Josue 21:1-45

  • Dagiti siudad para kadagiti Levita (1-42)

    • Para kadagiti annak ni Aaron (9-19)

    • Para iti dadduma pay a Kohatita (20-26)

    • Para kadagiti Gersonita (27-33)

    • Para kadagiti Merarita (34-40)

  • Natungpal dagiti kari ni Jehova (43-45)

21  Dagiti ulo dagiti pamilia dagiti Levita immasidegda kada Eleazar+ a padi, Josue nga anak ni Nun, ken kadagiti ulo dagiti pamilia dagiti tribu ti Israel,  ket nakisaritada kadakuada idiay Shilo+ iti daga ti Canaan. Kinunada: “Imbilin idi ni Jehova ken ni Moises a maikkankami kadagiti siudad a pagyananmi ken pagpastoranmi kadagiti tarakenmi.”+  Manipud kadagiti tawid dagiti Israelita,+ inikkanda dagiti Levita kadagiti siudad a pagyananda+ ken pagpastoranda, kas iti imbilin ni Jehova.  Ti umuna a nabunot ket para kadagiti pamilia dagiti Cohatita.+ Naited babaen ti binnunot* kadagiti Levita nga annak ni Aaron a padi ti 13 a siudad manipud iti daga a tawid ti tribu ni Juda,+ tribu ni Simeon,+ ken tribu ni Benjamin.+  Naited* iti dadduma pay a Cohatita ti 10 a siudad manipud kadagiti pamilia iti tribu ni Efraim,+ tribu ni Dan, ken iti kagudua ti tribu ni Manases.+  Naited kadagiti Gersonita+ ti 13 a siudad manipud kadagiti pamilia iti tribu ni Isacar, tribu ni Aser, tribu ni Neftali, ken iti kagudua ti tribu ni Manases idiay Basan.+  Naited kadagiti pamilia dagiti Merarita+ ti 12 a siudad manipud iti tribu ni Ruben, tribu ni Gad, ken tribu ni Zabulon.+  Babaen ti binnunot, inted dagiti Israelita kadagiti Levita dagita a siudad ken dagiti pagpastoranda, kas iti imbilin ni Jehova ken ni Moises.+  Dagitoy ti nagan dagiti naited a siudad a masarakan iti daga a sakup ti tribu ni Juda ken tribu ni Simeon,+ 10  ket naited dagitoy kadagiti Levita nga annak ni Aaron, iti pamilia dagiti Cohatita, gapu ta isuda ti immuna a nabunot. 11  Intedda ti Kiriat-arba+ (ni Arba ti ama ni Anak), kayatna a sawen, ti Hebron,+ iti kabambantayan ti Juda, ken dagiti pagpastoran iti aglawlawna. 12  Ngem ti talon ti siudad ken dagiti purok iti aglawlawna ket intedda ken Caleb nga anak ni Jefune a kas kukuana.+ 13  Ti Hebron+ ken dagiti pagpastoranna ket naited kadagiti annak ni Aaron a padi a kas siudad a pagkamangan ti tao a nakapatay.+ Karaman iti dayta ti Libna+ ken dagiti pagpastoranna, 14  ti Jatir+ ken dagiti pagpastoranna, ti Estemoa+ ken dagiti pagpastoranna, 15  ti Holon+ ken dagiti pagpastoranna, ti Debir+ ken dagiti pagpastoranna, 16  ti Ain+ ken dagiti pagpastoranna, ti Jutta+ ken dagiti pagpastoranna, ken ti Bet-semes ken dagiti pagpastoranna—siam a siudad manipud iti tribu da Juda ken Simeon. 17  Dagitoy met ti naited kadakuada manipud iti tribu ni Benjamin: ti Gibeon+ ken dagiti pagpastoranna, ti Geba ken dagiti pagpastoranna,+ 18  ti Anatot+ ken dagiti pagpastoranna, ken ti Almon ken dagiti pagpastoranna—uppat a siudad. 19  Amin a naited iti papadi, nga annak ni Aaron, ket 13 a siudad agraman dagiti pagpastoranda.+ 20  Babaen ti binnunot, dagiti pamilia dagiti Cohatita iti tribu ni Levi ket naikkan kadagiti siudad manipud iti tribu ni Efraim. 21  Naikkanda iti siudad a pagkamangan ti tao a nakapatay,+ ti Sikem+ ken dagiti pagpastoranna iti kabambantayan ti Efraim, ti Gezer+ ken dagiti pagpastoranna, 22  ti Kibzaim ken dagiti pagpastoranna, ken ti Bet-horon+ ken dagiti pagpastoranna—uppat a siudad. 23  Dagitoy ti naited kadakuada manipud iti tribu ni Dan: ti Elteke ken dagiti pagpastoranna, ti Gibeton ken dagiti pagpastoranna, 24  ti Aijalon+ ken dagiti pagpastoranna, ken ti Gat-rimmon ken dagiti pagpastoranna—uppat a siudad. 25  Dagitoy ti naited kadakuada manipud iti kagudua ti tribu ni Manases: ti Taanak+ ken dagiti pagpastoranna, ken ti Gat-rimmon ken dagiti pagpastoranna—dua a siudad. 26  Amin a naited iti dadduma pay a pamilia dagiti Cohatita ket 10 a siudad agraman dagiti pagpastoranda. 27  Naited kadagiti Gersonita+ iti pamilia dagiti Levita ti siudad a pagkamangan ti tao a nakapatay—ti Golan,+ idiay Basan ken dagiti pagpastoranna. Naggapu dayta iti kagudua ti tribu ni Manases. Naited met kadakuada ti Beestera ken dagiti pagpastoranna—dua a siudad. 28  Dagitoy ti naited kadakuada manipud iti tribu ni Isacar:+ ti Kision ken dagiti pagpastoranna, ti Daberat+ ken dagiti pagpastoranna, 29  ti Jarmut ken dagiti pagpastoranna, ti En-gannim ken dagiti pagpastoranna—uppat a siudad. 30  Dagitoy ti naited kadakuada manipud iti tribu ni Aser:+ ti Misal ken dagiti pagpastoranna, ti Abdon ken dagiti pagpastoranna, 31  ti Helkat+ ken dagiti pagpastoranna, ken ti Rehob+ ken dagiti pagpastoranna—uppat a siudad. 32  Dagitoy ti naited kadakuada manipud iti tribu ni Neftali: ti siudad a pagkamangan+ ti tao a nakapatay—ti Kedes+ idiay Galilea ken dagiti pagpastoranna, ti Hammot-dor ken dagiti pagpastoranna, ken ti Kartan ken dagiti pagpastoranna—tallo a siudad. 33  Amin a naited kadagiti pamilia dagiti Gersonita ket 13 a siudad ken dagiti pagpastoranda. 34  Iti tribu ni Zabulon,+ dagitoy ti naited kadagiti pamilia dagiti Merarita,+ ti dadduma kadagiti Levita: ti Jokneam+ ken dagiti pagpastoranna, ti Karta ken dagiti pagpastoranna, 35  ti Dimna ken dagiti pagpastoranna, ti Nahalal+ ken dagiti pagpastoranna—uppat a siudad. 36  Dagitoy ti naited kadakuada manipud iti tribu ni Ruben: ti Bezer+ ken dagiti pagpastoranna, ti Jahaz ken dagiti pagpastoranna,+ 37  ti Kedemot ken dagiti pagpastoranna, ken ti Mefaat ken dagiti pagpastoranna—uppat a siudad. 38  Dagitoy ti naited kadakuada manipud iti tribu ni Gad:+ ti siudad a pagkamangan ti tao a nakapatay—ti Ramot idiay Gilead+ ken dagiti pagpastoranna, ken ti Mahanaim+ ken dagiti pagpastoranna, 39  ti Hesbon+ ken dagiti pagpastoranna, ti Jazer+ ken dagiti pagpastoranna—uppat amin a siudad. 40  Amin a naited nga agbalin a kukua dagiti pamilia dagiti Merarita a miembro ti dadduma pay a pamilia dagiti Levita ket 12 a siudad. 41  Amin a siudad dagiti Levita nga adda iti daga a tawid dagiti Israelita ket 48 agraman dagiti pagpastoranda.+ 42  Adda pagpastoran iti aglawlaw amin dagita a siudad—kasta ti tunggal maysa kadagita. 43  Gapuna, inted ni Jehova iti Israel ti amin a daga nga inkarina nga ited kadagidi ammada,+ ket tinagikuada dayta ken pinagnaedanda.+ 44  Pinagbalin met ni Jehova a natalna ti kasasaad ti amin nga aglawlawda, kas iti inkarina kadagidi ammada,+ ket awan uray maysa iti amin a kabusorda ti makabael idi a mangparmek kadakuada.+ Inted kadakuada ni Jehova ti amin a kabusorda.+ 45  Tinungpal ni Jehova ti amin a naimbag nga inkarina* kadagiti Israelita; pimmayso amin dagita.+

Footnotes

Wenno “Naited.”
Wenno “Naited babaen ti binnunot.”
Wenno “imbagana.”