Proverbji 29:1-27
29 Min jibqaʼ jwebbes rasu wara li jkun ġie kkoreġut ħafna drabi,Se jinqered f’daqqa u ma jkun jistaʼ jagħmel xejn dwar dan.
2 In-nies jifirħu meta jkun hemm ħafna li huma ġusti,Imma meta l-mexxej ikun wieħed ħażin, in-nies ikunu mdejqin.
3 Min iħobb l-għerf iferraħ lil missieru,Imma min jagħmilha mal-prostituti jberbaq ġidu.
4 Meta re jmexxi bil-ġustizzja, il-pajjiż ikun stabbli,Imma min iħobb jaċċetta t-tixħim iġibu f’rovina.
5 Persuna li tfaħħar lil ħaddieħor biex tingħoġobTkun qed titfaʼ xibka għal saqajha.
6 In-nies ġusti jkantaw u jifirħu,Imma d-dnubiet taʼ wieħed ħażin se jkunu taʼ nassa għalih.
7 Xi ħadd ġust jimpurtah mid-drittijiet legali tal-fqir,Imma min hu ħażin ma jagħtix kashom.
8 Dawk li jħobbu jiftaħru jirrabjaw lin-nies taʼ belt sħiħa,Imma dawk li huma għorrief itaffu r-rabja.
9 Meta wieħed għaref ikollu argument maʼ iblah,Se jkun hemm ir-rabja u t-twaqqigħ għaċ-ċajt,Imma l-għaref mhux se jħossu sodisfatt.
10 Nies li joqtlu jobogħdu lil kull min hu innoċenti,*Huma jipprovaw isibu mod kif jieħdu l-ħajja* taʼ nies onesti.*
11 L-istupidu jisfoga r-rabja tiegħu għalkollox,*Imma l-għaref jibqaʼ kalm.
12 Meta mexxej jagħti kas il-gideb,Il-qaddejja kollha tiegħu se jkunu ħżiena.
13 Min hu fqir u min jaħqar għandhom din il-ħaġa komuni bejniethom:*
It-tnejn Ġeħova tahom il-ħajja.*
14 Meta re jiġġudika lill-foqra b’mod ġust,It-tmexxija tiegħu dejjem se tkun soda.
15 Il-bastun* u l-korrezzjoni jgħinu lit-tfal ikollhom l-għerf,Imma meta dawn jitħallew jagħmlu li jridu jġiegħlu lil ommhom tistħi.
16 Meta jiżdiedu l-ħżiena, jiżdied il-ħażen,Imma l-ġusti se jarawhom jinqerdu.
17 Iddixxiplina lit-tifel tiegħek u jġiblek serħan;Hu se jferrħek ħafna.
18 Fejn m’hemmx il-gwida t’Alla,* in-nies isiru bla kontroll,Imma dawk li jobdu l-liġi jkunu ferħanin.
19 Qaddej ma jħallix lil min jikkoreġih bil-kliem,Għax għalkemm jifhem ma jobdix.
20 Ġieli rajt lil xi ħadd jitkellem bla ma jaħsibha?
Hemm iktar tama għal iblah milli għalih.
21 Jekk qaddej jiġi mfissed mindu jkun żgħir,Iktar tard mhux se juri apprezzament.
22 Bniedem li jirrabja malajr jaqlaʼ l-ġlied;Kull min għandu t-tendenza li jirrabja jiżbalja ħafna.
23 Bniedem se jiġi umiljat minħabba l-kburija tiegħu,Imma min hu umli se jiġi gglorifikat.
24 Min jgħin ħalliel jobgħod lilu nnifsu.*
Hu jistaʼ jismaʼ li hemm bżonn taʼ xhieda dwar dan,* imma ma jirrapporta xejn.
25 Min jibżaʼ min-nies* jaqaʼ f’nassa,Imma min jafda f’Ġeħova se jkun protett.
26 Ħafna jkunu jridu jitkellmu maʼ* mexxej,Imma hu Ġeħova li jiġġudika bniedem.
27 Bniedem sew xejn ma jieħu pjaċir b’min hu inġust,U l-ħażin xejn ma jieħu pjaċir b’xi ħadd li jagħmel it-tajjeb.
Noti taʼ taħt
^ Jew “bla ħtija.”
^ Jew “ir-ruħ.”
^ Jew forsi “Imma l-onesti jipprovaw jipproteġu ħajjithom.”
^ Jew “is-sentimenti kollha tiegħu.” Letteralment “l-ispirtu kollu tiegħu.”
^ Letteralment “iltaqgħu flimkien.”
^ Letteralment “dawlilhom għajnejhom.”
^ Jew “Id-dixxiplina; Il-kastig.”
^ Jew “viżjoni profetika; rivelazzjoni.”
^ Jew “lil ruħu stess.”
^ Jew “jismaʼ ħalfa li tinvolvi saħta.”
^ Jew “jitriegħed minħabba n-nies.”
^ Jew forsi “li jintwerew ħniena minn.” Letteralment “ifittxu wiċċ.”
