Muhubiri 2:1-26

  • Kuchunguza mambo yenye Sulemani alifuatilia (1-11)

  • Hekima ya wanadamu haina faida kubwa (12-16)

  • Kazi ngumu ni bure (17-23)

  • Kula, kunywa, na ufurahie kazi (24-26)

2  Kisha nikasema katika moyo wangu: “Kuja na nijaribu raha,* na nione nitapata mema gani.” Lakini angalia! hilo pia lilikuwa bure.*   Kuhusu kicheko nilisema, “Ni wazimu!” Na kuhusu raha,* “Iko na faida gani?”  Nilichunguza kwa moyo wangu kwa kujifurahisha kupitia divai,+ na wakati huo niliendelea kulinda hekima yangu; hata nilikumbatia upumbavu ili nione ni jambo gani la muzuri sana lenye wanadamu wanapaswa kufanya kwa siku kidogo za maisha yao chini ya mbingu.  Nilifanya mambo makubwa.+ Nilijijengea nyumba nyingi;+ Nilijipandia mashamba ya mizabibu.+  Nilitengeneza mashamba na bustani zangu, na nilipanda ndani kila namna ya miti ya matunda.  Nilijifanyia viziwa vya maji, ili kumwangilia maji pori la miti yenye kukomaa muzuri.  Nikakuwa na watumishi wanaume na watumishi wanamuke,+ na watumishi wengine walizaliwa katika nyumba yangu.* Pia, nikakuwa na mifugo mingi—ngombe na makundi+—​kuliko watu wote wenye walinitangulia Yerusalemu.  Nilijikusanyia feza na zahabu,+ hazina za* wafalme na za majimbo.+ Nilijikusanyia waimbaji wanaume na waimbaji wanamuke, na pia kile chenye kinaletea wana wa binadamu furaha nyingi—​mwanamuke, ndiyo, wanamuke wengi.*  Basi nikakuwa mukubwa na nikapita wale wote wenye walinitangulia Yerusalemu.+ Na hekima yangu ilibakia pamoja na mimi. 10  Sikujiima kitu chochote chenye nilitamani.*+ Sikuima moyo wangu raha* yoyote, kwa maana moyo wangu ulifurahi kwa sababu ya kazi yangu yote ya nguvu, na hiyo ndiyo zawabu yenye* nilipata kwa sababu ya kazi yangu yote ya nguvu.+ 11  Lakini wakati nilifikiria kazi zote zenye mikono yangu ilikuwa imefanya na kazi yote ya nguvu yenye nilitoa jasho ili kuitimiza,+ niliona kwamba kila kitu ni bure,* na kufuatilia upepo;+ sikuona kitu chochote chenye kuwa cha maana kabisa* chini ya jua.+ 12  Kisha nikaanza kuchunguza hekima, wazimu, na ujinga.+ (Kwa maana mutu mwenye atakuja kisha mufalme atafanya nini? Atafanya tu mambo yenye yamekwisha kufanywa.) 13  Na nikaona kwamba hekima iko na faida kuliko ujinga,+ kama vile mwangaza uko na faida kuliko giza. 14  Macho ya mutu mwenye hekima yako katika kichwa chake;*+ lakini mujinga anatembea katika giza.+ Pia nimefikia kutambua kwamba kuko jambo moja lenye linafikia* watu wote.+ 15  Kisha nikasema katika moyo wangu: “Kile kinapataka mujinga ni kile kitanipata mimi pia.”+ Sasa, nimepata faida gani kwa kuwa na hekima nyingi sana? Basi nikasema katika moyo wangu: “Jambo hili pia ni bure.”* 16  Kwa maana mutu mwenye hekima kama vile mujinga, wote hawataendelea kukumbukwa.+ Katika siku zenye kuja, wote watasahauliwa. Na mutu mwenye hekima atakufa namna gani? Pamoja na mujinga.+ 17  Basi nikachukia maisha,+ kwa sababu niliona kila jambo lenye kufanywa chini ya jua kuwa linasikitisha, kwa maana kila jambo lilikuwa bure,*+ na kufuatilia upepo.+ 18  Nilifikia kuchukia kazi yote ya nguvu yenye nilikuwa nimefanya chini ya jua,+ kwa sababu ni lazima niiachie ule mwenye atakuja kisha mimi.+ 19  Na ni nani anajua kama atakuwa mwenye hekima ao mupumbavu?+ Lakini atasimamia vitu vyote vyenye nilitumia nguvu na hekima nyingi ili kuvipata chini ya jua. Jambo hilo pia ni bure.* 20  Basi nikaanza kupoteza tumaini katika moyo wangu kwa sababu ya kazi yote ya nguvu yenye nilikuwa nimefanya kwa jasho chini ya jua. 21  Kwa maana mutu anaweza kufanya kazi ya nguvu, akiongozwa na hekima na ujuzi na ufundi, lakini analazimika kuachia fungu lake mutu mwenye hakulitumikia.*+ Hili pia ni bure* na ni jambo la mubaya sana.* 22  Kwa kweli mutu anapata faida gani kwa kazi yake yote ya nguvu na tamaa yenye inamuchochea* kufanya kazi kwa bidii chini ya jua?+ 23  Kwa maana siku zake zote, kazi yake inamuletea maumivu na hali ya kuvunjika moyo,+ na hata usiku moyo wake haupumuzike.+ Jambo hili pia ni bure.* 24  Hakuna jambo la muzuri zaidi kwa mutu kuliko kula, kunywa, na kufurahia kazi yake ya nguvu.+ Nilivumbua kwamba jambo hili pia linatoka katika mukono wa Mungu wa kweli,+ 25  kwa maana ni nani anakula na kunywa muzuri kuliko mimi?+ 26  Anamupatia mutu mwenye anamupendeza hekima na ujuzi na furaha,+ lakini anamupatia mutenda-zambi kazi ya kukusanya na kurundika tu ili apatie ule mwenye anamupendeza Mungu wa kweli.+ Jambo hilo pia ni bure,* ni kufuatilia upepo.

Maelezo ya Chini

Ao “shangwe.”
Ao “ubatili.”
Ao “shangwe.”
Tnn., “wana wa nyumba.”
Ao “mali ya pekee kwa.”
Ao “bibi, ndiyo, mabibi.”
Tnn., “chenye macho yangu yaliomba.”
Ao “shangwe.”
Ao “fungu lenye.”
Ao “ubatili.”
Ao “chenye faida.”
Ao “Macho ya mutu mwenye hekima yako wazi.”
Ao “mwisho mumoja wenye unafikia.”
Ao “ubatili.”
Ao “ubatili.”
Ao “ubatili.”
Ao “kupatia kila kitu mutu mwenye hakukitumikia.”
Ao “ubatili.”
Ao “musiba mubaya sana.”
Tnn., “kujikaza kwa moyo wake.”
Ao “ubatili.”
Ao “ubatili.”