Anzaakaa 14:1-35
14 Kwase u nan fe kwagh sha mimi yô ka nan maa ya u nan,+Kpa ibumekwase yô ka nan yôhôr un sha ave a nan je.
2 Or u nan zenden sha mimi yô nan ngu cian Yehova,Kpa or u igbenda i nan i cimin* yô, nan ngu lahan un.
3 Akpa u iyolmoron ngu ken zwa u ibumeor,Kpa nombor u mbafankwagh yô ua kura ve.
4 Ape ibua i lu ga yô, kpese u haan ilev kwaghyan shimi ka u wanger,Kpa tahav mbu nombua ka mbu na i sunda iyiav kpishi.
5 Orshiada u jighjigh nana er aie ga,Kpa orshiada u aiegh yô, aie been ken zwa u nan ga.+
6 Ornahantar ka nan ker kwaghfan kpa nan zua a mi ga,Kpa or u kaven kwagh yô nan ngôôr zuan a mfe ga.+
7 De ze ikyua a ibumeor ga,Gadia u zua a mfe ken zwa u nan ga.+
8 Kwaghfan ka a na or u kaven kwagh nan fa gbenda u nan lu zan yô,Kpa abumeaior yô ka i tsugh ve* sha ibumegh vegh.+
9 Abumeaior yô, ka aa ya ibo je kpa a hômon a hôm kwagh a mi,*+Kpa mbaperapera yô ka ve kegh iyol u himen iyongo.*
10 Ishima fa ican i i*Iember i i kpaa orgen a fatyô u ember a i imôngo ga.
11 A tim ya u mbaaferev kera,+Kpa tenti u mbaperaperayô una za ikyura.
12 Gbenda ugen sha mnenge u or yô ka u lu u vough,+Kpa ken masejime yô ka u za a or ken ku.+
13 Or a lu sen je kpa ijungwen ia fatyô u lun nan ken ishima,Shi msaanyol kpaa una fatyô u kuren ken ishimavihin.
14 Or u ishima i nan i undu gbenda u mimi yô,Nana sunda kwagh u aeren a nan a ve a mi la,+Kpa or u dedoo yô ka nan zua a injar sha aeren a nan.+
15 Or u banen a mkav* ka nan na hanma kwaghôron cii jighjigh,Kpa orfankwagh yô ka nan hen sha zende u nan tsembelee.+
16 Orfankwagh ka nan lu tsevaa shi nan palegh iferkwagh,Kpa ibumeor yô nan we kwagh ikyo ga,*Shi nan nengen ér kwagh u zan nan iyol ngu ga.*
17 Or u nyoon ishima gagher ka nan er kwagh sha ibume,+Kpa or u henen sha kwagh zulee yô kwagh u nan doon ior ga.
18 Or u nan ban a mkav* yô, ibumegh kia lu dyako u nan,Kpa mbafankwagh yô i cir ve mfe sha ityo.+
19 Ior mba bov vea gure sha ishigh ki ior mba dedoo,Aferaior kpaa aa va gure sha ihinda i mbaperapera.
20 Icanor yô, mbawanndor a nan je kpa ka ve kôr nan ihyom,+Kpa ornyar yô ka nan lu a azende kpishi.+
21 Or u nan lahan or u wan ndor a nan yô nan ngu eren kwaghbo,Kpa or u nan zungu icanor mhôônom yô saan nan iyol.+
22 Mba ve keren ér vea va a zayol la ka ve va tsume gbenda gaa?
Kpa mba ve keren u eren kwagh u dedoo yô ka i tese ve dooshima u been ga man mimi.+
23 Hanma tom u eren kpoghuloo cii ngu a mtsera,Kpa u lamen a lam tseegh yô ze a or ken ibanave.+
24 Idyer i mbafankwagh ka inyaregh vegh;Kpa ibumegh ki abumeaior yô ka di ibumegh tsô.+
25 Orshiada u mimi ka nan war uuma,Kpa orshiada u icughugh yô aie been ken zwa u nan ga.
26 Mcie u cian Yehova ka a na or nan lu a vangertiôr taveraa,+Shi una lu ijiir i yeren i mbayev nav.+
27 Mcie u cian Yehova ka imbor i uma,Sha u wasen or u palegh akaahônon a kuugh.
28 Ka mngee u ior a lu shagba u tor ye,+Kpa orhemen u ior ve lu mba nana hemen ve ga yô, ka gbeev mbu nan je la.
29 Or u nan nyoon ishima fele ga yô nan ngu a mkav kpishi,+Kpa or u nan we ishima ga yô ka nan tese ibumegh ki nan ken igbar.+
30 Ishima i bem bem ka uma u iyolough,*Kpa iyuhwe yô ngi hôôn akuhe.+
31 Or u nan nzughul a icanor yô, nan ngu lahan Un u a gbe nan la,+Kpa or u nan zungu oribanave mhôônom yô, nan ngu civir Un.+
32 Iferor yô, ka ifer i nan la ia hide a hungwa a nan ye,Kpa orperapera yô ieren i nan i mimi la ia hingir nan ijiir i yeren.+
33 Kwaghfan ka a tema girgir ken ishima i orkavenkwagh,+Kpa hen abumeaior yô, ka a yôôn iyol na.
34 Perapera ka a kende a ikyurior sha,+Kpa isholibo yô ka i va ior a kunya.
35 Ka i doo tor a ortom na u nan er kwagh sha kwaghfan yô,+Kpa ishima ka i vihi un a u nan er kwagh sha kunya yô.+
Ngeren mba shin kpe
^ Shin “i hure.”
^ Shin a fatyô u kaan ér, “ka ve tsugh mbagenev.”
^ Shin “a soo u himen iyongo ga.”
^ Shin “mba a erdoo.”
^ Shin “mnyoon u ican i i.”
^ Shin “Or u banen a mfe.”
^ Shin “nan cihi kwagh.”
^ Shin “Shi icile i tenger nan kpaa ga.”
^ Shin “Or u banen a mfe.”
^ Shin “ka gbong gbong u iyolough.”
