Anzaakaa 30:1-33
30 Akaaôron a zan shimi a ken mkaanem ma Agur, wan u Yake, a a ôr Itiel la, a ôr Itiel man Yuka.
2 Ken ior cii ka mo m hemba fan kwagh ga ye,+M ban a mkav u ior ve lun a mi la.
3 M hen kwaghfan ga,Shi m ngu a mfe u Un u A Hembe Lun Icighan Cii La kpaa ga.
4 Ka an nan kôndo sha shi nan sene?+
Ka an nan kusu ahumbe ken akevaveegh a nana?
Ka an nan kange mngerem ken ikyondo i nana?+
Ka an nan ver akighir a taregh ciilii?*+
Iti i nan man i wan u nan ér ana?—Wea fa yô.
5 Hanma kwaghôron u Aôndo cii ka u wang.+
Ngu perutya hen mba ve suur sha a na yô.+
6 De seer kwagh sha mkaanem nam ga,+Gayô una kôôm we,Nahan a nenge er u lu oraiegh yô.
7 M sôn u akaa ahar tsô.
De nyumen mo a er m lu a kpe ga ne ga.
8 Dugh icugh man aie ken a mo kera ta ica.+
De nem ibanave shin inyaregh kpishi ga.
Nam kwaghyan u me ya a kumam di tsô,+
9 Sha er me ide je me hingir u nyiman we,Pinen mer, “Ka an nan lu Yehova?” ga yô.+
Shi de den wer m gba ican je er me za ii,Me va a ilyahan sha* iti i Aôndo wam ga yô.
10 De senden kpan ityough a orvesen u nan ga,Gayô nana wa u ifyan, nahan a zua u a ibo.+
11 Kov ugen ngu u ka u wa ter u u ifyanShi u ver ngô u u doo doo kpaa ga yô.+
12 Kov ugen ngu u u nenge ér ngu wang yô,+Kpa ka a wanger u hôngor* iyol kera ga.
13 Kov ugen ngu u ashe a u a manger kpishi yô,Ashe a u ka a ta ihyagh je i gande!+
14 Kov ugen ngu u anyi a u a lu usankerShi azegher a u kpaa a lu ahô a sôngon kwagh a mi yô;Ka ve ande mbaibanave sha anyi,Kua mbaatsanev mba ken ior kpaa.+
15 Hiin ngi a ônov mba kasev uhar mba ka ve kaan ér, “Nam! Nam!” yô.
Akaa nga atar a kwagh a kuman a ga yô,Anyiin je kpaa, a a kaan ér, “Kuma nahan!” mayange ga yô:
16 Ka Uwar*+ man sagh u ikyômkwase,Man inya i i zuan a mngerem ga,Man usu u u kaan ér, “Kuma nahan!” mayange ga la.
17 Ishe i i nahan ter u i tar, shi i ongo imo i ngô u i ga yô+
—ôô-ôô mba shin pev* vea gber i a tsua,Shi ônov mba igyuvegh vea ya i.+
18 Akaa nga atar a a gandem u fan yô,*Anyiin je kpaa, a m kav a ga yô:
19 Ka gbenda u igyuve ka i purugh sha kwavaôndo,Man gbenda u iyô ka i yemen sha vande,Man gbenda u tso ka a karen ken atô u zegemnger la,Kua kwagh u nomsoor a gumkwase.
20 Kape idyakwase a eren kwagh je ne:
Ka a ya kwagh, a ovur zwa,Maa a kaa ér, “M er kwaghbo ga.”+
21 Akaa nga atar a ka a na tar u tenger yô,Anyiin je kpaa a u fetyô a mi ga yô:
22 Ka zum u kpan a tema tor,+Kua zum u ibumeor a ye kwagh a ide gbing,
23 Man zum u kwase u i ker nan ihyom* nan vôso nom,Man zum u kpankwase a ngohol ian i kwaseya, a kar a hingir kwase jim jim yô.+
24 Akaa agen nga sha tar anyiin a a ndahar kpishi,Kpa a gema a lu a kwaghfan u sha gbaaôndo yô:*+
25 Ishondo taver iyol ga,*Nahan kpa ka i kohol kwaghyan u i inyom.+
26 Akuwa+ ka annyamev mba taver iyol ga,*Nahan kpa ka a er ya u a sha avande.+
27 Ikyomon+ ngi a tor ga,Nahan kpa i cii ka i yemen* akum akum.+
28 Veendeve+ ka a var ken kwagh sha ave a na,Ka a nyôr ken ya u tor je kpaa.
29 Akaa nga atar a a zenden sha kpam yô,Anyiin je kpaa, a a yemen a urum yô:
30 Ka begha u a hembe taver agee ken inyamkyume cii la,Cie or môm hidi ijime ga;+
31 Man iwa i yaren ikyôr man kpev;Man tor u a lu a ikyumutya na yô.
32 Aluer u kende a iyol sha, sha ibume,+Shin u wa a wa ishima u eren nahan tsô kpaa,Cir uwegh sha zwa wou.+
33 Gadia er ka a kunde atumba ve a hingir bôta,*Shi ka a zômon ahenga ve awambe a due nahan,Kape u kpoghor ishimavihin kpa a ve a num la.+
Ngeren mba shin kpe
^ Zwa Heberu, “Ka an nan kende a akighir a taregh sha?”
^ Shin “me na a tuhwa.”
^ Zwa Heberu, “akôngo.”
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “uwagh.”
^ Shin “a a kpiligh mo iyol i gande yô.”
^ Shin “i soo nan ga.”
^ Shin “a fe kwagh kpishi yô.”
^ Zwa Heberu, “ka nongo u taver iyol ga.”
^ Zwa Heberu, “ka nongo u taver iyol ga.”
^ Shin “ka i pav ker.”
^ Ka i yila ishember ne ken zwa Buter ér butter. Ka i zua a bôta ken atumba.
