Ngeche 29:1-27

29  Ng’at ma wiye tek kata ka osekwere ding’eny+Biro po mana ka otur kendo ok obi chango.+   Ka jo makare ng’eny to ji bedo mamor,To ka ng’at marach e ma locho to ji ywagore.+   Ng’at mohero rieko miyo wuon-gi bedo mamor,+To ng’at ma wuotho gi jochode ketho mwandune.+   Kuom tim makare, ruoth miyo piny chung’ motegno,+To ng’at ma manyo asoya ketho piny.   Ng’at ma pako nyawadgi gi pak manonoChiko obadho ne tiendene.+   Richo mag ng’at marach rwake e obadho,+To ng’at makare kok gi ilo kendo obedo mamor.+   Ng’at makare dewo ratiro mag jachan,+To ng’at marach ok dew mano kata matin.+   Josunga kelo koko e dala,+To jo mariek kueyo mirima.+   Ka ng’at mariek ochako yware gi ng’at mofuwo,Koko gi ajara e ma biro betie, to ok gibi tieko ywaruogno.+ 10  Jo ma ohero chuero remo osin gi ng’ato ang’ata ma onge ketho,+Kendo gimanyo yo mar nego jo matir.* 11  Ng’at mofuwo golo mirimbe duto,+To ng’at mariek geng’o mirimbe.+ 12  Ka jaloch chiko ite ne miriambo,Jotije duto bedo jo maricho.+ 13  Wachni chalre kuom jachan kod jasand ji: Jehova e ma miyo wang’gi ler.* 14  Ka ruoth ng’ado buch jochan kare,+Lochne nosik kogurore.+ 15  Kede kod siem e ma kelo rieko,+To nyathi mowe aweya kelo ne min mare wich-kuot. 16  Ka jo maricho omedore, to richo bende medore,To jo makare biro neno ka jo maricho lwar.+ 17  Rie nyathini to obiro miyi kuwe;Kendo obiro miyo ibed gi mor mogundho.+ 18  Ka onge fweny, to ji timo gik ma gihero,+To jo mamor gin jo ma luwo chik.+ 19  Jatich ok nyal rie mana gi weche kende,Nimar obiro winjo, to ok obi timo kaka inyise.+ 20  Be iseneno ng’at ma rikni gi weche?+ Nitie geno ne ng’at mofuwo moloye.+ 21  Ka odhial jatich a e tinne,Ok obi goyo erokamano bang’e. 22  Ng’at ma ja mirima kelo miero;+Ng’at ma iye siko wang’ timo richo mang’eny.+ 23  Sunga mar ng’ato e ma biro duoke chien,+To ng’at ma obolore biro yudo duong’.+ 24  Osiep jakuo osin gi ngimane owuon. Onyalo winjo ka idwaro ni ng’ato ochiw neno, to oling’ aling’a.+ 25  Luoro dhano en obadho,+To ng’at mogeno Jehova ibiro riti.+ 26  Ji mang’eny gombo dhi e nyim jaloch,*Kata kamano, Jehova e ma miyo ing’ado ne ng’ato bura kare.+ 27  Ng’at makare sin gi ng’at ma ok kare,+To ng’at marach sin gi ng’at ma yorene tir.+

Weche Moler Piny

Kata nyalo bedo, “To ng’at matir manyo kaka dores ngimane.”
Tiende ni, omiyogi ngima.
Kata nyalo bedo, “manyo ng’wono kuom jaloch.”