Muhubiri 8:1-17
8 Ni nani mwenye kuwa kama mutu mwenye hekima? Ni nani anajua kutatua tatizo?* Hekima ya mutu inafanya uso wake ungae na inatuliza uso wake wenye ukali.
2 Ninasema: “Tii maagizo ya mufalme+ kwa sababu ya kiapo kwa Mungu.+
3 Usiondoke haraka mbele yake.+ Usiunge mukono jambo lolote la mubaya;+ kwa maana anaweza kufanya kile anapenda,
4 kwa sababu neno la mufalme liko na nguvu;+ ni nani anaweza kumuambia: ‘Unafanya nini?’”
5 Mwenye anashika amri hataumia,+ na moyo wenye hekima utajua wakati na utaratibu wenye kufaa.*+
6 Kwa maana kila jambo liko na wakati na utaratibu wake,*+ kwa sababu matatizo ya wanadamu ni mengi sana.
7 Kwa kuwa hakuna mwenye anajua mambo yenye yatatokea, ni nani anaweza kumuambia namna yatatokea?
8 Kama vile hakuna mutu mwenye kuwa na uwezo juu ya roho* ao mwenye anaweza kuzuia roho, vilevile hakuna mwenye kuwa na uwezo juu ya siku ya kifo.+ Kama vile hakuna mwenye anaruhusiwa kuondoka wakati wa vita, vilevile uovu hautaruhusu wale wenye wanazoea kuutenda waponyoke.*
9 Nimeona mambo haya yote, na nilichunguza katika moyo wangu kila kazi yenye imefanywa chini ya jua, wakati mwanadamu ametawala mwanadamu mwenzake ili kumuumiza.*+
10 Na niliona waovu wakizikwa, watu wenye walizoea kuingia na kutoka mahali patakatifu, lakini walisahauliwa haraka katika muji kwenye walitenda vile.+ Jambo hili pia ni bure.*
11 Kwa sababu azabu haikutolewa haraka juu ya tendo la mubaya,+ moyo wa wanadamu hauogope kutenda mabaya.+
12 Hata kama muovu anaweza kutenda mabaya mara mia moja (100) na kuendelea kuishi wakati murefu, lakini ninajua kwamba mambo yatawaendea muzuri wale wenye kumuogopa Mungu wa kweli, kwa sababu wanamuogopa.+
13 Lakini mambo hayatamuendea muzuri muovu,+ wala hatarefusha siku zake zenye ziko kama kivuli,+ kwa sababu hamuogope Mungu.
14 Kuko jambo la bure* lenye linatendeka katika dunia: Kuko wenye haki wenye wanatendewa kama vile wamefanya mambo maovu,+ na kuko watu waovu wenye wanatendewa kama vile wametenda kwa haki.+ Ninasema kwamba jambo hili pia ni bure.*
15 Basi nikashauri watu wafurahi,+ kwa sababu chini ya jua hakuna jambo la muzuri zaidi kwa mwanadamu kuliko kula, kunywa, na kufurahi; anapaswa kufanya vile wakati anatumika sana sikuzote za maisha yake,+ zenye Mungu wa kweli amemupatia chini ya jua.
16 Nilijikaza sana katika moyo wangu ili kupata hekima na kuona kazi* yote yenye kufanywa katika dunia,+ hata nilikosa usingizi muchana na usiku.*
17 Basi nikafikiria kazi yote ya Mungu wa kweli, na nikavumbua kwamba wanadamu hawawezi kuelewa mambo yenye kufanyika chini ya jua.+ Hata kama watu wanajaribu kwa bidii namna gani, hawawezi kuyaelewa. Hata wakisema kwamba wako na hekima ya kutosha kuweza kujua, hawawezi kuyaelewa kabisa.+
Maelezo ya Chini
^ Ao “kufasiria maana ya jambo.”
^ Ao “wakati na hukumu yenye kufaa.”
^ Ao “hukumu yake.”
^ Ao “pumuzi, upepo.”
^ Ao pengine, “uovu wao hauwezi kuokoa waovu.”
^ Ao “kumutendea mubaya; kumutesa.”
^ Ao “ubatili.”
^ Ao “lenye kuvunja moyo.”
^ Ao “ubatili.”
^ Ao “shuguli.”
^ Ao pengine, “kwamba watu hawapate usingizi ikuwe muchana ao usiku.”
