Oseas 13:1-16

  • Nalimutan si Jehova ng idolatrosong Efraim (1-16)

    • “Nasaan ang iyong kamandag, O Kamatayan?” (14)

13  “Kapag nagsasalita noon ang Efraim, nanginginig ang mga tao;Prominente siya sa Israel.+ Pero nagkasala siya dahil sa pagsamba kay Baal+ at namatay.   Ngayon ay dinaragdagan pa nila ang kasalanan nila,At gumagawa sila ng mga metal na estatuwa mula sa kanilang pilak;+Magaling sila sa paggawa ng mga idolo, lahat ng gawa ng mga bihasang manggagawa. Sinasabi nila, ‘Halikan ng mga naghahain ang mga guya.’*+   Kaya sila ay magiging gaya ng mga ulap sa umaga,Gaya ng hamog na madaling nawawala,Gaya ng ipa sa giikan na tinatangay ng bagyo,At gaya ng usok na lumalabas sa tsiminea.   Pero ako si Jehova na iyong Diyos mula pa sa lupain ng Ehipto;+Wala kang nakilalang ibang Diyos maliban sa akin,At walang ibang tagapagligtas kundi ako.+   Nakilala kita sa ilang,+ sa tuyot na lupain.   Kontento na sila sa mga pastulan nila,+Kontento na sila at naging mapagmataas ang puso nila. Kaya naman nalimutan nila ako.+   Magiging gaya ako ng leon sa kanila,+Gaya ng leopardo na nag-aabang sa tabi ng daan.   Haharapin ko silang gaya ng oso na nawalan ng mga anak,At wawakwakin ko ang dibdib nila. Doon ay lalapain ko silang gaya ng leon;Luluray-lurayin sila ng isang mabangis na hayop sa parang.   Lilipulin ka nito, O Israel,Dahil tinalikuran mo ako, ang tumutulong sa iyo. 10  Nasaan ngayon ang iyong hari, na dapat sanang magligtas sa lahat ng lunsod mo,+At ang iyong mga tagapamahala,* na hiniling mo nang sabihin mo,‘Bigyan mo ako ng hari at mga pinuno’?*+ 11  Galit ako nang bigyan kita ng hari,+At aalisin ko rin siya dahil sa poot ko.+ 12  Nakabalot* ang pagkakamali ng Efraim;Nakaimbak ang kasalanan niya. 13  Mararanasan niya ang kirot ng panganganak. Pero siya ay mangmang na anak;Hindi siya lumalabas kapag panahon na para ipanganak siya. 14  Tutubusin ko sila mula sa kapangyarihan ng Libingan;*Babawiin ko sila mula sa kamatayan.+ Nasaan ang iyong kamandag, O Kamatayan?+ Nasaan ang iyong pagiging mapamuksa, O Libingan?+ Pero hindi pa rin maaawa ang mga mata ko. 15  Kahit lumago siyang gaya ng mga tambo,May darating na hanging silangan, ang hangin ni Jehova.Darating ito mula sa disyerto, para tuyuin ang balon niya at sairin ang bukal niya. Sasamsamin ng isang iyon ang kabang-yaman ng lahat ng magaganda niyang gamit.+ 16  Hahatulang may-sala ang Samaria,+ dahil nagrebelde siya sa kaniyang Diyos.+ Mamamatay sila sa espada,+Pagluluray-lurayin ang mga anak nila,At wawakwakin ang tiyan ng mga nagdadalang-tao.”

Talababa

O “batang baka.”
Lit., “hukom.”
O “prinsipe.”
O “Iniingatan.”
O “Sheol.” Tingnan sa Glosari.