Anzaakaa 2:1-22
2 Wan wam, aluer u lumun akaaôron a am,Shi u koso atindi a am wer ka kwagh u injaa,+
2 Sha u keghen ato a kwaghfan zulee+Man u veren ishima you sha mkav;+
3 Man aluer u yila mfe+Shi u genger imo u yila mkav;+
4 Aluer u zer keren un er ka azurufa,+Shi u ngu keren un er akaainjaa a i yer nahan yô,+
5 U kav mcie u cian Yehova,+Mfe u fan Aôndo kpaa u zua a mi.+
6 Gadia ka Yehova iyol na a ne kwaghfan ye;+Mfe man mkav mba dugh ken zwa na.
7 Ka a ver m-er u eren kwagh sha kwaghfan la sha ci u mbaperapera;Ngu perutya u mba ve zenden sha mimi la.+
8 Ashe a na nga kuran igbenda i mimi,Shi una kura gbenda u mba ve civir un sha mimi la.+
9 Nahan u fa kwagh u a lu u perapera man u mimi man u sha inja yô,U fa hanma kwagh u a lu u dedoo cii.+
10 Zum u kwaghfan a nyer u ken ishima+Shi mfe a hingir u doon uma* wou ishima yô,+
11 U henen kwagh sha inja,Nahan kwagh la una wase u,*+Shi mkav kpaa una kuran we,
12 Sha u yiman we sha gbenda u boMan sha ikyev i or u lamen alam a dang;+
13 Sha ikyev i mba ve undu igbenda i peraperaVe lu zenden sha igbenda i imegh la.+
14 Sha ikyev i mba ve ember sha ifer i eren,Ve mba i saan ve iyol a ifer i vihin kpishi la.
15 Man ve mba igbenda ve i hure,Shi uma ve cii a lu atseregh tseegh la.
16 Una yima u sha ikyev i dangkwase,*Man sha zwanyohon u idyakwase,*+
17 U ka nan undu nom u nan u uye,*+Shi nan hungur a ikyuryan i Aôndo u nan la;
18 Gadia ya u nan ka a hungwa a or shin ku,Shi igbenda i nan kpaa ka i zan shin mba ve yav shin ku gbedaa la.+
19 Mba ve yaven a nan* cii mô ve môm nana kera hide ga,Vea kera hide a zua a igbenda i uma kpaa ga.+
20 Nahan yô, dondo gbenda u ior mba dedoo,Shi zaan sha igbenda i mbaperapera her,+
21 Gadia ka mbaperapera tseegh vea tema sha tar ye,Mbaishôôv* vea lu sha u her.+
22 Kpa mbaaferev yô, a tim ve sha tar kera,+Shi mba eren atseregh kpaa, a wuhe ve sha u kera.+
Ngeren mba shin kpe
^ Nenge Ngeren u Pasen Asember.
^ Zwa Heberu, “una kura u”.
^ Zwa Heberu, “kwase u u fe nan ga yô.” Ikyav tese ér ka kwase u inja i nan i dang i pav nan a Aôndo yô.
^ Zwa Heberu, “kwasetyôtyev.” Ikyav tese ér ka kwase u inja i nan i dang i pav nan a Aôndo yô.
^ Zwa Heberu, “ikyar i nan i kôôsôô.”
^ Zwa Heberu, “Mba ve ze hen a nan.”
^ Shin “Mbamimi.”
