Ngeche 12:1-28
12 Ng’at mohero puonj ohero ng’eyo,+To ng’at ma sin kokwere, onge gi rieko.+
2 Jehova mor gi ng’at maber,To okwedo ng’at ma chano timo richo.+
3 Richo ok nyal miyo ng’ato odag gi kuwe,+To ng’at makare ok nopudh ngang’.
4 Dhako maber en osimbo ne chwore,+To dhako ma kuodo wich chalo gi tuo ma miyo chokene tow.+
5 Paro mag ng’at makare ni kare,To rieko ma joricho ng’ado wuondo ji.
6 Weche mag joricho opondo ka rito chuero remo,+To dho jo matir resogi.+
7 Ka olo joricho to gilal nono,To od ng’at makare biro siko kogurore motegno.+
8 Ng’ato ipako kaluwore gi rieko moa e dhoge,+To ng’at ma nigi paro* mobam ichayo.+
9 Ber bedo dhano adhana to in-gi jatichMoloyo ting’ori malo to ionge chiemo.+
10 Ng’at makare rito jambe maber,+To ng’wono mar jaricho en mana gero.
11 Ng’at ma puro puothe noyud chiemo morome,+To ng’at ma lawo gik manono, oonge gi rieko.
12 Jaricho gombo gik ma joricho wetene omako,To jo makare chalo gi tiend yath ma nyago olemo.
13 Weche jaricho make en owuon,+To ng’at makare tony e chandruok.
14 Olemo ma dho ng’ato nyago miye gik mabeyo,+Kendo tich lwetene biro kelone ber.
15 Ng’at mofuwo paro ni yorene ni kare,+To ng’at mariek chiko ite king’adone paro.+
16 Ng’at mofuwo nyiso mirimbe piyo piyo,*+To ng’at mariek muonyo ayany.
17 Janeno ma jadiera wacho adiera,To janeno ma riambo hango wach.
18 Weche ma imuomruokgo chuoyo chuny ka ligangla,To lew ng’at mariek chango chuny.+
19 Dhok ma wacho adiera biro siko nyaka chieng’,+To lep ma riambo biro bedo mana kuom kinde machuok.+
20 Wuond nie chuny jogo ma chano timo gima rach,To jo ma ohero kuwe nigi mor.+
21 Onge gima rach ma biro yudo ng’at makare,+To joricho yudo chandruok mathoth.+
22 Jehova osin gi dhok mohero miriambo,+To omor gi jo adiera.
23 Ng’at mariek pando gima ong’eyo,To chuny ng’at mofuwo golo mana fupe.+
24 Lwet jo ma tiyo matek biro locho,+To lwedo ma nyap ibiro chun gi tich ka misumba.+
25 Parruok manie chuny dhano miyo onyosore,+To wach maber duogo chunye.+
26 Ng’at makare manyo ka ma dokwaye jambe,To yor joricho miyo girwenyo.
27 Jasamuoyo ok nyal lawo le kodhi dwar,+To kinda en mwandu maduong’ ma ng’ato dibedgo.
28 Yor tim makare tero ng’ato e ngima;+Kendo yorno onge tho.
