Anzaakaa 3:1-35
3 Wan wam, ityesen yam i* de hungur we ga,Shi ishima you i waan atindi a am ikyo,
2 Sha ci u akaa ne aa seer we ayange kpishiKua anyom a uma man bem kpaa.+
3 De den wer dooshima u been ga la man mimi ve undu u ga.+
Zer ve sha mon wou;Shi nger ve sha kpande u ishima you;+
4 Nahan a doo Aôndo man ior cii a weShi u lu a kwaghfan hen ishigh vev.+
5 Suur sha Yehova+ a ishima you cii,De suur* sha mkav wou ga.+
6 Umbur un ken akaa a u eren cii,+Nahan una kôôm igbenda you.+
7 De nengen iyol you wer u ngu orfankwagh ga.+
Cia Yehova, palegh kwaghbo.
8 Kwagh la una na a kpe iyol you iyol*Shi akuhe a ou kpaa a yôhôr a iyol.
9 Civir Yehova a akaainjaa a ou,+A iyiav mbi u hii sundan* ken akaa a ou* la cii;+
10 Nahan iuna you ia iv zev zev+Shi ahungwa a ou a shoghor wain kpaa aa iv je a lu haan ken inya.
11 Wan wam, de vende tsaha u Yehova ga,+Mkôôm na kpaa a de vihin we ishima ga,+
12 Gadia ka mba ve doo Yehova ishima la a kôôm ve ye,+Er ter ka nan er a wan u nan u i doo nan a nan nahan.+
13 Saan or u nan zough a kwaghfan la iyol+Kua or u nan zough a mkav la kpaa;
14 Hemba doon u zuan a mi a u zuan a azurufa,Shi mtsera na kpaa hemba zanaria.+
15 Hemba ngun a inja a awen a korali;*Kwagh môm u a sar u kpaa a fatyô u tôôn karen sha mi ga.
16 Uma u tsan gbem ngu ken uwegh nagh ku iyanegh;Yôughyôugh man icivir mba ken uwegh nagh ku imesegh.
17 Igbenda na ka i dedoo,Igbenda na cii ka i bem.+
18 Ngu kon u uma hen mba ve ker ave sha mi yô,Mba ve kusu un gbang la kpaa a yila ve ér mba i saan ve iyol yô.+
19 Yehova wa imaagh ki taregh sha kwaghfan.+
A ver usha mba dông sha mkav.+
20 Lu sha mfe na aivamnger pavShi abeen haa avure ye.+
21 Wan wam, de deen wer ve̱ kar hen ishigh you kera ga.*
Waan ieren i eren kwagh sha kwaghfan shi henen kwagh sha inja la ikyo;
22 Vea na u umaShi vea lu kwagh u hweegh sha mon wou;
23 Nahan u zende sha gbenda wou bem bem,Nguhar wou kpaa kua kema kera ga.+
24 Zum u u yav inya yô, u cia kwagh môm ga;+U yav inya u gba mnyam mem mem.+
25 U cia ma kwaghtseren u una va aburabur+Shin ijeverahumbe i ia va sha mbaaferev la kpaa ga.+
26 Gadia Yehova una lu ishuur you;+Una na nguhar wou kua wever ken kwagh ga.+
27 De nyumen mbagenev kwagh u dedoo u ve kom u ma u er a ve la ga,+Aluer u ngu a tahav* mbu wasen yô.+
28 De kaan a or u wan ndor a we wer, “Za tsô u va; kper tsô me na u!” ga,Aluer ka u u fatyô u nan nan heregh yô.
29 De keren gbenda u bulan or u wan ndor a we ga,+Gadia nan ngu a we bem bem.
30 De gbe zôhôn a or ga,+Aluer nan hii u ga yô.+
31 De tômon kwagh u or u wan tswam ga+Shi de dondon igbenda i nan kpaa ga,
32 Gadia or u ayomough ndôhôr Yehova ishima,+Kpa mbamimi yô ka a ya ikyar a ve kôôsôô.+
33 Ifyan i Yehova ngi sha ya u iferor,+Kpa veren ya u orperapera doo doo.+
34 Gadia ka a naha mba ve puun ior la tar,+Kpa mbaasemaleghlegh yô zungwen ve mhôônom.+
35 Mbafankwagh vea zua a icivir,Kpa abumeaior yô, ka kunya u doo ve ye.+
Ngeren mba shin kpe
^ Shin “tindi wam a.”
^ Zwa Heberu, “De yier.”
^ Zwa Heberu, “a kpe icombo you iyol.”
^ Shin “akaa a u zough a mi.”
^ Shin “mbi hemban doon.”
^ Nenge Ngeren u Pasen Asember.
^ Ikyav tese ér mba ôron ka aeren a Yehova a i ôr kwagh u a ken avur a sha ijime la.
^ Shin “uwegh ough ku a tahav.”
