Kwa Waebrania 10:1-39
10 Kwa maana kwa kuwa Sheria iko na kivuli+ cha mambo ya muzuri yenye yatakuja,+ lakini hapana umbo ya kweli ya mambo hayo, haiwezi* hata kidogo, kwa zabihu zilezile zenye zinaendelea kutolewa mwaka kwa mwaka, kufanya wale wenye wanakaribia wakuwe wakamilifu.+
2 Tofauti na hilo, je, zabihu hazingeacha kutolewa, kwa sababu wale wenye wanatoa utumishi mutakatifu wangekuwa wametakaswa mara moja na hawangejisikia tena kuwa wako na zambi?
3 Kinyume cha hilo, zabihu hizo ni kikumbusho cha zambi mwaka kwa mwaka,+
4 kwa maana haiwezekane damu ya ngombe-dume na ya mbuzi kutosha zambi.
5 Basi wakati anakuja katika ulimwengu, anasema: “‘Haukutaka zabihu na toleo, lakini ulinitayarishia mwili.
6 Haukukubali matoleo mazima ya kuteketezwa na matoleo ya zambi.’+
7 Kisha nikasema: ‘Angalia! Nimekuja (katika kitabu cha kukunjwa imeandikwa juu yangu) ili kufanya mapenzi yako, Ee Mungu.’”+
8 Kisha kusema kwanza: “Haukutaka na haukukubali zabihu na matoleo na matoleo mazima ya kuteketezwa na matoleo ya zambi”—zabihu zenye zinatolewa kulingana na Sheria—
9 halafu anasema: “Angalia! Nimekuja ili kufanya mapenzi yako.”+ Anatosha ule mupango wa kwanza ili asimamishe ule wa pili.
10 Kwa “mapenzi” hayo+ sisi tumetakaswa kupitia toleo la mwili wa Yesu Kristo mara moja kwa wakati wote.+
11 Pia, kila kuhani anasimama mahali pake kila siku ili kutoa utumishi mutakatifu*+ na kutoa mara nyingi zabihu zilezile,+ zenye haziwezi kutosha kabisa zambi hata kidogo.+
12 Lakini mutu huyu alitoa zabihu moja kwa ajili ya zambi mara moja kwa wakati wote na kukaa kwenye mukono wa kuume wa Mungu,+
13 tangu wakati huo na kuendelea akingojea mupaka maadui wake wawekwe kuwa kiti cha miguu yake.+
14 Kwa maana ni kupitia toleo moja la zabihu ndiyo amefanya wale wenye wanatakaswa wakuwe wakamilifu+ kwa wakati wote.
15 Zaidi ya hayo, roho takatifu pia inatutolea ushahidi, kwa maana kisha kusema:
16 “‘Hili ndilo agano lenye nitafanya pamoja nao kisha siku hizo,’ ni vile Yehova* anasema. ‘Nitatia sheria zangu katika mioyo yao, na nitaziandika katika akili zao.’”+
17 Kisha inasema: “Na sitakumbuka tena zambi zao na matendo yao ya kuvunja sheria.”+
18 Sasa mahali kwenye kuko musamaha wa mambo hayo, hakuna tena toleo kwa ajili ya zambi.
19 Kwa hiyo, ndugu, kwa kuwa hatuna woga* wa njia ya kuingia katika mahali patakatifu+ kupitia damu ya Yesu,
20 yenye alitufungulia* kuwa njia mupya na yenye uzima kupitia lile pazia,+ ni kusema, mwili wake,
21 na kwa kuwa tuko na kuhani mukubwa mwenye kuwa juu ya nyumba ya Mungu,+
22 tukaribie tukiwa na mioyo myeupe na imani kamili, mioyo yetu ikiwa imenyunyiziwa* damu na kuwa safi kutokana na zamiri ya mubaya+ na miili yetu ikiwa imeoshwa kwa maji safi.+
23 Tushike imara tangazo la mbele ya watu wote la tumaini letu bila kuyumba-yumba,+ kwa maana ule mwenye aliahidi ni muaminifu.
24 Na tufikiriane* ili kuchocheana* katika upendo na matendo ya muzuri,+
25 bila kuacha kukutana pamoja,+ kama vile wengine wako na desturi, lakini tutiane moyo,+ na kufanya vile zaidi sana kwa kadiri munaona siku ile kuwa inakaribia.+
26 Kwa maana kama tunazoea kutenda zambi kimakusudi kisha kupokea ujuzi wenye hauna makosa wa ile kweli,*+ hakuna tena zabihu yoyote yenye inabakia kwa ajili ya zambi,+
27 lakini kuko tazamio hakika la hukumu lenye linaogopesha na kasirani yenye kuwaka yenye itateketeza wale wenye wanapinga.+
28 Mutu yeyote mwenye amezarau Sheria ya Musa anakufa bila huruma kwa ushuhuda wa watu wawili ao watatu (3).+
29 Munawaza mutu mwenye amemukanyangia chini Mwana wa Mungu na kuona damu ya agano+ kuwa yenye samani ya kawaida tu, damu yenye alitakaswa kupitia hiyo, na mwenye ametukana kwa zarau roho ya fazili zenye hazistahiliwe, atapata azabu kubwa kadiri gani?+
30 Kwa maana tunajua Ule mwenye alisema: “Kisasi ni changu; mimi nitalipa.” Na tena: “Yehova* atahukumu watu wake.”+
31 Ni jambo lenye kuogopesha kuanguka katika mikono ya Mungu mwenye kuishi.
32 Hata hivyo, muendelee kukumbuka siku za zamani zenye, kisha kupata mwangaza,+ mulivumilia pigano kubwa pamoja na mateso.
33 Nyakati fulani mulifunuliwa mbele ya watu wote* kwa lawama na pia taabu, na nyakati fulani mulishiriki* pamoja na wale wenye walikuwa wanapatwa na jambo kama hilo.
34 Kwa maana muliwasikilia huruma wale wenye walikuwa katika gereza na mukakubali kwa furaha kunyanganywa vitu vyenu,+ mukijua kwamba ninyi wenyewe muko na malipo ya muzuri zaidi na yenye kudumu.+
35 Kwa hiyo, musitupe hali yenu ya kutokuwa na woga,* yenye itapewa zawabu kwa wingi.+
36 Kwa maana muko na lazima ya uvumilivu,+ ili kisha kufanya mapenzi ya Mungu, mupokee utimizo wa ile ahadi.
37 Kwa maana kunabakia “wakati kidogo sana,”+ na “ule mwenye anakuja atafika na hatakawia.”+
38 “Lakini mutu wangu mwenye haki ataishi kwa sababu ya imani,”+ na “kama anarudia nyuma kwa kutetemeka, mimi sipendezwe* naye.”+
39 Sasa sisi hatuko namna ya watu wenye wanarudia nyuma kwenye uharibifu,+ lakini sisi ni namna ya watu wenye wako na imani ili kulinda uzima wetu.*
Maelezo ya Chini
^ Ao pengine, “watu hawawezi.”
^ Ao “kufanya utumishi wa watu wote.”
^ Angalia Nyongeza A5.
^ Ao “tuko na uhakika.”
^ Tnn., “alituzindulia.”
^ Kunyunyiza ni kumwanga kidogo-kidogo kitu cha majimaji ao ungaunga.
^ Ao “kutiana moyo.”
^ Ao “tuhangaikiane; tukaziane uangalifu.”
^ Ao “ujuzi sahihi wa ile kweli.”
^ Angalia Nyongeza A5.
^ Tnn., “mulifunuliwa kama katika jumba la maonyesho.”
^ Ao “mulisimama mumoja pembeni ya mwingine.”
^ Tnn., “uhuru wenu wa kusema.”
^ Ao “nafsi yangu haipendezwe.”
^ Ao “nafsi zetu.”
