Anzaakaa 19:1-29
19 Guda u lun icanor kpa zenden sha mimi,+A u lun ibumeor, eren mbaaie la.+
2 Doo u or nana ban a mfe ga,+Or u nan eren kwagh gagher* kpaa nan ngu eren isholibo.
3 Ka ibumegh ki or iyol i nan ka ki nzughul a gbenda u nan ye,Maa nan gba vihin ishima a Yehova.
4 Inyaregh ka ki na ior kpishi ve soo u yan ijende a or,Kpa icanor yô, ijende i nan je kpaa ia pav a nan.+
5 Orshiada u aiegh nana war mtsaha ga,+Or u aie a been ken zwa u nan ga kpaa nana war ga.+
6 Ior kpishi ka ve keren ér i doo shagbaor* a ve,Shi hanma or ka nan lu ijende i or u wan nagh.
7 Anmgbianev mba icanor je kpa, mô ve môm soo kwagh u nan ga;+Man azende a nan ve aa kera palegh nan ga yee?+
Ka nan dondo ve ijime a zamber zwa,Kpa mô ve môm nan gema ashe her ga.
8 Or u nan zua a mkav yô* uma u nan doo nan ishima.+
Or u mkav a gbe nan kwagh cii, nana za ikyura.*+
9 Orshiada u aiegh nana war mtsaha ga,Or u aie a been ken zwa u nan ga kpaa nana tim.+
10 Yôughyôugh kuma sha ibumeor ga;+Man hide kpan ve nana hemen mbavesen yee?
11 Kwaghfan u or ka a na nan vihi ishima fefa ga,+Ka a̱ hii nan je kpa nana̱ gba den kera tsô yô nan zua a icivir.+
12 Ishimavihin i tor ngi er ka kume u begha* nahan,+Kpa iveren na yô ngi er avure a a gbe sha toho yô.
13 Ibumewan ka nan na kwagh a tser ter u nan,+Shi kwase u zôhôn zwa kpaa*Nan ngu er haav mbu mbu zer nôndon kpii yô.+
14 Ya kua inyaregh ka dyako u a dugh hen uter yô,Kpa kwase u fan kwaghyô ka hen Yehova je a dugh ye.+
15 Hwev ka mbu na or nan yav kputu,Oruhwe yô ijen ia kôr nan.+
16 Or u nan kuran atindi yô ka uma u nan je nan kor ye;+Kpa or u nan we ikyo sha aeren a nan ga yô nana kpe.+
17 Or u nan eren a mbaatsanev doo doo yô nan ngu gban Yehova injô,+Nahan una kimbi nan* sha ieren i nan la.+
18 Tsaha wan wou er ian* i lu her ne,+I de lun u u va ya ibo sha ku na ga.+
19 Or u nyoon ishima kpishi yô,Nana tagher a kwaghbo u a dugh ken ishimanyoon i nan la;Aluer u nôngo wer u yima nan kpa, u zer eren nahan gbem.+
20 Kegh ato a kwaghwan shi lumun tsaha,+Sha er u va lu orfankwagh ken hemen yô.+
21 Mbamhen ka ve lu ken ishima i or kpishi,Kpa ka awashima* u Yehova una kure sha mi ye.+
22 Kwagh u injaa u a lu ken or yô, ka dooshima u nan tesen mbagen la;+Shi guda u lun icanor a u lun oraiegh.
23 Mcie u cian Yehova ne uma;+Or u nan lu a mi yô nana mem, a yôhôr nan iyol,Kwagh u bulan nan una lu ga.+
24 Oruhwe ka nan za uwegh shin gbande u yan kwagh,Kpa hwev u haa nan u dughun zan a mi sha zwa.+
25 Gbidye or u puun akaa,+Nahan or u banen a mfe nana hingir orfankwagh,+Kôôm orkavenkwagh sha er nana seer mfe yô.+
26 Or u nan nzughul a ter u nan shi nan zenda ngô u nan yô,Nan ngu wan u van a ilyahan man kunya.+
27 Wan wam, aluer u de u keghen ato a tsaha yô,U tsume u undu akaaôron a mfe.
28 Orshiada u gbilinigh ka nan laha ijirôron i mimi,+Shi zwa u iferor kpaa ka u mena ifer.+
29 I ver ijirôron sha ci u mbanahantar,+Gbidiv kpaa sha ci u ijime i abumeaior.+
Ngeren mba shin kpe
^ Zwa Heberu, “nan zenden fefa sha angahar a nan.”
^ Shin “or u wan nagh.”
^ Zwa Heberu, “nana zua a kwagh u dedoo.”
^ Zwa Heberu, “nan zua a ishima yô.”
^ Shin “gumbegha.”
^ Shin “kwase u wan ivever kpaa.”
^ Shin “una na nan injar.”
^ Shin “ishimaverenkeghen.”
^ Shin “ka kwaghwan.”
