Kroniku u sha Uhar 22:1-12

  • Ahashia, tor u Yuda (1-9)

  • Atalia ngohol ikyônough ki torough (10-12)

22  Tsô ior mba ken Yerusalem ver Ahashia wan na u masetyô tor sha ityough nagh, sha ci u mbayanishar mba ve va vea Mbaarabia ken afo la, wua ônov mba vesen mbara cii.+ Nahan Ahashia wan u Yehoram hingir tor u Yuda, gba hemen.+ 2  Ahashia lu anyom 22 shighe u tema tor la, a hemen ken Yerusalem inyom i môm. I yilan ngô na ér Atalia,+ un lu wan u wan u Omeri.+ 3  Un kpa zende sha igbenda i ya u Ahaba,+ sha ci u ngô na lu wan un kwagh ér a er ifer. 4  Tsô a za hemen u eren kwaghbo sha ishigh ki Yehova er ya u Ahaba nahan, sha ci u ve hingir mba wan un kwagh shighe u ter na kpe kera la, nahan ve va un a mtim. 5  A ungwa kwaghwan ve la, nahan a za vea Yehoram wan u Ahaba tor u Iserael u za nôngon ityav a Hasael+ tor u Shiria hen Ramoti-gileadi;+ lu her mbakerenavaan vihi Yehoram iyol ye. 6  A hide a yem ken Yesereel,+ sha er avav a i gber un hen Rama, shighe u lu nôngon ityav a Hasael tor u Shiria+ la a bee yô. Ahashia* wan u Yehoram+ tor u Yuda sen za shin Yesereel u za nengen a Yehoram+ wan u Ahaba, sha ci u iyol i a vihi la.*+ 7  Kpa er Ahashia za hen Yehoram yô, Aôndo va a mtim sha a na. Shighe u za la, a due vea Yehoram ve za kohol Yehu,+ wan u wan u Nimshi, un u Yehova shighe un mkurem ér a bee a* ya u Ahaba kera la.+ 8  Yehu ngur van a ijirôron sha ya u Ahaba yô, a zua a mbahemenev mba Yuda man ônov mba anmgbianev mba Ahashia, ve mba ve eren Ahashia tom la, maa a wua ve kera.+ 9  Tsô ve ker Ahashia ve za kôr un ape yer ken Samaria la, maa ve va a na hen Yehu; ve va wua un ve ii,+ sha ci u ve kaa ér: “Un ka wan u wan u Yehoshafati, un u ker Yehova a ishima na cii la.”+ Or môm hen ya u Ahashia nan lu a tahav mbu hemen tartor la ga. 10  Atalia+ ngô u Ahashia nengen er wan na a kpe yô, a mough a tim tsombortor u ya u Yuda cii.*+ 11  Nahan kpa, Yehoshabeati wan u tor u kwase ii Yehoashi+ ken ônov mba tor mba lu u a wua ve la, za ver un vea yese na ken iyou i tsan i ken atô igen. Yehoshabeati wan u Tor Yehoram u kwase la+ (un lu kwase u pristi Yehoyada+ shi lu anmgbian u Ahashia) nôngo yer un, Atalia nenge a na ga, nahan a wua un ga.+ 12  A lu vea ve anyom ataratar, ve yer un ken iyou i Aôndo u mimi. Hen shighe ne, Atalia lu hemen tar la.

Ngeren mba shin kpe

^ Shin “sha ci u doo un iyol ga.”
^ Ken ngeren mba ken zwa Heberu mbagen yô, i yila un ér “Asaria.”
^ Zwa Heberu, “a gber.”
^ Zwa Heberu, “vor u tartor u ya u Yuda cii.”

Copyrights for this publication