Bhaibheri Rinotii?
Mwari anopindura minyengetero yese here?
UNGATI ANOPINDURA MINYENGETERO . . .
Yese here?
Imwe here?
Kana kuti haapinduri
ZVINOTAURWA NEBHAIBHERI
“Jehovha ari pedyo navose . . . vanodana kwaari zvechokwadi.”—Pisarema 145:18.
NDEZVIPI ZVIMWE ZVATINODZIDZA MUBHAIBHERI?
Mwari haapinduri minyengetero yevanhu vasingamuteereri. (Isaya 1:15) Asi kana vakachinja mararamiro avo anogona kuvapindura.—Isaya 1:18.
Mwari anopindura minyengetero inoenderana nezvaanoda zviri muBhaibheri.—1 Johani 5:14.
Tinofanira kunyengetera takaita sei?
VAMWE VANHU VANOTI munhu anofanira kupfugama, kukotamisa uso kana kuti kubatanidza maoko pese paanenge achinyengetera. Unotiwo kudii?
ZVINOTAURWA NEBHAIBHERI
Mwari akapindura minyengetero yevanhu vaiva ‘vakagara pasi,’ ‘vakasimuka,’ ‘vakazvambarara’ uye ‘vakapfugama.’ (1 Makoronike 17:16; 2 Makoronike 30:27; Ezra 10:1; Mabasa 9:40) Anotinzwa pasinei nekuti tiri kunyengetera takaita sei.
NDEZVIPI ZVIMWE ZVATINODZIDZA MUBHAIBHERI?
Mwari anoteerera vanhu vanozvininipisa.—Pisarema 138:6.
Unogona kunyengetera chero nemutauro waunoda uye unogona kuzviita nechemumwoyo.—2 Makoronike 6:32, 33; Nehemiya 2:1-6.