpa zum u mbaaferev ve tim yô, ka i ger sha iember.+
11 Iveren i mbamimi ka i kende a gar sha,*+Kpa zwa u mbaaferev yô ka u yôhôr un u haa inya.+
12 Or u banen a mkav* ka nan laha orwanndor a nan,Kpa or u lun a mkav u vough yô, ka nan lu ving.+
13 Or u eren angereke ka nan zenden nan pasen akaa a myer,+Kpa ormimi* yô, ka nan koso kwagh u myer.*
14 Kwaghwan u injaa ka una lu ga yô, ikyurior i gba,Kpa mbawasenmhen* ka vea lu kpishi yô, mzehemen* a lu.+
15 Or u nan ngohol or u nan fe nan ga uwegh ken injô yô, nana ya ican,+Kpa or u nan palegh u zuan uwegh sha ibumun yô,* nana lu a zayol ga.
16 Kwase u dedoo* ka nan zua a icivir,+Kpa ior mba wan tswam yô, ka ve ngohol inyaregh sha igyosough.
17 Or u eren a ior doo doo* yô, ka iyol i nan je nan eren a i dedoo ye,+Kpa or u wan tswam yô, ka nan va a zayol* sha iyol i nan.+
18 Iferor ka nan zua a injar i icughugh,+Kpa or u lôôn perapera yô, ka nan ngohol injar i mimi.+
19 Or u nan tile dông sha kwagh u perapera yô, nana zua a uma,+Kpa or u nan zendan ifer ijime yô, nana zua a ku.
20 Ior mba asema a ve a cimin yô ve ndôhôr Yehova ishima,+Kpa mba gbenda ve u lu wang yô, ka ve na i saan un iyol.+
21 Fa kwagh ne: Iferor nana war mtsaha ga,+Kpa ônov mba mbaperapera yô, vea war.
22 Kwase u doonashe u nan vende mfe yô,Nan ngu er ka kunya u zanaria u sha ishôngozwa i igyo nahan.
23 Isharen i mbaperapera ka i za kure ken kwagh u dedoo+Kpa kwagh u mbaaferev ve veren ashe a mi yô, ka a za kure ken ishimavihin.
24 Orgen ka nan naan kwagh mgbeghaa* kpa akaa a nan a seer a seer,+Orgen di ka nan kusu uwegh i kar ikyaa inya, kpa nan va nyôr ken ibanave.+
25 Or u wan nagh nana za ikyura,*+Shi or u nan ne i pever mbagenev iyol yô,* nan kpaa a na nan mpeveryol.+
26 Ior vea wa or u nan nyum mbagenev samuyia la ifyan,Kpa or u nan tee u yô, vea ver nan doo doo.
27 Or u nan nôngon sha gbashima ér nana er a mbagen doo doo yô,Nan ngu nôngon sha er a lumun nan yô,+Kpa or u nan keren kwaghbo yô, nana zua a mi kpee.+
28 Or u nan suur sha inyaregh ki nan yô, nana gba,+Kpa orperapera yô, nana hôm er ka ahu nahan.+
29 Or u nan van a zayol* sha ya u nan yô, ka ahumbe aa lu dyako u nan ye,+Ibumeor kpaa nana shire or u lun a ishima i fan kwagh.
30 Ityamegh ki orperapera ka kon u uma,+Shi or u nan wasen mbagen u eren kwagh u dedoo yô, nan bugh ashe.+
31 Aluer orperapera u shin tar je kpa i kimbi nan injar yô,A er nan ve iferor man orsholibo ve vea de zuan a injar ve?+
Ngeren mba shin kpe
^ Shin “myohom ma iwenem ma vough.”
^ Shin “u sha anyighe.”
^ Shin “Akaainjaa aa.”
^ Shin “or u vendan Aôndo.”
^ Shin “ka i na gar a zua a icivir.”
^ Zwa Heberu, “Or u banen a ishima.”
^ Zwa Heberu, “or u nan lu a jijingi u mimi.”
^ Zwa Heberu, “ka nan cir kwagh.”
^ Shin “mbawankwagh.”
^ Shin “myom.”
^ Zwa Heberu, “or u nan kôr uwegh ku zuan ku sha ibumun ihyom yô.”
^ Shin “Kwase u kuman ashe.”
^ Shin “Or u tesen ior dooshima.”
^ Shin “kunya.”
^ Zwa Heberu, “nan tsendan akaa a nan.”
^ Zwa Heberu, “nana kehe.”
^ Zwa Heberu, “nan ne mbagenev mngerem mgbeghaa yô.”
^ Shin “kunya.”
