Ngeche 14:1-35
14 Dhako mariek gero ode,+To dhako mofuwo muke gi lwetene owuon.
2 Ng’at ma wuotho tir oluoro Jehova,To ng’at ma yorene obam ochaye.
3 Ludh sunga nie dho ng’at mofuwo,To dho jo mariek biro ritogi.
4 Ka ma dhok ongee, kul ler,To kuom tekre ruath, keyo bedo mang’eny.
5 Janeno madier ok riambi,To janeno ma riambo wacho miriambo lilo.+
6 Ja ajara manyo rieko to ok oyudi,To ng’eyo biro mayot ne ng’at ma winjo tiend wach.+
7 Bed mabor gi ng’at mofuwo,Nimar onge ng’eyo ma ibiro yudo e dhoge.+
8 Rieko nyiso ng’at ma winjo tiend wach yo modhiye,To fup jo mofuwo e ma wuondogi.*+
9 Jo mofuwo ok dew ketho chik,* ginyiero anyiera,+To jo matir oikore loso wach.
10 Chuny ng’ato e ma ong’eyo lit mowinjo,Kendo ng’at machielo ok nyal ng’eyo mor ma en-go.
11 Od jaricho ibiro muki,+To hema mar ng’at matir biro chung’ motegno.
12 Nitie yo ma nenore ni ber e wang’ dhano,+To gikone otere e tho.+
13 Kata sa ma ng’ato nyiero, chunye nyalo bedo gi lit,Kendo mor nyalo lokore kuyo.
14 Ng’at ma wiye tek biro yudo pok kaluwore gi yore,+To ng’at maber yudo gueth kaluwore gi timbene.+
15 Ng’at ma riekone tin yie gi gimoro amora,To ng’at mariek paro ka pok okawo okang’ moro amora.+
16 Ng’at mariek otang’ kendo owere gi richo,To ng’at mofuwo wiye tek kendo omuomore.
17 Ng’at ma iye wang’ piyo timo gik mofuwo,+To ng’at ma paro weche matut ji osin-go.
18 Ng’at ma riekone tin noyud fuwo kaka pokne,To ng’at mariek isidhone osimbo mar rieko.+
19 Jo maricho biro kulore e nyim jo mabeyo,Kendo joricho biro kulore e dho rangeye mag jo makare.
20 Ng’at modhier kata jabute osin kode,+To jamoko nigi osiepe mang’eny.+
21 Ng’at ma ochayo nyawadgi timo richo,To ng’at ma kecho jachan mor.+
22 Donge jo ma chano gik maricho lalga nono?
To jo ma paro timo gik mabeyo yudo ng’wono* gi adiera.+
23 Tiyo gi kinda e ma kelo ohala,To wuoyo awuoya kelo dhier.+
24 Mwandu e osimbo mar jo mariek,Timbe jo mofuwo gin mana fuwo lilo.+
25 Janeno madier reso ngima ji,To janeno ma riambo wacho miriambo lilo.
26 Ng’at ma oluoro Jehova nigi geno madier,+Kendo kanyo e ma nyithinde biro ringoe.+
27 Luoro Jehova e soko mar ngima,Oresi e obadho mag tho.
28 Ruoth ma joge ng’eny e ma nigi duong’,+To ruoth ma onge ji biro podho.
29 Ng’at ma tero mirimbe mos ong’eyo pogo weche,+To ng’at ma ok hore elo mana fupe.+
30 Chuny mokuwe miyo del bedo mangima,To nyiego miyo choke tow.+
31 Ng’at ma sando ng’at modhier ochayo Jachuechne,+To ng’at ma kecho jachan, miye duong’.+
32 Richo e ma biro goyo jaricho piny,To ng’at makare yudo kar buok e timne matir.+
33 Rieko yueyo mos e chuny ng’at ma winjo tiend wach,+To ka en e kind jo mofuwo nyaka ohulre.
34 Tim makare ting’o oganda malo,+Richo to kelo wich-kuot ne ji.
35 Ruoth mor gi jatich mariek,+To obedo gi mirima gi jatich ma kelo wich-kuot.+
