Kroniku u sha Uhar 27:1-9
-
Yotam, tor u Yuda (1-9)
27 Yotam+ lu anyom 25 shighe u tema tor la, a hemen ken Yerusalem anyom 16. I yilan ngô na ér Yerusha, lu wan u Sadoki.+
2 Lu eren kwagh u dedoo sha ishigh ki Yehova, vough er ter na Ushia er nahan;+ un yô, nyôr ken tempel u Yehova ga.+ Kpa ior lu eren kwaghbo her.
3 A maa hunda u iyou i Yehova u sha la,+ shi a maa akaa kpishi sha kpekpe, ikyua a Ofel.+
4 Shi a maa agar+ hen haregh u iwoogh u Yuda,+ shi a maa agar a lun a ugir mba taver+ man ayou a taven+ hen ajiir a ikyon lu la.
5 A nôngo ityav a tor u Mbaamon+ zan zan a va hemba ve, nahan ken inyom la, Mbaamon na un azurufa utalenti* 100, man alakema uikyaren mba koor* 10,000, kua barli uikyaren mba koor 10,000. Shi Mbaamon na un akaa ne ken inyom i sha uhar man i utar la.+
6 Yotam lu lun a tahav seer a seer, sha ci u a kange ishima ér una zende sha igbenda i Yehova Aôndo na.
7 Akaa agen ken yiase i Yotam cii, ityav mbi nôngo man igbenda na cii, i nger ken Takeda u Ator a Iserael man a Yuda.+
8 Lu anyom 25 shighe u tema tor la, a hemen ken Yerusalem anyom 16.+
9 Tsô Yotam kpe, i ii un vea uter nav ken Gar u Davidi.+ Maa wan na Ahashi kar tema tor sha ityough nagh.+
Ngeren mba shin kpe
^ Talenti môm yange a lu ukilogeram 34.2. Nenge Ngeren u Seer u B14 la.
^ Koor môm yange a lu ulita 220. Nenge Ngeren u Seer u B14 la.
