Barua ya Pili ya Petro 1:1-21
1 Simoni Petro, mtumwa na mtume wa Yesu Kristo, kwa wale ambao wamepata imani, yenye thamani kama yetu* kupitia uadilifu wa Mungu wetu na Mwokozi wetu Yesu Kristo:
2 Na mwongezewe fadhili zisizostahiliwa na amani kwa ujuzi sahihi+ kumhusu Mungu na kumhusu Yesu Bwana wetu,
3 kwa maana nguvu zake za kimungu zimetupatia* mambo yote yanayoleta uzima na ujitoaji-kimungu* kupitia ujuzi sahihi kumhusu Yule ambaye alituita+ kwa utukufu wake na wema wa adili.
4 Kupitia mambo haya ametupatia* ahadi zenye thamani na zilizo bora,+ ili kupitia hizo muwe washiriki katika asili ya kimungu,+ mkiwa mmeponyoka kutoka katika uharibifu wa ulimwengu unaosababishwa na tamaa mbaya.*
5 Kwa sababu hii, jitahidini kabisa+ kuongeza kwenye imani yenu wema wa adili,+ kwenye wema wenu wa adili ujuzi,+
6 kwenye ujuzi wenu kujizuia,* kwenye kujizuia*+ kwenu uvumilivu, kwenye uvumilivu wenu ujitoaji-kimungu,*+
7 kwenye ujitoaji-kimungu* wenu upendo wa kindugu, kwenye upendo wenu wa kindugu upendo.+
8 Kwa maana mambo hayo yakiwa ndani yenu na kufurika, yatawazuia msiwe wasiotenda ama wasiozaa matunda*+ kuhusiana na ujuzi sahihi kumhusu Bwana wetu Yesu Kristo.
9 Kwa maana yeyote asiye na mambo hayo ni kipofu, na amefunga macho yake yasione nuru,*+ naye amesahau kutakaswa kwake kutoka kwenye dhambi zake+ za zamani za kale.
10 Kwa hiyo, akina ndugu, jitahidini hata zaidi ili kufanya mwito+ na kuchaguliwa kwenu kuwe hakika kwa ajili yenu wenyewe, kwa maana mkiendelea kufanya mambo hayo, hamtashindwa kamwe.+
11 Kwa kweli, hivyo ndivyo mtakavyowezeshwa* kwa wingi kuingia katika Ufalme wa milele+ wa Bwana na Mwokozi wetu Yesu Kristo.+
12 Kwa sababu hiyo sikuzote ninakusudia kuwakumbusha mambo haya, ingawa mnayajua na mko imara katika kweli iliyo ndani yenu.
13 Lakini ninaona inafaa, maadamu niko katika maskani hii,*+ kuwachochea kwa kuwakumbusha,+
14 kama ninavyojua kwamba maskani yangu itaondolewa hivi karibuni, kama vile pia Bwana wetu Yesu Kristo alivyonionyesha.+
15 Sikuzote nitafanya yote ninayoweza ili nitakapoondoka, ninyi wenyewe muweze kuyakumbuka* mambo hayo.
16 Hapana, hatukuwajulisha kuhusu nguvu na kuwapo kwa Bwana wetu Yesu Kristo kwa kufuata hadithi za uwongo zilizotungwa kwa werevu, badala yake, tulijionea kwa macho fahari yake.+
17 Kwa maana alipokea kutoka kwa Mungu Baba heshima na utukufu alipoambiwa maneno kama haya* kwa utukufu wenye fahari: “Huyu ni Mwanangu, mpendwa wangu, ambaye mimi mwenyewe nimemkubali.”+
18 Ndiyo, maneno hayo tuliyasikia yakitoka mbinguni tulipokuwa pamoja naye katika ule mlima mtakatifu.
19 Basi tuna neno la kinabii likiwa limefanywa hakika zaidi, nanyi mnafanya vema kulikazia uangalifu kama vile taa+ inayoangaza mahali penye giza (mpaka siku ipambazuke na nyota ya mchana+ ichomoze) mioyoni mwenu.
20 Kwa kuwa kwanza mnajua kwamba hakuna unabii wa Andiko unaotokana na fasiri yoyote ya kibinafsi.
21 Kwa maana unabii haukuletwa wakati wowote kwa mapenzi ya mwanadamu,+ bali wanadamu walisema yaliyotoka kwa Mungu kama walivyoongozwa* na roho takatifu.+
Maelezo ya Chini
^ Au “imani waliyo nayo katika pendeleo lililo sawa na letu.”
^ Au “zimetupatia bila malipo.”
^ Au “ametupatia bila malipo.”
^ Au “uchu.”
^ Au “kujidhibiti; kujiweza.”
^ Au “kujidhibiti; kujiweza.”
^ Au “wasiopata matokeo mazuri.”
^ Au labda, “kipofu, asiyeona mbali.”
^ Au “mtakavyoongezewa.”
^ Au “hema hili,” yaani, mwili wake wa duniani.
^ Au “kuyataja.”
^ Tnn., “sauti kama hii.”
^ Tnn., “walivyochukuliwa.”
