Anzaakaa 16:1-33
16 Or ka nan hen sha akaa a nana ôr yô ken ishima i nan,*Kpa kwagh u ka nan ôr* la yô, ka hen Yehova a duen ye.+
2 Sha mnenge u or yô igbenda i nan cii ka i lu i vough,*+Kpa Yehova tôvon mbaawashima.*+
3 Wa Yehova hanma kwagh u u eren cii sha ikyev,*+Nahan mbaawashima ou vea kure sha mi vough.
4 Yehova er hanma kwagh cii sha u kuren awashima na,Mbaaferev je kpaa, sha ci u iyange i kwaghtseren.+
5 Or u nan lu a igbongor ken ishima cii nan ndôhôr Yehova ishima.+
Fa dedoo wer nana war mtsaha ga.
6 Dooshima u been ga man ieren i mimi mba wanger akaabo,+Shi or ka nana cian Yehova yô nan palegh kwaghbo.+
7 Aeren a or ka aa doo Yehova yô,A na mbahyomov mba nan je kpa ve hingir bem bem a nan.+
8 Guda u lun a kwagh kpuaa kpa geman lun perapera+A u zuan a kwagh kpishi kpa banen a mimi la.+
9 Or a fatyô u henen sha gbenda u nana za yô ken ishima i nan,Kpa ka Yehova una tese nan ape zan ye.+
10 Hanma kwagh u a dugh sha zwa u tor cii a̱ zua sha awashima u Aôndo;+A̱ de nzughul ijir ga.+
11 Myohom ma vough man kwagh u karen kwagh a mi u mimi ciiKa hen Yehova ve due ye;Myohom ma ken ibya cii ka tom na.+
12 Aeren a ifer ndôhôr utor ishima,+Gadia ka sha perapera ikyônough ki torough ki lun dông ye.+
13 Ka i saan utor iyol a kwaghôron u perapera.
Ka i doo ve a or u nan ôron kwagh sha mimi yô.+
14 Ishimavihin i tor ngi er ka ortyom u kuugh nahan,+Kpa orfankwagh ka nan na i̱ pever.*+
15 Uma ngu ken iwanger i sha ishigh ki tor;Iveren na kpaa ngi er ka ibyeenegh ki urahe yô.+
16 Hemba doon u zuan a kwaghfan a zanaria!+
Man u tsuan mkav a azurufa.+
17 Orperapera ze sha gbenda u u palegh kwaghbo yô.
Hanma or u nan kura gbenda u nan yô, ka uma u nan je nan kor ye.+
18 Iyol kenden a mi sha ka ia hemen yô mtim a dondo,Imanger ka ia hemen yô gbeev mbu dondo.+
19 Guda u hiden a iyol ijime lun a mbaasemaleghlegh imôngo+A u yan ishar i mbamoronayol vea ve imôngo la.
20 Or u nan er ma kwagh sha gbenda u tesen ér nan ngu a mkav yô,Nana za ikyura,*Saan or u nan suur sha Yehova la iyol.
21 Or u nan lu a kwaghfan ken ishima yô, a yila nan ér or u lun a mkav,+Or u nan lamen kundu kundu kpaa ka nan fa u ôron kwagh u kôron ken ishima.+
22 Mkav ka imbor i uma hen mba ve lu a mi la,Kpa abumeaior yô ka ibumegh vegh ki tsahan ve ye.
23 Ishima i orfankwagh ka i na zwa u nan mkav+Shi nan fa u ôron kwagh kôron ken ishima.
24 Akaaôron a kundu kundu nga er ka ikpayough nahan,Ka a nyoho uma* shi a na i kpe akuhe iyol.+
25 Gbenda ugen sha mnenge u or yô ka u lu u vough,Kpa ken masejime yô ka u za a or ken ku.+
26 Isharen i kwaghyan ka i na ortom nan er tom taveraaGadia ijen i nan ka i* mgbeghan nan.+
27 Gbilinor ka nan time iferkwagh nan dugh;+Kwaghôron u nan ngu er ka usu u tseen yô.+
28 Orayongo* ka nan vaan a ayôôso,+Shi or u zenden anger kpaa ka nan pav azende a kôôsôô.+
29 Or u wan tswam ka nan mee or u wan ndor a nanNan yem a nan sha gbenda u kpeegh.
30 Ka nan kam ishe er nan lu eren ayom a ifer la.
Ka nan nyima zwa zum u nan lu eren kwagh u kpeegh yô.
31 Ivu ka kwagh u cirin sha ityo* u icivirigh*+Zum u i zua a mi sha gbenda u perapera yô.+
32 Or u nan nyoon ishima fefa ga yô+ nan hemba or u ageegh,Or u nan kighir ishimanyoon i nan kpaa*Nan hemba or u nan hembe gar sha utya yô.+
33 Ka i er ishor sha ikyum,+Kpa kwagh u ishor la i tese cii, ka hen Yehova a dugh ye.+
Ngeren mba shin kpe
^ Shin “imo i ka nan na.” Zwa Heberu, “mlumun u sha nombor u nan.”
^ Zwa Heberu, “Mbamhen mba ken ishima ka mba or.”
^ Zwa Heberu, “ka i lu i wang.”
^ Zwa Heberu, “ujijingi.”
^ Zwa Heberu, “Menger ityom you cii kende Yehova.”
^ Shin “nan palegh i.”
^ Zwa Heberu, “nana zua a kwagh u doon.”
^ Nenge Ngeren u Pasen Asember.
^ Zwa Heberu, “zwa u nan ka u.”
^ Shin “Or u wan ayom.”
^ Shin “ka tsar.”
^ Shin “u doonashe.”
^ Zwa Heberu, “Or u nan lu a tahav sha jijingi u nan kpaa.”
