Anzaakaa 21:1-31
21 Ishima i tor ngi ken uwegh ku Yehova+Er ka ukungwambamngerev nahan.
Ka a goom a i i ver ishigh ape a soo cii.+
2 Sha mnenge u or yô, igbenda i nan cii ka i lu i vough,+Kpa Yehova tôvon asema.*+
3 U eren kwagh u sha inja man u vough laHembe doon Yehova a nagh ku nan.+
4 Ashe a sha imanger man ishima i gbongor, ka imenger i mbaaferev—Akaa ne ka isholibo je.+
5 Mbaawashima mba or u eren kwagh sha gbashima ka ve va a mzehemen,+Kpa mba ve torough sha kwagh cii, ka ve za nyôr ken ibanave kpee.+
6 U zuan a akaainjaa sha nombor u aiegh yôNgu er irkpii i i lu samben kera nahan, ka kwaghhônon u kuugh je.*+
7 Tswam u mbaaferev ua ese ve kera,+Gadia ve venda u eren kwagh u mimi.
8 Gbenda u oriboo yô hure,Kpa ieren i or u wang yô ngi vough.+
9 Guda u teman sha zongough ku haav mbu iyoughoughA u lun hen ya môm vea kwase u zôhôn zwa.*+
10 Kwaghbo ka a saren iferor;*+Nan tesen or u wan ndor a nan erdoo ga.+
11 Ka a tsaha orpuunakaa yô, or u banen a mfe nan seer kwaghfan,Shi zum u orfankwagh nan zough a mkav yô, ka nan seer mfe.*+
12 Un u a lu u perapera la ka a kenger ya u iferor;Ka a yôhôr mbaaferev a haa inya.+
13 Or u nan cir ato a nan, nan venda u ungwan mliam ma icanor yôNan kpa nana yila, kpa a ungwa nan her ga.+
14 Iyua i i ne ken iuv yô ka i pever ishimavihin,+Inyaregh ki yamen ishô ki i ne ken myer* kpaa ki pever iyugh.
15 Orperapera ka nana er kwagh u vough yô, i lu kwagh u nan nan iember,+Kpa mba ve eren ifer yô ka i lu ve kwagh u kundan iyol.
16 Or u nan tsum gbenda u mkav yô,Nana mem vea mba ve yav shin ku gbedaa la imôngo.+
17 Or u msaanyol a* doo nan ishima yum cii nana gba ican;+Or u wain kua mkurem ve doo nan kpishi kpaa nana tsa a hingir ornyar ga.
18 Iferor ka ipaan sha ci u orperapera,Shi a kôr or u wan atseregh a yem a mi sha ityough ki or u mimi.+
19 Guda u teman ken taaikyôngoA u lun vea kwase u zôhôn zwa* shi vihin ishima fele fele.+
20 Akaainjaa man mkurem mba hen ya u orfankwagh,+Kpa ibumeor yô nana vihi* kwagh u nan lu a mi cii.+
21 Or u nan keren perapera man dooshima u been ga yô,Nana zua a uma man perapera man icivir.+
22 Orfankwagh nana unde* gar u mbaageevNana vihi agee a ve suur sha mi la.+
23 Or u nan kor zwa u nan kua nombor u nan yô,Nan ngu palegh zayol.*+
24 Or u eren kwagh sha ihyagh, u nan we kwagh ikyo ga yô,A yila nan ér orgengeseyol u wan igbongor.+
25 Kwagh u a saren oruhwe la, ka un je una wua nan ye,Sha ci u ave a nan venda u eren tom.+
26 Ka nan shi tômon kwagh sha hua pepe zan zan tugh,Kpa orperapera yô ka nan na a u tangen iyol shio.+
27 Nagh ku iferor ndôhôr ishima.+
Ka nana na ku a awashima u bo* je yô ku hemba ndôhôr ishima cii!
28 Orshiada u aiegh nana tim,+Kpa or u ungwan kwagh yô nana za ikyura.*
29 Iferor ka nan eren kwagh a mciem shio,+Kpa ka or u mimi gbenda u nan u lu a zayol shio ye.*+
30 Ma kwaghfan shin mkav shin kwaghwan ngu u una fatyô u hendan a Yehova ga.+
31 Ka i wa nyinya ago iyol sha ci u iyange i utya,+Kpa myom yô ka hen Yehova a lu ye.+
Ngeren mba shin kpe
^ Shin “mbaawashima.”
^ Shin a fatyô u kaan ér, “hen mba ve keren ku la.”
^ Shin “kwase u wan ivever.”
^ Shin “uma u iferor.”
^ Shin “nan fa kwagh u nana er yô.”
^ Zwa Heberu, “ki i we or hen ikyum.”
^ Shin “ugurgurmbaakaav ve.”
^ Shin “kwase u wan ivever.”
^ Zwa Heberu, “nana mena.”
^ Shin “nana hemba.”
^ Shin “Nan ngu palegh uma u nan a kwaghbo.”
^ Shin “a ieren i kunya.”
^ Zwa Heberu, “nana lam gbem sha won.”
^ Shin “ka nan kôôm gbenda u nan u za vough ye.”
