Josue 12:1-24

  • Dagiti naabak nga ari iti daya ti Jordan (1-6)

  • Dagiti naabak nga ari iti laud ti Jordan (7-24)

12  Sinakup dagiti Israelita ti daga iti daya ti Jordan, manipud iti Tanap ti Arnon*+ agingga idiay Bantay Hermon+ ken iti intero nga Araba nga agpadaya+ kalpasan a pinatayda dagitoy nga ar-ari:  Ni Sihon+ nga ari dagiti Amoreo, a nagyan idiay Hesbon ken nagturay manipud Aroer,+ nga adda iti igid ti Tanap ti Arnon,*+ ken manipud iti tengnga ti tanap, ken iti kagudua ti Gilead agingga idiay Tanap* ti Jabok a pagpatinggaan ti daga dagiti Ammonita.  Inturayanna met ti Araba agingga iti Baybay ti Kineret*+ nga agpadaya ken agingga iti Baybay ti Araba, ti Asin a Baybay,* iti daya nga agturong iti Bet-jesimot, ken agpaabagatan kadagiti bakras ti Pisga.+  Sinakup met dagiti Israelita ti teritoria ni Ari Og+ ti Basan, a maysa kadagiti nabati iti Refaim+ ken nagyan idiay Astarot ken Edrei  ken nagturay idiay Bantay Hermon, idiay Saleca, ken iti intero a Basan,+ agingga iti pagpatinggaan ti daga dagiti Gesurita ken dagiti Maacatita,+ ken iti kagudua ti Gilead, agingga iti teritoria ni Ari Sihon ti Hesbon.+  Inabak ida ni Moises nga adipen ni Jehova ken dagiti Israelita.+ Kalpasanna, ti dagada ket inted ni Moises nga adipen ni Jehova kadagiti Rubenita, Gadita, ken iti kagudua ti tribu ni Manases.+  Dagitoy ti ar-ari nga inabak ni Josue ken dagiti Israelita iti laud ti Jordan, mangrugi iti Baal-gad+ iti Tanap ti Lebanon+ agingga idiay Bantay Halak,+ a sumang-at idiay Seir.+ Kalpasanna, ti dagada ket inted ni Josue kadagiti tribu ti Israel kas tawidda sigun iti bingayda,+  iti kabambantayan, iti Sefela, iti Araba, kadagiti bakras, iti let-ang, ken iti Negeb+—ti daga dagiti Heteo, Amoreo,+ Canaanita, Perizeo, Heveo, ken Jebuseo:+   Ti ari ti Jerico,+ maysa; ti ari ti Ai,+ nga adda iti abay ti Bethel, maysa; 10  ti ari ti Jerusalem, maysa; ti ari ti Hebron,+ maysa; 11  ti ari ti Jarmut, maysa; ti ari ti Lakis, maysa; 12  ti ari ti Eglon, maysa; ti ari ti Gezer,+ maysa; 13  ti ari ti Debir,+ maysa; ti ari ti Geder, maysa; 14  ti ari ti Horma, maysa; ti ari ti Arad, maysa; 15  ti ari ti Libna,+ maysa; ti ari ti Adulam, maysa; 16  ti ari ti Makeda,+ maysa; ti ari ti Bethel,+ maysa; 17  ti ari ti Tapua, maysa; ti ari ti Hefer, maysa; 18  ti ari ti Afek, maysa; ti ari ti Lasaron, maysa; 19  ti ari ti Madon, maysa; ti ari ti Hazor,+ maysa; 20  ti ari ti Shimron-meron, maysa; ti ari ti Acsaf, maysa; 21  ti ari ti Taanak, maysa; ti ari ti Megiddo, maysa; 22  ti ari ti Kedes, maysa; ti ari ti Jokneam+ idiay Carmelo, maysa; 23  ti ari ti Dor kadagiti bakras ti Dor,+ maysa; ti ari ti Goiim idiay Gilgal, maysa; 24  ti ari ti Tirza, maysa; 31 amin nga ari.

Footnotes

Wenno “Karayan Arnon.”
Wenno “Karayan Arnon.”
Wenno “Karayan.”
Kayatna a sawen, ti danaw ti Genesaret, wenno ti Baybay ti Galilea.
Kayatna a sawen, ti Natay a Baybay.