Anzaakaa 7:1-27
7 Wan wam, wa akaaôron a am ikyo,Koso atindi a am kpaa.+
2 Kuran atindi a am, nahan lu uma;+Kuran kwaghwan* wam er ka wanshe wou nahan.
3 Zer ve sha ahôaveegh a ou;Shi nger ve sha kpande u ishima you.+
4 Kaa a kwaghfan wer, “U ngu ingyôr yam,”Shi yila mkav kpaa wer “anterem,”
5 Sha er vea kura u sha ikyev i dangkwase,*+Man sha ikyev i idyakwase* man zwanyohon na yô.+
6 M ta ashe sha windou u iyou yam,M kenger hen ian-kper, m nenge shin inya,
7 Er m lu kenger mba kaven kwagh ga la yô,M nenge a wanyekwaor ugen ken agumaior u banen a mkav.*+
8 A va kar sha godobi, ikyua ikyua a akahar a gbenda a na,Lu zenden karen vegher ape ya na a lu yô.
9 Lu aikighe, shighe u aôndoaimegh,+Shighe u tugh ka mbu hii u ilen, ime i waan la.
10 Tsô m nenge kwase va kohol un,A wuha iyol er ka gbaga nahan,*+ lu a ishima i ayomough.
11 Ka idyurankwase u norom sha kwagh.+
Tem hen ya ga.*
12 Shighe gen ka a lu ken won, shighe gen a lu sha ityembegar,Ka a kegh hen hanma igyoom-gbenda, a yengen.+
13 Tsô a kôr un, a suse un zwa;A kenger un ken ishi jighilii maa a kaa a na ér:
14 “M na iniav mbi bem.+
Nyian ne m kure uiceghzwa av.
15 Ka nahan ve m due mer me va kohol we ye,Mer me va ker u, man m zua a we kpaa!
16 M tar akondo a lugh lugh sha gambe wam,Akondo a doon kenger a ken Igipiti.+
17 M mishi mire man aloe man sinamon sha gambe wam, huma doo kpe kpe.+
18 Va, se za ma dooshima se ide zan zan sev mbu kar aven;Se za tese ayol a ase dooshima kpishi,
19 Gadia nomom ngu her ga;A yem zende u icaa.
20 A za a ikpanyar,Una hide ga zan zan atôuweregh.”
21 A tsume a na sha kwaghôron na u doon ken ato tsung la.+
A mee un sha zwanyohon.
22 Maa gumor la dondo un fese,Er ka nombua u i lu yemen a na hen ijiir i za sôngon yô,Man er ibumeor u i lu za tsahan nan sha u wan nan agbe* nahan,+
23 Zan zan ivaan kar va tan un sha mtema tsura;A kera fa er i lu uma na jighilii una saa ga,Er ka inyon i sasen yemen hen kwaghhônon nahan.+
24 Nahan yô, mbayev av, kegh nen ato a mo;Ver nen ishima sha akaa a m ôron ne ne.
25 De den ishima you i goom i zaan sha igbenda na ga.
De kahan yemen sha igbenda na ga,+
26 Gadia a zôhô ior kpishi,+Man mba a woo ve la ve ngee tsô.+
27 Ya na ka gbenda u senen shin Uwar;*A tingir a nyôr shin ayou a kuugh a shin atô.
