Anzaakaa 29:1-27
29 Or u i kôôm nan kwa kimbir kimbir kpa nan nômbo ikyôr her yô*+
A va sombo nan fese, mwar a kera lu ga.+
2 Mbaperapera ka vea ngee yô ior ve ember,Kpa shighe u iferor nan hemen yô, ior ka ve toghor iyol.+
3 Or u kwaghfan a doo nan ishima yôKa nan na ter u nan iember,+Kpa or u nan lun vea mbaagbaga yôKa nan vihi inyaregh ki nan dang dang.+
4 Ka sha ieren i mimi tor ka nan sôr tar u nan zayol a lu ga ye,+Kpa or u nan keren inyaregh ki yamen ishô yô ka nan vihi u.
5 Or u nan lu wuese or u wan ndor a nan sha ikparashe yô,Nan ngu haan nan kper shin angahar.+
6 Tindi u peren u bo-or ka a hide a hôn nan,+Kpa orperapera yô ka nan wa icam genger genger nan ember.+
7 Orperapera ka nan wa ian i icanor nan lu a mi ken ijir la ikyo,+Kpa iferor yô kwagh gbe nan sha kwagh la ga.+
8 Ior mba wan imanger ka ve na ishimavihin i yegh ken gar er ka usu nahan,+Kpa mbafankwagh yô ka ve bee a ishimavihin.+
9 Orfankwagh ka nana zua kwagh a ibumeor yô,Ka i zôhôn zwa i kaan akaa, mmem a lu ga.+
10 Mba ka i doo ve u haan awambe inya la ka ve kôr hanma orishôôgh cii ihyom,+Shi ka ve keren gbenda u been a uma u orperapera.*
11 Ibumeor ka nan pase ishimavihin i nan cii,*+Kpa orfankwagh yô ka nan kighir i.+
12 Zum u orhemen nan lu keghen ato a mbaaie yô,Mbatomov mba nan cii vea lu aferaior.+
13 Icanor man or u eren ior ican cii ve zua sha gbenda ne nahan:
Ve cii ka Yehova a ne ashe a ve iwanger ye.*
14 Aluer tor ngu ôron mbaatsanev ijir sha mimi yô,+Ikyônough ki torough nagh kia lu taveraa gbem.+
15 Akpa* man mkôôm mba ne kwaghfan,+Kpa wanye u i gbe kenden nan tsô yô, nana va ngô u nan ahenge.
16 Mbaaferev ka vea seer yô, tindi u peren kpa a seer,Kpa mbaperapera vea nenge mgbe ve.+
17 Tsaha wan wou, nahan nana na u mmem;Nana na a saan uma wou iyol kpishi.+
18 Hen ape mpase* a lu ga yô, ior ka ve ar ave,+Kpa mba ve kuran atindi yô a saan ve iyol.+
19 Kpan nana lumun ér i kôôm nan sha kwaghôron ga,Gadia er nan kav kwagh u i lu ôron la nahan kpaa nana wa ikyo ga.+
20 U nenge a or u nan ôron kwagh gagher yôô?+
Guda ibumeor a nan.+
21 Aluer i er a kpan gede gede shighe u nan lu iyev la yô,Nana ban a iwuese zum u nana va vese yô.
22 Or u nyoon ishima fefa ka nan va a ayôôso;+Or u nan ngôôr vihin ishima ga cii ka nan per atindi kpishi.+
23 Iyolgengese i or ia hide a nan ijime,+Kpa or u nan hidi a iyol ijime yô nana zua a icivir.+
24 Or u nan nyer nongo a ormbaiv yô,Ka uma u nan je nan ker un ihyom ye.
Ka nan ungwa i yôôn ér i va er shiada,* kpa nana bugh zwa ga.+
25 Mcie u cian or ka kwaghhônon,*+Kpa or u nan suur sha Yehova yô a kura nan.+
26 Ior kpishi ka ve keren u lamen a orhemen,*Kpa ka Yehova a ôron or ijir sha mimi ye.+
27 Or u nan eren kwagh sha mimi ga yôNan ngu orperapera kwagh u ndôhôrshima je,+Kpa or u igbenda i nan i lu vough di yôNan ngu iferor kwagh u ndôhôrshima.+
Ngeren mba shin kpe
^ Shin “nan lu taver ityough her yô.”
^ Shin a fatyô u kaan ér, “Kpa orperapera yô ka nan keren gbenda u kuran uma u nan.”
^ Shin “er i lu nan ken ishima la cii.” Zwa Heberu, “jijingi u nan cii.”
^ Inja na yô, ne ve uma.
^ Shin “Mtsaha; Ityesen.”
^ Shin “kwaghôron u profeti; mpase u sha mnenge.”
^ Shin “nan ungwa imo i ifyan.”
^ Shin “ka a va a kwaghhônon.”
^ Shin a fatyô u kaan ér, “ve keren ér i doo orhemen a ve.” Zwa Heberu, “ve keren ishigh ki orhemen.”
