Samuel u Hiihii 21:1-15
21 Shighe kar yô, Davidi va hen pristi Ahimeleki hen Nobu.+ Ahimeleki nengen a Davidi yô, a gba gbidyen ikyarkyase iyol, maa a pine un ér: “Er nan ve u lu tswen, or môm nan lu vea we ga?”+
2 Davidi gema kaa a pristi Ahimeleki ér: “Tor ôr a mo ér mo m er kwagh ugen, kpa a kaa ér, ‘De pasen or môm kwagh sha kwagh u m lu tindin we mer za er ne ga, kua akaa a m kaa u la kpaa ga.’ M kaa a agumaior a am mer se za zua hen ijiir igen.
3 Wea lu a ikpenberedi itian yô nam, wea lumun yô, shin kwagh u u lu a mi cii.”
4 Kpa pristi la gema kaa a Davidi ér: “Beredi ugen ngu ga, kpa icighanberedi ngu.+ Nahan aluer agumaior la yav a kasev ga yô,+ vea fatyô u yan.”
5 Davidi gema kaa a pristi la ér: “Se kera yav a kasev ga, er ashighe agen a ken ijime a se due se za ityav la nahan.+ Ka a tindi agumaior ne ityom i vesen ga je kpa ve lu wang, man hide nyian u i tindi ve ityom i vesen ne ve vea lu wang ga yee!”
6 Tsô pristi la na un icighanberedi+ u i tôô sha ishigh ki Yehova kera ér a hide a ver beredi u he sha iyange i i tôô ugen la kera la, sha ci u beredi ugen lu ga, saa beredi u i ver sha ishigh ki Aôndo la tseegh.
7 Ortom u Saulu ugen u i kaa ér a lu sha ishigh ki Yehova yô, lu her sha iyange la. I yilan un ér Doegi,+ un lu Oredom+ shi lu orhemen u mbakuranilev mba Saulu.
8 Davidi maa kaa a Ahimeleki ér: “U ngu a iwange shin sanker heen jee? M tôô sanker wam shin ikyav yav mbi utyaav ga, sha ci u kwagh u ashen tor a kaa ér mo m er la i lu kwagh u timbir ga.”
9 Pristi la gema kaa ér: “Sanker u Goliati+ Orfiliti u yange u wua un shin Pev* u Ela la+ ngu heen; i kpelegh ikyondo sha mi i ver ken ijime i ikyondo i efodi.+ Aluer u soo u tôôn yô, tôô, sha ci u ka un tseegh a lu heen ye.” Davidi gema kaa ér: “Sanker môm ngu er un ga. Nam un.”
10 Tsô Davidi mough sha iyange la za hemen u yevese+ Saulu. Ken masejime yô, a va nyôr hen Tor Akishi ken Gati.+
11 Maa mbatomov mba Akishi pine un ér: “Ka Davidi tor u tar la ne gaa? Ka un u yange ve wa icam sha kwagh na shighe u ve lu vinen amar kaan ér,‘Saulu wua ior dubu,Davidi di gema wua ior dubu pue’ ne gaa?”+
12 Davidi hen sha kwagh u ve ôr la, nahan kwagh u Tor Akishi u ken Gati la cier un iyol kpishi.+
13 Nahan a yer iyol sha ishigh vev,+ shi lu eren er ngu hunden nahan shighe u lu hen atô ve la.* Lu ngeren akaa sha ikpande ihinda, shi de azer lu duen haan un sha indyer.
14 Ken masejime yô, Akishi kaa a mbatomov nav ér: “Ne nenge er or ne a lu hunden yô! Man er nan ne ve a na hen a moo?
15 M ban a mbaihyunduv ve ne vem a or ne ner a va hunden sha ishigh yagh yee? Gba u or ne nahan ma a nyer hen ya wama?”
