Anzaakaa 22:1-29
22 Guda u tsuan iti i dedoo* a u lun a inyaregh kpishi;+Guda u i naan we icivir* a u lun a azurufa man zanaria.
2 Icanor man ornyar cii mba kwaghmôm* sha ci u ityôkyaa ne nahan:
Ve cii ka Yehova a gbe ve ye.+
3 Orfankwagh ka nan nenge a kwaghbo nan yer,Kpa or u banen a mkav yô ka nan wa ityough yemen, nahan nan za ya ican.
4 Injar i iyol hiden a mi ijime man mcie u cian Yehova yô,Ka inyaregh man icivir kua uma.+
5 Usaa man akaahônon nga sha gbenda u or u inja i nan i wanger ga yô,Kpa or u uma u nan a doo nan ishima yô ka nan palegh a.+
6 Tese wanye gbenda u nana za yô;+Nahan nana va bee iyol je kpaa nana undu u ga.+
7 Ornyar ka nan tema tor sha icanor,Or u gban injô kpaa nan ngu kpan u or u a ne nan injô la.+
8 Or u nan lôô iferkwagh cii nana sunda kwaghtseren,+Kwagh u gbough ku ishimavihin i nan kpaa una kure.+
9 Or u wan nagh* nana zua a iveren,Gadia ka nan pande kwaghyan u nan, nan na mbaatsanev.+
10 Zenda ornahantar kera,Nahan iyongo ia bee;Ayôôso* man ilyahan kpaa vea kera lu ga.
11 Or u ishima i wang i doo nan shi kwaghôron u doon a lu ken zwa u nan yôNana ya ijende a tor.+
12 Ashe a Yehova ka a kura mfe,Kpa ngu a vihi akaaôron a mbawanatseregh.+
13 Oruhwe ka nan kaa ér: “Begha ngu ken won!
Una va za wuam ken tembe!”+
14 Zwa u dangkwase* ka ihyungwa i zan.+
Or u Yehova a ne nan ibo yô nana gba shimi.
15 Ibumegh kange wanye sha ishima,+Kpa akpa u tsahan kwagh a mi una zenda ki a ta ica a nan.+
16 Or u nan nyighen icanor sha er nana seer inyaregh ki nan+Kua or u nan ne ornyar uiyua ciiVea hingir mbaibanave.
17 Kegh ato ungwa akaaôron a mbafankwagh,+Sha er u ver ishima zulee sha mfe wam yô,+
18 Gadia aluer u koso a ken atô u ishima you yô a doo,+Nahan a cii aa bee ken zwa wou ga.+
19 M ngu tesen we nyian mer lu a mfe,Sha er u suur sha Yehova yô.
20 M vande ngeren we kwagh gaa?
M wa u kwagh shi m tese u mfe,
21 Sha er me tese u akaaôron a mimi man a a kom u suur sha mi,Nahan u hide u za ôr un u a tindi u la kwagh u vough gaa?
22 De ngohol icanor kwagh wer ka icanor yum ga,+Shi de nzughul a oribanave hen hundagar ga,+
23 Gadia Yehova iyol na una ôr ijir ve+Shi una wua* mba ve nzughul a ve la kera.
24 De lun imôngo a or u nyoon ishima fefa gaShi de lun imôngo a or u yuen kpishi kpaa ga,
25 Sha er u hen igbenda i nan,Nahan u kende uma wou ken kwaghhônon ga yô.+
26 De nyer nongo a mba ka ve zua uwegh a or ve bumÉr vea ngohol mba gban anzô uwegh la ga.+
27 Aluer u ngu a kwagh u kimbin ga yô,A tôô gambe wou u u yav sha mi la je!
28 De karen a ikyav i ndor wouHen ijiir i ngise uter ou ver akighir la kera ga.+
29 U nenge a or u nan fe tom u nan dedoo yôô?
Nana tile sha ishigh ki utor;+Nana tile a lu sha ishigh ki ior mba ve lu kwagh ga la ga.
