Ngeche 26:1-28

26  Mana kaka pe e ndalo oro kod koth e ndalo keyo,E kaka duong’ ok owinjore gi ng’at mofuwo.+   Mana kaka winyo ma ringo kendo kaka opija ma fuyo,E kaka kuong’ bende ok bi ma onge gimomiyo.*   Faras owinjore gi chwat, dho punda owinjore gi tueyo,+To luth en mar ng’e ng’at mofuwo.+   Kik idwok ng’at mofuwo kaluwore gi fupe,Mondo kik ibed machal kode.   Dwok ng’at mofuwo kaluwore gi fupe,Mondo kik opar ni oriek.+   Ng’at ma oro jal mofuwoChalo mana gi ng’at ma turo tiendene, kendo ohinyore owuon.   Ngero moa e dho ng’at mofuwo,Chalo mana gi tiend rang’ol ma owengni.+   Miyo ng’at mofuwo duong’,Chalo mana gi tueyo kidi e orujre.+   Ngero moa e dho ng’at mofuwo,Chalo mana ka buya motimo kuthe e lwet ng’at momer. 10  Ng’at ma ndiko ng’at mofuwo e tich kata ng’ato ang’ata moyudo e yo,Chalo mana gi ng’at ma bayo abaya asere kohinyo ji. 11  Kaka guok dok e ng’okne,E kaka ng’at mofuwo nwoyo fupe.+ 12  Be iseneno ng’at ma paro ni oriek?+ Nitie geno ne ng’at mofuwo moloye. 13  Jasamuoyo wacho niya: “Sibuor nie ndara,Sibuor nie laru!”+ 14  Mana kaka dhoot wirore e chumbe momake,*E kaka jasamuoyo lokore aloka e otandane.+ 15  Jasamuoyo luto lwete e bakul,To ool ahinya ma ok onyal kata tero lweteno e dhoge.+ 16  Jasamuoyo paro ni oriekMoloyo ji abiriyo ma dwoko wach gi rieko. 17  Ng’at ma kalo kamoro to iye wang’ gi* dhawo ma ok mareChalo mana gi ng’at ma mako it guok.+ 18  Janeko ma diro aserni ma kakni, mager, kendo ma neko 19  Chalo gi ng’at ma wuondo nyawadgi kae to owacho ni, “Ne angeri angera!”+ 20  Ka yien onge, to mach tho,Ka kuoth onge, to dhawo rumo.+ 21  Mana kaka maka miyo mach kakni to yien miyo mach liel,E kaka ng’at ma kwiny kelo miero.+ 22  Weche mag kuoth chalo gi chiemo mamit;*Gidonjo adonja moriere nyaka e ich.+ 23  Weche mamit ma wuok e chuny marachChalo gi agulu ma rieny mobuk gi fedha.+ 24  Jasigu wuondo jomoko gi dhoge,To e i chunye okano mana miriambo. 25  Kata bed ni wechene mit manade, kik igene,Nikech nitie gik maricho abiriyo mopong’ e chunye.* 26  Kata ka opando sigune gi miriambo,To timbene maricho ibiro el e lela. 27  Ng’at ma kunyo bur nolwar e iye,Kendo ng’at ma ng’ielo kidi, kidino noduogne.+ 28  Lep ma riambo osin gi jo ma ohinyo,To dhok ma riambo kelo hinyruok.+

Weche Moler Piny

Kata nyalo bedo, “E kaka kuong’ ma kayiem nono kadho akadha.”
Kata, “pata.”
Kata nyalo bedo, “donjore e.”
Kata, “othonje mamit.”
Kata, “Nikech chunye okethore chuth.”