Anzaakaa 18:1-24
18 Or u nan paven iyol i nan nan veren kposo yô,Nan ngu zendan ka asaren a nan iyol i nan;Ka nan venda hanma gbenda u eren kwagh sha kwaghfan cii.*
2 Mkav ne ibumeor msaanyol ga;Ka i hemba doon nan u pasen kwagh u a lu nan ken ishima la.+
3 Iferor ka nana va yô ilyahan kpa i va,Ape ieren i kunya i lu yô, ihyeen kpa ka i lu.+
4 Mkaanem ma ken zwa u or ma er mngerem ma zan nahan.+
Imbor i kwaghfan ngi er uwagh u kuan yô.
5 Doo u tan ikyaa ken iferor ga+Shi doo u nan orperapera ibo ken ijir kpaa ga.+
6 Kwaghôron u ibumeor ka a va a zwazôhôn,*+Zwa u nan kpaa ka u keren gbidiv.+
7 Zwa u ibumeor ka mtim u nan,+Shi ityumbujôôgh i nan kpaa ka kwagh u hônon uma u nan je.
8 Akaaôron a mbaangerev nga er akaayan a nyohon nahan;*+Ka i mena a, a yem shin gbor.+
9 Or u nan eren hwev sha tom u nan yô,Nan ngu anmgbian u or u van a mtim.+
10 Iti i Yehova ka iyou i taven i taver.+
Orperapera ka nan yevese nan ta ker nan war.*+
11 Inyaregh ki ornyar ka gar u nan u i we un gir i kase yô;Sha mnenge u nan yô, ki er kpekpe u kuran nan nahan.+
12 Imanger ka ia lu or ken ishima yô, gbeev mbu keghen nan,+Iyol hiden a mi ijime di gema ngi ve a icivir.+
13 Zum u or nan kaa imo je er nan lu a ungwa mimi u kwagh ga yô,Ka ibumegh, shi ka kwagh u kunya kpaa.+
14 Jijingi u or una fatyô u taver nan ken angev mbu nan,+Kpa jijingi u uren yô, ka an nana fatyô u wan ishima a mi?+
15 Ishima i orkavenkwagh ka i zua a mfe,+Tough ku orfankwagh kpaa ka ku keren mfe.
16 Iyua i or ka i bugh nan gbenda;+Ka i bugh nan gbenda u eren kwagh a ashagbaaior.
17 Or u nan hii van a ikyaa i nan yô,Ka i lu inja er ka nan nan lu ôron mimi yô,+Zan zan orgen la nan va kar tôvon nan.+
18 Ishor i eren ka i bee a anyimanakaa+Shi ka i kure kwagh hen atô u* mbaahendanev mba ageev.
19 Anmgbian u i hii nan iyongo yô, nan nyer ityough gaEr gar u i we un gir i kase nahan,+Shi ayôôso agen ka a lu er uishindan mba iyou i taver yô.+
20 Atam a iliam i or* ka a na iyav mbu nan mbu ide;+Kwagh u zwa u nan u ve a mi la una kuma nan.
21 Ku man uma mba ken tahav mbu nombor;+Mba iliam i doo ve yô vea ya atam a u.+
22 Or u nan zua a kwase u injaa yô,Ka kwagh u dedoo je nan zough a mi ye,+Shi doo Yehova a nan kpaa.+
23 Icanor ka nan ôron kwagh sha zamber,Kpa ornyar yô ka nan lamen sha tswam.
24 Ahuraior agen ka a kegh a kegh iyol u timin ayol a a,+Kpa ijende ngi i i hembe lun kôôsôô a anmgbian je kpaa yô.+
Ngeren mba shin kpe
^ Shin “hanma gbenda u eren kwagh sha kwaghfan cii ndôhôr nan ishima.”
^ Shin “ayôôso.”
^ Shin “nga er akaa a yan fagher fagher nahan.”
^ Zwa Heberu, “i kende a nan sha,” inja na yô, ka ape mbagen vea fatyô u aren ga la je la.
^ Zwa Heberu, “ka i kôr num u.”
^ Zwa Heberu, “Atam a zwa u or.”
