Anzaakaa 27:1-27
27 De te ave vanger sha kwagh u kper ga,Gadia u fa er iyange ia lu ga.*+
2 De orgen* nana wuese we, i de lun zwa wou iyol you ga;I lu orgen,* i de lun ityumbujôôgh yough ga.+
3 Iwen ka kwagh u yuhwan, waarawa kpa yuhwa,Kpa zayol u* ibumeor ka nan va a mi la yuhwa hemba ve cii.+
4 Iyugh ka i vihi kpishi,Ishimanyoon kpa ka i ta sha or er ka iyuhwamnger nahan,Kpa iyuhwe yô, ka an ia ta sha a nan ve nana waraa?+
5 Guda mkôôm u ken igbar a dooshima u ken myer.+
6 Avav a huror a gber yô ka a mimi,+Kpa zwasusen u orhyom yô u ngee tsô.*
7 Or u nan idi yô, iyough i i lu duen ken ikpayough je kpa ka nan venda.*
Kpa or u ijen i kôr nan yô, kwagh u yuan je kpa ka a nyoho nan.
8 Or u nan due nan undu ya u nan yô,Nan ngu er inyon i i due i undu* iya i i nahan.
9 Mkurem man insensi ka ve na ishima iember;Kape ijende i dedoo i i we or kwagh sha mimi kpaa i ne iember je la.+
10 De te ijende you shin ijende i teru kera ga,De ze hen ya u anngôu sha iyange i kwagh a tser u la ga;Guda orwanndor u lun ikyua a anmgbian u ken ica.+
11 Wan wam, lu orfankwagh, na i saan mo iyol,+Sha er me kaa or u a lu lahan mo la imo yô.+
12 Orfankwagh ka nan nenge a kwaghbo nan yer,+Kpa or u banen a mkav yô ka nan wa ityough yemen, nahan nan za ya ican.
13 Ngohol ikyondo i or nan ne sha u ngohol or u nan fe nan ga uwegh la;Ngohol kwagh u nan te ityumbu sha ci u kwasetyôtyev* la.+
14 Aluer or ver or u wan ndor a nan doo doo pepe pepe sha ikyenge i genger genger yô,A nenge ér ka ifyan je nan lu wan nan ye.
15 Kwase u zôhôn zwa* nan ngu er haav mbu mbu zer nôndon kpii sha iyange i uragh yô.+
16 Or u nan fetyô u kôron un ér a tile girgir yô,Nana fatyô u kôron ahumbe kpaa,Shi nana fatyô u kusun mkurem ken uwegh ku nan ku iyanegh.
17 Er iyôgh ka ki wua* iyôgh kigen nahan,Kape or kpaa ka nan wua* ijende i nan la.*+
18 Or u nan sôron kon u tur yô nana ya atam a u,+Kape or u nan nengen sha orvesen u nan kpaa a na nan icivir la.+
19 Er mngerem ka ma tese ishigh ki or nahan,Kape ishima i or kpaa ka i tese mlu u orgen la.
20 Uwar man ijiir i mtim* mba idi sha won ga,+Kape ashe a or kpaa a idi mayange ga la.
21 Er ka i sôr azurufa shin itye, shi i sôr zanaria ken atse nahan,+Kape or kpaa iwuese i i wuese nan la ka i kar nan* je la.
22 Aluer u tôô tor u kume ibumeorEr ka i kume iyiav shin lu nahan je kpa,Ibumegh ki nan kia pav a nan ga.
23 Fa mlu u ikyumuile you tsembelee.
Nengen sha* iyôngo you doo doo,+
24 Gadia inyaregh ki tsôron ga,+Idyer i tor kpaa i tse gbem ga.
25 Toho u ndor ka u use kera, toho u he u hide u hôm,Shi i kohol imendenev mbi sha uwo i kur a mi.
26 Agumaiyôngo aa na u akondo,Ikpev kpaa ia na u inyaregh ki yamen sule.
27 Atumba a ivo aa lu kpishi a koson we,A koson ya wou man a koson ikpan you i ukase a mi.
Ngeren mba shin kpe
^ Zwa Heberu, “u fa kwagh u iyange ia mar ga.”
^ Zwa Heberu, “or u u fe nan ga.”
^ Zwa Heberu, “ortyôtyev.”
^ Shin “ishimavihin i.”
^ Shin a fatyô u kaan ér, “ka u mimi ga; ka u sha igyosough.”
^ Zwa Heberu, “ka nan ndyar i angahar.”
^ Shin “i yevese i undu.”
^ Shin “kwase u van a va.”
^ Shin “Kwase u wan ivever.”
^ Shin “tsaase.”
^ Shin “tsaase.”
^ Zwa Heberu, “ishigh ki ijende i nan la.”
^ Shin “Sheol man Abadon.”
^ Shin “ka i tese mlu u nan.”
^ Shin “Ver ishima sha.”
