Levitico 17:1-16

  • Tabernakulo, pagidatonan (1-9)

  • Maiparit ti mangan iti dara (10-14)

  • Regulasion maipapan iti animal a nasarakan a natay (15, 16)

17  Intuloy a kinuna ni Jehova ken ni Moises:  “Ibagam ken Aaron, kadagiti annakna, ken iti amin nga Israelita, ‘Daytoy ti imbilin ni Jehova:  “‘“Asinoman nga Israelita nga agparti iti kalakian a baka wenno urbon a kalakian a karnero wenno kalding iti uneg wenno ruar ti kampo  imbes nga iti ruangan ti tolda a pagkonsultaan tapno ipaayna kas daton ken Jehova iti sanguanan ti tabernakulo ni Jehova, ket maibilang a nakabasol iti dara. Nagibukbok iti dara ket masapul a mapapatay.  Maaramid daytoy tapno saanen nga ipan dagiti Israelita ti datonda iti tanap no di ket ken Jehova, nga iyegda dagita iti padi, iti ruangan ti tolda a pagkonsultaan. Ipaayda dagitoy kas daton a pakikappia ken Jehova.+  Iwarsi ti padi ti dara iti rabaw ti altar ni Jehova iti ruangan ti tolda a pagkonsultaan ket puoranna ti taba tapno mangpataud iti makaay-ayo* a banglo ken Jehova.+  Iti kasta, saandan nga agidaton kadagiti kasla kalding a demonio*+ a pagdaydayawanda.*+ Agserbi daytoy kas agnanayon a paglintegan ti amin a henerasionyo.”’  “Ibagam kadakuada, ‘Asinoman nga Israelita wenno ganggannaet a residente a mangyeg iti daton a mapuoran wenno aniaman a daton  a saan a mangipan iti dayta iti ruangan ti tolda a pagkonsultaan tapno idatonna ken Jehova, masapul a mapapatay.+ 10  “‘Ilaksidkonto ti asinoman nga Israelita wenno ganggannaet a residente a mangan iti dara ti aniaman a parsua.+ Masapul a mapapatay. 11  Ta adda iti dara ti biag*+ ti aniaman a parsua, ket imbilinko a maidaton dayta iti rabaw ti altar+ kas pangabbong kadagiti basolyo. Ti dara ti mangabbong iti basol+ gapu iti biag* nga adda iti dayta. 12  Dayta ti makagapu a kinunak kadagiti Israelita: “Awan kadakayo ti mangan iti dara,+ kasta met dagiti ganggannaet a residente a makipagnanaed kadakayo.”+ 13  “‘Asinoman nga Israelita wenno ganggannaet a residente a makaanup wenno makatiliw iti atap nga animal wenno billit a mabalin a kanen, masapul nga ibukbokna ti dara+ ti animal sa gaburanna iti tapok. 14  Ta ti biag* ti tunggal parsua ket adda iti darana. Gapuna, ibilinko kadagiti Israelita: “Saanyo a kanen ti dara ti tunggal parsua ta ti biag* ket adda iti dara. Mapapatay ti asinoman a mangan iti dayta.”+ 15  Asinoman nga Israelita wenno ganggannaet a mangan iti lasag ti natayen nga animal wenno pinapatay ti atap nga animal,+ masapul a labaanna dagiti badona, agdigus, ket maibilang a narugit agingga a lumnek ti init.+ Kalpasanna, maibilangen a nadalus. 16  Ngem no saanna a labaan dagiti badona ken saan nga agdigus,* madusa gapu iti basolna.’”+

Footnotes

Wenno “makapabang-ar.” Lit., “makapakalma.”
Lit., “kalding.”
Lit., “pakikamkamalalaanda.”
Wenno “kararua.”
Wenno “kararua.”
Wenno “kararua.”
Wenno “kararua.”
Lit., “saanna a digusen ti lasagna.”