Anzaakaa 4:1-27
4 Ônov av, ungwan nen tsaha u ter;+Ver nen ishima sha er ne zua a mkav yô,
2 Gadia me wa ne kwagh u injaa;De gbihin nen ityesen yam* ga.+
3 Yange m lu wan u terem u mimi je+Shi m doo ngôm ishima kpishi.+
4 Yange tesem,* a kaa a mo ér:
“Ishima you i kôr akaaôron a am gbang.+
Kuran atindi a am, nahan u lu uma her.+
5 Zua a kwaghfan, zua a mkav kpaa.+
De hungur kwagh u m ôr u ne ga, shi de gem ijime a mi kpaa ga.
6 De te un kera ga, nahan una kura u.
A̱ doo u ishima, nahan una nenge sha a we.*
7 Ka kwaghfan a hembe lun kwagh u vesen* ye,+Nahan zua a kwaghfan,Shi ken akaa a u zuan a mi cii, zua a mkav.+
8 A̱ gba u kwagh tsung, nahan una kende a we sha.+
Una na u icivir, sha ci u u kuve un.+
9 Una kange u kwagh u hweegh sha ityo;Una cir u idyer i tor i doonashe.”
10 Kegh ato, wan wam, lumun akaaôron a am,Nahan ayange a uma wou aa ngee kpishi.+
11 Me tese u gbenda u kwaghfan;+Me hemen we sha igbenda i perapera.+
12 Zum u u lu zenden yô, kwagh a lu u cimin we ken angahar ga;Wea yevese kpaa u nôngo gbeev ga.
13 Kôr tsaha gbang; de pasen u ga.+
Kura u, gadia ka uma wou je.+
14 De nyer sha gbenda u mbaaferev ga,Shi de zenden sha gbenda u ubombaiorov kpaa ga.+
15 Nyagh u, de ze sha u ga;+Palegh u, de karen sha u ga.+
16 Gadia mba fetyô u yaven ga, saa vea er kwaghbo.
Ka vea hungwa a or ga mba fetyô u yaven ga.
17 Ka ve ya beredi u ifer,Ve ma wain u tswam.
18 Kpa gbenda u orperapera ngu er iwanger i sha use nahan,Ka i wanger i seer a seer zan zan iyange sha tembe.+
19 Gbenda u mbaaferev ngu er ka ime nahan;Mba fe kwagh u a ne ve gbeev mbu nôngon ga.
20 Wan wam, ver ishima sha mkaanem am;Kegh ato zulee* sha akaa a m lu ôron we ne.
21 Ma de karen sha ashe a ou kera ga;Koso ma ken atô u ishima you,+
22 Gadia ma ne mba ve zough a mi la uma+Shi ka ma na i kpe iyol ve jimin cii iyol.
23 Hemba kuran ishima you a akaa agen a u kor a cii,+Gadia ka ken i uma a duen ye.
24 Ver kwaghôron u cimin ica a we,+Kwaghôron u ayomough kpaa a gba ica a we.
25 Ashe a ou a kenger sha hemen jighilii,Een, penda ashe* sha hemen wou jighilii.+
26 Kôngor* gbenda u angahar a ou,+Nahan igbenda you cii ia lu a zayol shio.
27 De kahan ken iyan shin ken imese ga.+
Kar a angahar a ou hen kwaghbo kera.
