പാഠം 24

ബൈബി​ളി​ലേക്കു ശ്രദ്ധ തിരിക്കൽ

1, 2. നാം നമ്മുടെ ശ്രോ​താ​ക്കളെ ബൈബി​ളി​ലേക്കു നയി​ക്കേ​ണ്ട​തെ​ന്തു​കൊണ്ട്‌?

¹ ശുശ്രൂ​ഷ​യിൽ നമ്മുടെ ആഗ്രഹം എല്ലാവ​രു​ടെ​യും ശ്രദ്ധ ദൈവ​വ​ച​ന​മായ ബൈബി​ളി​ലേക്കു തിരി​ക്കുക എന്നതാണ്‌. അതിൽ നാം പ്രസം​ഗി​ക്കുന്ന സന്ദേശ​മ​ട​ങ്ങു​ന്നു. നാം പറയു​ന്നതു നമ്മിൽനിന്ന്‌ ഉത്ഭവി​ച്ചതല്ല, പിന്നെ​യോ ദൈവ​ത്തിൽനി​ന്നു​ള​ള​താ​ണെന്ന്‌ ആളുകൾ തിരി​ച്ച​റി​യാൻ നാം ആഗ്രഹി​ക്കു​ന്നു. ദൈവത്തെ സ്‌നേ​ഹി​ക്കുന്ന ആളുകൾക്കു ബൈബി​ളിൽ വിശ്വാ​സ​മുണ്ട്‌. അത്‌ അവരെ വായി​ച്ചു​കേൾപ്പി​ക്കു​മ്പോൾ അവർ അതു ശ്രദ്ധി​ക്കു​ക​യും അതിലെ ബുദ്ധ്യു​പ​ദേശം കാര്യ​മാ​യി എടുക്കു​ക​യും ചെയ്യുന്നു. എന്നാൽ അവർ ബൈബി​ളി​ന്റെ സ്വന്തം പ്രതി പുറ​ത്തെ​ടുത്ത്‌ അവർതന്നെ വായി​ക്കു​മ്പോൾ ധാരണ ഗണ്യമാ​യി ആഴമേ​റി​യ​താ​കു​ന്നു. അതു​കൊ​ണ്ടു വയൽശു​ശ്രൂ​ഷ​യിൽ സാഹച​ര്യ​ങ്ങൾ സാധ്യ​മാ​ക്കു​മ്പോൾ, വീട്ടു​കാ​രന്റെ സ്വന്തം ബൈബിൾപ്രതി പുറ​ത്തെ​ടു​ത്തു നിങ്ങ​ളോ​ടൊ​ത്തു തിരു​വെ​ഴു​ത്തു​കൾ എടുത്തു​നോ​ക്കാൻ പ്രോ​ത്സാ​ഹി​പ്പി​ക്കു​ന്നതു ജ്ഞാനമാണ്‌. അതു​പോ​ലെ, സഭാ​യോ​ഗ​ങ്ങ​ളിൽ ബൈബി​ളു​പ​യോ​ഗി​ക്കാൻ എല്ലാവ​രെ​യും പ്രോ​ത്സാ​ഹി​പ്പി​ക്കു​ക​യാ​ണെ​ങ്കിൽ, നമ്മുടെ വിശ്വാ​സ​ങ്ങ​ളു​ടെ ഉറവ്‌ അതാ​ണെന്നു പുതി​യവർ കൂടുതൽ എളുപ്പ​ത്തിൽ തിരി​ച്ച​റി​യും. ദർശന ധാരണ​യു​ടെ കൂടു​ത​ലായ ദൃഢത​യിൽനിന്ന്‌ എല്ലാവർക്കും പ്രയോ​ജനം കിട്ടും.

² അതു​കൊണ്ട്‌, പ്രാ​യോ​ഗി​ക​മാ​യി​രി​ക്കു​ന്ന​ട​ത്തെ​ല്ലാം സദസ്സി​ലു​ള​ളവർ തങ്ങളുടെ സ്വന്തം ബൈബി​ളിൽ തിരു​വെ​ഴു​ത്തു​വാ​ക്യ​ങ്ങ​ളു​ടെ വായനയെ പിന്തു​ട​രു​ന്നു​വെ​ങ്കിൽ നിങ്ങളു​ടെ പ്രസം​ഗോ​ദ്ദേ​ശ്യം നിറ​വേ​റ​റു​ന്ന​തിൽ നിങ്ങൾക്കു നിർണാ​യ​ക​മായ ഒരു പ്രയോ​ജനം ലഭിക്കും. അവർ അതു ചെയ്യു​ന്നു​ണ്ടോ ഇല്ലയോ എന്നതു നിങ്ങൾ അവർക്ക്‌ ഉചിത​മായ പ്രോ​ത്സാ​ഹനം കൊടു​ക്കു​ന്നു​ണ്ടോ എന്നതിനെ ഒരു വലിയ പരിധി​വരെ ആശ്രയി​ച്ചി​രി​ക്കും. അതി​നെ​യാ​ണു നിങ്ങളു​ടെ ഗുണ​ദോ​ഷ​ച്ചീ​ട്ടിൽ “ബൈബി​ളു​പ​യോ​ഗി​ക്കാൻ സദസ്യർ പ്രോ​ത്സാ​ഹി​പ്പി​ക്ക​പ്പെട്ടു” എന്നു പരാമർശി​ക്കു​ന്നത്‌.

3, 4. ഇതു നമുക്ക്‌ എങ്ങനെ ഫലകര​മാ​യി ചെയ്യാൻ കഴിയും?

³ നിർദേ​ശ​ത്താൽ. ഏററവും നല്ല മാർഗ​ങ്ങ​ളി​ലൊ​ന്നു ബൈബി​ളു​പ​യോ​ഗി​ക്കാൻ സദസ്സിനു നേരി​ട്ടു​ളള ഒരു ക്ഷണം കൊടു​ക്കു​ന്ന​താണ്‌; ഈ രീതി കൂടെ​ക്കൂ​ടെ ഉപയോ​ഗി​ക്കു​ന്നു. ചിലസ​മ​യ​ങ്ങ​ളിൽ നിങ്ങൾ വാക്യങ്ങൾ വായി​ക്കു​ന്ന​തി​നു മുമ്പ്‌ അവ എവി​ടെ​യാ​ണു​ള​ള​തെന്നു മാത്രം പറയു​ന്ന​തി​നാൽ അതേ ഫലങ്ങൾ ലഭി​ച്ചേ​ക്കാം; ഒരുപക്ഷേ ഇതു​പോ​ലെ: “ഇപ്പോൾ നാം 2 തിമൊ​ഥെ​യോസ്‌ 3:1-5 വായി​ക്കു​മ്പോൾ, ഈ പരിസ​ര​ങ്ങ​ളിൽത​ന്നെ​യു​ളള അവസ്ഥക​ളെ​ക്കു​റി​ച്ചു ചിന്തി​ക്കുക.” അപ്പോൾ, നിങ്ങൾതന്നെ വാക്യ​ത്തി​ലേക്കു മറിക്കു​മ്പോൾ സദസ്സു നിർദേശം പ്രയോ​ജ​ന​പ്പെ​ടു​ത്തു​ന്നു​ണ്ടോ​യെന്നു കാണാൻ ചുററും കണ്ണോ​ടി​ക്കുക. സാധാ​ര​ണ​യാ​യി അവരും വാക്യം എടുത്തു​നോ​ക്കാൻ തുടങ്ങും.

⁴ സദസ്സി​നെ​ക്കൊണ്ട്‌ എടുത്തു​നോ​ക്കി​ച്ചു​കൊണ്ട്‌ ഏതെങ്കി​ലും വാക്യ​ങ്ങൾക്കു ദൃഢത​കൊ​ടു​ക്കാൻ ആഗ്രഹി​ക്കു​ന്നു​വെ​ങ്കിൽ ഏതി​നെന്നു തീരു​മാ​നി​ക്കേ​ണ്ടതു പ്രസം​ഗ​ക​നാണ്‌. നിങ്ങളു​ടെ സദസ്സിനെ നിരീ​ക്ഷി​ക്കുക. അവർ നിങ്ങളെ പിന്തു​ട​രു​ന്നു​ണ്ടോ​യെന്നു കാണു​ന്ന​തിൽ തത്‌പ​ര​നാ​യി​രി​ക്കുക. ഏതെങ്കി​ലും കാരണ​ത്താൽ ഒരു ലിഖി​ത​പ്ര​സം​ഗം നടത്താൻ നിങ്ങ​ളോട്‌ ആവശ്യ​പ്പെ​ടു​ന്നു​വെ​ങ്കിൽപോ​ലും സദസ്സ്‌ അവരുടെ ബൈബി​ളു​ക​ളിൽ നിങ്ങളെ പിന്തു​ട​രത്തക്ക വിധത്തിൽ മിക്ക​പ്പോ​ഴും മുഖ്യ വാക്യങ്ങൾ കൈകാ​ര്യം​ചെ​യ്യാൻ നിങ്ങൾക്കു കഴിയും.

5, 6. നാം വായി​ക്കാൻ ആസൂ​ത്രണം ചെയ്യുന്ന വാക്യങ്ങൾ കണ്ടുപി​ടി​ക്കാൻ സദസ്സിനു സമയമ​നു​വ​ദി​ക്കു​ന്നതു പ്രയോ​ജ​ന​ക​ര​മാ​യി​രി​ക്കു​ന്നത്‌ എന്തു​കൊ​ണ്ടെന്നു വിശദീ​ക​രി​ക്കുക.

 ⁵ വാക്യം കണ്ടുപി​ടി​ക്കാൻ സമയം അനുവ​ദി​ച്ചു​കൊണ്ട്‌. ഒരു തിരു​വെ​ഴു​ത്തു സൂചി​പ്പി​ച്ച​തു​കൊ​ണ്ടു മാത്രം മതിയാ​ക​യില്ല. നിങ്ങൾ അതു വായി​ക്കു​ക​യും അതു കണ്ടുപി​ടി​ക്കാൻ സദസ്സിനു സമയം കിട്ടു​ന്ന​തി​നു​മുമ്പ്‌ മറെറാ​ന്നി​ലേക്കു കടക്കു​ക​യും ചെയ്യു​ന്നു​വെ​ങ്കിൽ, അവർ ഒടുവിൽ നിരു​ത്സാ​ഹി​ത​രാ​കു​ക​യും പിൻമാ​റു​ക​യും ചെയ്യും. നിങ്ങളു​ടെ സദസ്സിനെ നിരീ​ക്ഷി​ക്കുക, ഭൂരി​പ​ക്ഷ​വും വാക്യം കണ്ടുപി​ടി​ച്ചു​ക​ഴി​യു​മ്പോൾ അതു വായി​ക്കാൻ കഴിയും.

⁶ നിങ്ങളു​ടെ ആസൂ​ത്രി​ത​വാ​യന നടത്തു​ന്ന​തി​നു വേണ്ടത്ര മുമ്പു​കൂ​ട്ടി സൂചന കൊടു​ക്കു​ന്നതു സാധാ​ര​ണ​യാ​യി ബുദ്ധി​പൂർവ​ക​മാണ്‌, തന്നിമി​ത്തം കൂടെ​ക്കൂ​ടെ​യു​ളള നീണ്ട നിർത്ത​ലു​ക​ളാ​ലോ സദസ്സു വാക്യം കണ്ടുപി​ടി​ച്ചു​കൊ​ണ്ടി​രി​ക്കെ​യു​ളള അനാവ​ശ്യ​മായ “പൂരി​പ്പി​ക്കലി”നാലോ വിലപ്പെട്ട സമയം നഷ്ടമാ​കു​ന്നില്ല. എന്നിരു​ന്നാ​ലും ഇവിടെ അനു​യോ​ജ്യ​മായ നിർത്തൽ ഉചിത​മാണ്‌. മറിച്ച്‌, വാക്യ​ത്തി​ന്റെ അവതാ​രി​ക​യിൽ നേരത്തെ സൂചന കൊടു​ക്കു​ക​യാ​ണെ​ങ്കിൽ നിങ്ങൾ പറയുന്ന കാര്യ​ങ്ങ​ളിൽ ചിലതു സൂക്ഷ്‌മ​മാ​യി ശ്രദ്ധി​ക്ക​പ്പെ​ടു​ക​യി​ല്ലെന്ന്‌ ഓർത്തി​രി​ക്കണം. അങ്ങനെ​യു​ളള ഒരു കേസിൽ, മുൻകൂ​ട്ടി​യു​ളള വാദം​സം​ബ​ന്ധി​ച്ചു പ്രസക്ത​മായ കാര്യങ്ങൾ സൂചന കൊടു​ക്കു​ന്ന​തി​നു​മു​മ്പു പ്രസ്‌താ​വി​ക്കേ​ണ്ട​താണ്‌.

**********

7-18. തിരു​വെ​ഴു​ത്തു​വാ​ക്യ​ങ്ങൾ ഫലകര​മാ​യി അവതരി​പ്പി​ക്കാൻ ഏതു രീതികൾ ഉപയോ​ഗി​ക്കാൻ കഴിയും?

⁷ ഒരു പ്രസം​ഗ​ത്തിൽ ഉപയോ​ഗി​ക്കുന്ന തിരു​വെ​ഴു​ത്തു​ക​ളാ​ണു സാധാ​ര​ണ​യാ​യി പ്രസം​ഗ​ത്തി​ന്റെ കേന്ദ്ര പോയിൻറു​കൾ. ഈ വാക്യ​ങ്ങളെ ചുററി​പ്പ​റ​റി​യാ​ണു വാദങ്ങൾ പോകു​ന്നത്‌. അപ്പോൾ അവ പ്രസം​ഗ​ത്തിന്‌ എത്ര​ത്തോ​ളം സംഭാവന ചെയ്യു​മെ​ന്നു​ള​ളത്‌ അവ എത്ര ഫലകര​മാ​യി ഉപയോ​ഗി​ക്കു​ന്നു​വെ​ന്ന​തി​നെ ആശ്രയി​ച്ചി​രി​ക്കു​ന്നു. അതു​കൊണ്ട്‌, നിങ്ങളു​ടെ ഗുണ​ദോ​ഷ​ച്ചീ​ട്ടിൽ കുറി​ച്ചി​രി​ക്കുന്ന “തിരു​വെ​ഴു​ത്തു​കൾ ഉചിത​മാ​യി അവതരി​പ്പി​ച്ചു” എന്ന സംഗതി പരിഗ​ണ​നക്ക്‌ മൂല്യ​വ​ത്തായ ഒന്നാണ്‌.

⁸ ഒരു തിരു​വെ​ഴു​ത്തു​വാ​ക്യം അവതരി​പ്പി​ക്കാ​നും വായി​ക്കാ​നും ബാധക​മാ​ക്കാ​നും കഴിയുന്ന വിവി​ധ​ങ്ങ​ളായ ഒട്ടേറെ മാർഗ​ങ്ങ​ളുണ്ട്‌. ചില​പ്പോൾ, ഉദാഹ​ര​ണ​ത്തിന്‌, വാക്യ​ത്തി​ന്റെ അവതാ​രിക വായന​യി​ലേക്കു നയിക്കു​ന്നു​വെന്നു മാത്രമല്ല അതിന്റെ പ്രയുക്തത കാണി​ക്കു​ക​യും ചെയ്യുന്നു, തന്നിമി​ത്തം വായന​തന്നെ പോയിൻറി​നു ദൃഢത കൊടു​ക്കു​ക​യോ അതിനെ ഉറപ്പായി സ്ഥാപി​ക്കു​ക​യോ മാത്ര​മാ​ണു ചെയ്യു​ന്നത്‌. മറിച്ച്‌, അവതാ​രി​ക​യു​ടെ രൂപത്തിൽ ഒരു വാക്കും പറയാതെ ചില വാക്യങ്ങൾ ഫലപ്ര​ദ​മാ​യി ഉപയോ​ഗി​ക്ക​പ്പെ​ടു​ന്നു, ഉദാഹ​ര​ണ​ത്തിന്‌ ഒരു പ്രസം​ഗ​ത്തി​ന്റെ തുടക്ക​ത്തിൽതന്നെ.

⁹ തിരു​വെ​ഴു​ത്തു​കൾ ഫലപ്ര​ദ​മാ​യി അവതരി​പ്പി​ക്കാൻ പഠിക്കു​ന്ന​തിന്‌, പരിച​യ​സ​മ്പ​ന്ന​രായ പ്രസം​ഗകർ ചെയ്യു​ന്നത്‌ അപഗ്ര​ഥി​ക്കുക. തിരു​വെ​ഴു​ത്തു​കൾ അവതരി​പ്പി​ക്കുന്ന വ്യത്യസ്‌ത വിധങ്ങൾ തിരി​ച്ച​റി​യാൻ ശ്രമി​ക്കുക. അവയുടെ ഫലപ്ര​ദ​ത്വം പരിഗ​ണി​ക്കുക. നിങ്ങളു​ടെ സ്വന്തം പ്രസം​ഗങ്ങൾ തയ്യാറാ​കു​മ്പോൾ, വാക്യം സാധി​ക്കേണ്ട കാര്യ​ത്തി​നു മുന്നമേ പരിഗണന കൊടു​ക്കുക, വിശേ​ഷിച്ച്‌ അത്‌ ഒരു പ്രധാന പോയിൻറി​നു​ളള ഒരു മുഖ്യ വാക്യ​മാ​ണെ​ങ്കിൽ. അത്‌ ഏററവും ഫലപ്ര​ദ​മാ​യി ഉപയോ​ഗി​ക്ക​പ്പെ​ട​ത്ത​ക്ക​വണ്ണം അതിന്റെ അവതാ​രിക ശ്രദ്ധാ​പൂർവം ആസൂ​ത്ര​ണം​ചെ​യ്യുക. ഇതാ ഏതാനും ചില നിർദേ​ശങ്ങൾ:

 ¹⁰ ഒരു ചോദ്യം. ചോദ്യ​ങ്ങൾ ഉത്തരം ആവശ്യ​പ്പെ​ടു​ന്നു. അവ ചിന്തയെ ഉത്തേജി​പ്പി​ക്കു​ന്നു. ഉത്തരം പ്രദാ​നം​ചെ​യ്യാൻ വാക്യ​ത്തെ​യും അതിന്റെ പ്രയു​ക്ത​ത​യെ​യും അനുവ​ദി​ക്കുക. ഉദാഹ​ര​ണ​ത്തിന്‌, രക്തപ്പകർച്ച​യെ​ക്കു​റി​ച്ചു ചർച്ച​ചെ​യ്യു​മ്പോൾ എബ്രാ​യ​തി​രു​വെ​ഴു​ത്തു​ക​ളിൻപ്ര​കാ​ര​മു​ളള വിലക്കി​നെ സ്ഥാപിച്ച ശേഷമാ​യി​രി​ക്കാം നിങ്ങൾ പ്രവൃ​ത്തി​കൾ 15:28, 29 അവതരി​പ്പി​ക്കു​ന്നത്‌. “എന്നാൽ ഇതേ വിലക്കു ക്രിസ്‌ത്യാ​നി​കൾക്കു ബാധക​മാ​ണോ?” എന്നു ചോദി​ച്ചു​കൊ​ണ്ടു നിങ്ങൾക്ക്‌ ആ വാക്യം അവതരി​പ്പി​ക്കാൻ കഴിയും. “ആദിമ​സ​ഭ​യു​ടെ ഭരണസം​ഘം പരിശു​ദ്ധാ​ത്മാ​വി​നാൽ പ്രേരി​ത​രാ​യ​പ്പോൾ നൽകിയ ആധികാ​രി​ക​മായ തീർപ്പു ശ്രദ്ധി​ക്കുക” എന്നു തുടർന്നു​പ​റ​യുക.

¹¹ അവതരി​പ്പി​ക്ക​പ്പെ​ടുന്ന വാക്യം പിന്താ​ങ്ങേണ്ട ഒരു പ്രസ്‌താ​വ​ന​യോ തത്ത്വമോ. ദൃഷ്ടാ​ന്ത​ത്തിന്‌, ദുഷ്‌കൃ​ത്യ​ത്തെ​ക്കു​റി​ച്ചു​ളള ഒരു പ്രസം​ഗ​ത്തിൽ നിങ്ങൾക്ക്‌ ഇങ്ങനെ പറയാം: “നമ്മുടെ കൂട്ടു​കാ​രു​ടെ തിര​ഞ്ഞെ​ടു​പ്പു​പോ​ലും തെററി​നോ​ടും ശരി​യോ​ടു​മു​ളള നമ്മുടെ മനോ​ഭാ​വം എന്തായി​രി​ക്കാ​മെ​ന്ന​തി​ലെ ഒരു പ്രധാ​ന​ഘ​ട​ക​മാണ്‌.” പിന്നീട്‌ 1 കൊരി​ന്ത്യർ 15:33-ലെ പൗലോ​സി​ന്റെ വാക്കുകൾ നിങ്ങളു​ടെ പ്രസ്‌താ​വ​നക്കു തെളി​വാ​യി വായി​ക്കാൻ കഴിയും.

¹² പ്രമാ​ണ​മെന്ന നിലയിൽ ബൈബിൾ ഉദ്ധരിക്കൽ. വിശേ​ഷിച്ച്‌ ഉപവാ​ക്യ​ങ്ങൾക്ക്‌, “ഈ പോയിൻറു​സം​ബ​ന്ധി​ച്ചു ദൈവ​വ​ചനം പ്രസ്‌താ​വി​ക്കു​ന്നതു ശ്രദ്ധി​ക്കുക” എന്നു മാത്രം നിങ്ങൾക്കു പറയാ​വു​ന്ന​താണ്‌. ഇത്‌ ആ തിരു​വെ​ഴു​ത്തി​ലേക്കു പ്രതീ​ക്ഷ​യോ​ടെ നോക്കാൻ മതിയായ കാരണ​മാണ്‌, അത്‌ അതുപ​യോ​ഗി​ക്കു​ന്ന​തി​നു​ളള വ്യക്തമായ ഒരു കാരണം നൽകുന്നു.

¹³ ഒരു പ്രശ്‌നം. “നരക”ത്തെസം​ബ​ന്ധിച്ച ഒരു പ്രസം​ഗ​ത്തിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ഒരു മനുഷ്യൻ നിത്യ​മായ അഗ്നിജ്വാ​ല​യിൽ യാതന​യ​നു​ഭ​വി​ക്കേ​ണ്ട​താ​ണെ​ങ്കിൽ അയാൾ മരണാ​ന​ന്തരം ബോധ​ത്തോ​ടെ​യി​രി​ക്കേ​ണ്ട​താ​ണെന്ന്‌ അതർഥ​മാ​ക്കും. എന്നാൽ സഭാ​പ്ര​സം​ഗി 9:5, 10 എന്തു പറയു​ന്നു​വെന്നു കാണുക.”

¹⁴ പലതിൽനി​ന്നു​ളള തിര​ഞ്ഞെ​ടുപ്പ്‌. നേരി​ട്ടു​ളള ഒരു ചോദ്യ​മോ ഒരു പ്രശ്‌ന​മോ ഒരു പ്രത്യേ​ക​സ​ദ​സ്സി​നു വളരെ​യ​ധി​കം പ്രയാ​സ​മാ​യി​രി​ക്കാ​മെ​ങ്കിൽ പല സാധ്യ​തകൾ അവതരി​പ്പി​ക്കു​ക​യും ഉത്തരം പ്രദാ​നം​ചെ​യ്യാൻ വാക്യ​ത്തെ​യും അതിന്റെ പ്രയു​ക്ത​ത​യെ​യും അനുവ​ദി​ക്കു​ക​യും ചെയ്യുക. ഒരു കത്തോ​ലി​ക്ക​നോ​ടു സംസാ​രി​ക്കു​മ്പോൾ ഉചിത​മാ​യി പ്രാർഥന ആരോ​ടാ​യി​രി​ക്ക​ണ​മെന്നു പ്രകട​മാ​ക്കാൻ മത്തായി 6:9 ഉപയോ​ഗി​ക്കാൻ നിങ്ങൾ ആഗ്രഹി​ച്ചേ​ക്കാം. നേരി​ട്ടു​ളള ഒരു ചോദ്യ​മോ ഒരു പ്രശ്‌ന​മോ നിങ്ങളു​ടെ വീട്ടു​കാ​രന്റെ മനസ്സിനെ തെററായ ദിശയിൽ തിരി​ച്ചേ​ക്കാം. തന്നിമി​ത്തം നിങ്ങൾക്ക്‌ ഇങ്ങനെ പറയാം: “നമ്മൾ ആരോടു പ്രാർഥി​ക്ക​ണ​മെന്ന കാര്യം​സം​ബ​ന്ധിച്ച്‌ അനേകം വീക്ഷണങ്ങൾ ഉണ്ട്‌. മറിയ​യോട്‌ എന്നു ചിലർ പറയുന്നു, ‘പുണ്യ​വാ​ളൻമാ​രിൽ’ ഒരാ​ളോട്‌ എന്നു മററു ചിലർ പറയുന്നു, എന്നാൽ ദൈവ​ത്തോ​ടു മാത്രമേ പ്രാർഥി​ക്കാ​വൂ എന്നു ചിലർ പറയുന്നു. യേശു പറഞ്ഞത്‌ ഇവി​ടെ​യുണ്ട്‌.”

¹⁵ ചരിത്ര പശ്ചാത്തലം. മറുവി​ല​യെ​സം​ബ​ന്ധിച്ച ഒരു പ്രസം​ഗ​ത്തിൽ, തന്റെ സ്വന്തം രക്തം അർപ്പി​ച്ചു​കൊ​ണ്ടു യേശു “എന്നേക്കു​മു​ളേ​ളാ​രു വീണ്ടെ​ടു​പ്പു സാധി​പ്പി​ച്ചു” എന്നു പ്രകട​മാ​ക്കാൻ നിങ്ങൾ എബ്രായർ 9:12 ഉപയോ​ഗി​ക്കു​ക​യാ​ണെ​ങ്കിൽ, സമാഗ​മ​ന​കൂ​ടാ​ര​ത്തി​ലെ “വിശു​ദ്ധസ്ഥല”ത്തെക്കു​റി​ച്ചു​ളള ഒരു ചുരു​ങ്ങിയ വിശദീ​ക​രണം കൊടു​ത്തു​കൊ​ണ്ടു വാക്യ​ത്തി​ന്റെ വായന​യ്‌ക്ക്‌ ആമുഖം പറയേ​ണ്ട​താ​ണെന്നു  നിങ്ങൾ കണ്ടെത്തി​യേ​ക്കാം, അതു യേശു പ്രവേ​ശിച്ച സ്ഥലത്തെ ചിത്രീ​ക​രി​ച്ച​താ​യി പൗലോസ്‌ സൂചി​പ്പി​ക്കു​ന്നു.

¹⁶ സന്ദർഭം. ചില​പ്പോൾ ചുററു​പാ​ടു​മു​ളള വാക്യ​ങ്ങ​ളിൽ വിശദീ​ക​രി​ച്ചി​രി​ക്കുന്ന ഒരു വാക്യ​ത്തി​ന്റെ രംഗവി​ധാ​നം ഒരു തിരു​വെ​ഴുത്ത്‌ അവതരി​പ്പി​ക്കു​ന്ന​തിൽ സഹായ​ക​മാണ്‌. ഉദാഹ​ര​ണ​ത്തിന്‌, “കൈസർക്കു​ള​ളത്‌ കൈസർക്കു . . . കൊടു”ക്കുക​യെ​ന്നാൽ എന്താണർഥ​മെന്നു പ്രകട​മാ​ക്കു​ന്ന​തി​നു നിങ്ങൾ ലൂക്കൊസ്‌ 20:25 ഉപയോ​ഗി​ക്കു​മ്പോൾ കൈസ​റി​ന്റെ ആലേഖ​ന​ത്തോ​ടു​കൂ​ടിയ ഒരു നാണയം യേശു ഉപയോ​ഗി​ച്ച​തി​നെ വിശദീ​ക​രി​ക്കു​ന്ന​തിൽ നിങ്ങൾ പ്രയോ​ജനം കണ്ടെത്തി​യേ​ക്കാം, ഈ വിവര​ണ​ത്തി​നു സന്ദർഭ​ത്തോ​ടു ബന്ധമു​ള​ള​തു​കൊ​ണ്ടു​തന്നെ.

¹⁷ സംയോ​ജനം. തീർച്ച​യാ​യും ഈ രീതി​ക​ളു​ടെ സംയോ​ജ​ന​ങ്ങൾക്കും സാധ്യ​ത​യുണ്ട്‌, മിക്ക​പ്പോ​ഴും പ്രയോ​ജ​ന​ക​ര​വു​മാണ്‌.

¹⁸ ഒരു തിരു​വെ​ഴു​ത്തി​ന്റെ അവതാ​രിക, വാക്യം വായി​ക്കു​മ്പോൾ ശ്രദ്ധ ആകർഷി​ക്കു​ന്ന​തി​നു വേണ്ടത്ര പ്രതീക്ഷ ഉണർത്തു​ക​യും നിങ്ങൾ ആ വാക്യം ഉപയോ​ഗി​ക്കു​ന്ന​തി​നു​ളള കാരണ​ത്തിൻമേൽ ശ്രദ്ധ കേന്ദ്രീ​ക​രി​ക്കു​ക​യും വേണം.

19, 20. സൂചി​പ്പിച്ച വാക്യ​ത്തിൽ നാം പ്രതീക്ഷ ഉണർത്തി​യി​രി​ക്കു​ന്നു​വോ​യെന്നു നമുക്ക്‌ എങ്ങനെ തിട്ട​പ്പെ​ടു​ത്താൻ കഴിയും?

¹⁹ തിരു​വെ​ഴു​ത്തു​കൾക്കു​വേണ്ടി പ്രതീക്ഷ ഉണർത്തു​ന്നു. ഒരു വാക്യ​ത്തി​നു​വേണ്ടി നിങ്ങൾ പ്രതീക്ഷ ഉണർത്തി​യി​രി​ക്കു​ന്നു​വെന്നു നിങ്ങൾക്ക്‌ എങ്ങനെ അറിയാൻ കഴിയും? മുഖ്യ​മാ​യി സദസ്യ​പ്ര​തി​ക​ര​ണ​ത്താൽ; നിങ്ങൾ വാക്യം അവതരി​പ്പി​ക്കുന്ന രീതി​യാ​ലും. തിരു​വെ​ഴുത്ത്‌ അവതരി​പ്പി​ച്ച​ശേഷം നിങ്ങൾ അതു വായി​ക്കാ​തി​രു​ന്നാൽ സദസ്സ്‌ അനിശ്ചി​ത​രാ​യി വിട​പ്പെ​ടു​മെ​ങ്കിൽ അല്ലെങ്കിൽ നിങ്ങളു​ടെ അവതാ​രി​ക​യിൽ നിങ്ങൾ ഒരു ചോദ്യ​ത്തിന്‌ ഉത്തരം​കൊ​ടു​ക്കാ​തെ അവശേ​ഷി​പ്പി​ച്ചെ​ങ്കിൽ, നിങ്ങൾ വാക്യ​ത്തിൽ താത്‌പ​ര്യം ഉണർത്തി​യി​രി​ക്കു​ന്നു​വെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും. തീർച്ച​യാ​യും അവതാ​രിക വിഷയ​ത്തി​നും അവതരി​പ്പി​ക്കേണ്ട വാക്യ​ത്തി​നും ചേർച്ച​യി​ലാ​യി​രി​ക്കണം. ഒന്നുകിൽ വാക്യം​ത​ന്നെ​യോ അല്ലെങ്കിൽ പിന്നീ​ടു​ളള ബാധക​മാ​ക്ക​ലോ അവതാ​രിക ഉത്തരം​നൽകാ​തെ വിട്ട ചോദ്യ​ത്തിന്‌ ഉത്തരം നൽകണം.

²⁰ വാക്യ​ത്തി​ന്റെ അവതാ​രി​കയെ ഒരു വിളം​ബ​ര​ത്തി​നു മുമ്പത്തെ കാഹള​ത്തോട്‌ ഉപമി​ക്കാ​വു​ന്ന​താണ്‌. ഘോഷകൻ ഒരു മുഴു സംഗീ​ത​വും വായി​ക്കാൻവേ​ണ്ടി​യല്ല ഹാജരാ​കു​ന്നത്‌. പ്രത്യുത, തന്റെ കാഹള​ത്തി​ന്റെ ഉണർത്തുന്ന സ്വരങ്ങൾ വിളം​ബ​ര​ത്തിൻമേൽ സകല താത്‌പ​ര്യ​വും ശ്രദ്ധയും കേന്ദ്രീ​ക​രി​ക്കു​ന്നു. ഈ വിധത്തിൽ അവതരി​പ്പി​ക്ക​പ്പെ​ടു​മ്പോൾ നിങ്ങളു​ടെ തിര​ഞ്ഞെ​ടു​ക്ക​പ്പെട്ട വാക്യം അതീവ ആസ്വാ​ദ്യ​ത​യോ​ടും പ്രയോ​ജ​ന​ത്തോ​ടും​കൂ​ടെ കേൾക്ക​പ്പെ​ടും.

21. ഒരു വാക്യം ഉപയോ​ഗി​ക്കു​ന്ന​തി​നു​ളള നമ്മുടെ കാരണ​ത്തിൻമേൽ നാം ശ്രദ്ധ കേന്ദ്രീ​ക​രി​ക്കേ​ണ്ടത്‌ എന്തു​കൊണ്ട്‌?

²¹ വാക്യം ഉപയോ​ഗി​ക്കു​ന്ന​തി​നു​ളള കാരണ​ത്തിൽ ശ്രദ്ധ കേന്ദ്രീ​ക​രി​ക്കു​ന്നു. ഒരു വാക്യ​ത്തി​ന്റെ അവതാ​രിക ഒരു ചോദ്യ​ത്തിന്‌ ഉത്തരം​പ​റ​യാ​തെ വിട്ടേ​ക്കാ​മെ​ങ്കി​ലും, ആ വാക്യം എന്തു​കൊണ്ട്‌ ഉചിത​മാ​ണെ​ന്നും എന്തു​കൊ​ണ്ടു പൂർണ​ശ്രദ്ധ അർഹി​ക്കു​ന്നു​വെ​ന്നും പ്രകട​മാ​ക്കു​ന്ന​തി​നു കുറെ ന്യായ​മെ​ങ്കി​ലും നൽകേ​ണ്ട​താണ്‌. ദൃഷ്ടാ​ന്ത​ത്തിന്‌, മമനു​ഷ്യ​ന്റെ സ്ഥിര ഭവനമായ ഭൂമി​യെ​ക്കു​റി​ച്ചു​ളള ഒരു ചർച്ചയിൽ നിങ്ങൾ വെളി​പ്പാ​ടു 21:3, 4 ഉപയോ​ഗി​ക്കാൻ ഒരുങ്ങു​ക​യാ​യി​രി​ക്കാം. നിങ്ങളു​ടെ പ്രാഥ​മി​ക​വാ​ദ​ത്തോ​ടു​കൂ​ടെ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ഈ അടുത്ത തിരു​വെ​ഴു​ത്തിൽ, വെളി​പ്പാ​ടു 21:3, 4-ൽ കഷ്ടപ്പാ​ടും മരണവും മേലാൽ ഇല്ലാതി​രി​ക്കു​മ്പോൾ, ദൈവ​ത്തി​ന്റെ കൂടാ​ര​മി​രി​ക്കുന്ന സ്ഥലം ഏതെന്നു കാണുക.” വാക്യ​ത്തി​നു വെളി​പ്പെ​ടു​ത്താൻ ചിലതു വിട്ടു​കൊ​ണ്ടു  നിങ്ങൾ പ്രതീക്ഷ ഉണർത്തി​യെന്നു മാത്രമല്ല, നിങ്ങളു​ടെ വാക്യ​ത്തി​ന്റെ പ്രധാ​ന​ഭാ​ഗ​ത്തിൻമേൽ നിങ്ങൾ ശ്രദ്ധ കേന്ദ്രീ​ക​രി​ക്കു​ക​യും ചെയ്‌തു, വാക്യം വായിച്ച ശേഷം ആ ഭാഗം നിങ്ങൾക്കു നിങ്ങളു​ടെ വാദത്തിന്‌ അനായാ​സം ബാധക​മാ​ക്കാൻ കഴിയും. അങ്ങനെ തിരു​വെ​ഴു​ത്തി​ന്റെ യഥാർഥ ഉളളട​ക്ക​ത്തി​ലേക്കു ശ്രദ്ധ തിരി​ച്ചു​കൊ​ണ്ടു നിങ്ങൾ ദൈവ​വ​ച​ന​ത്തി​ന്റെ പ്രാധാ​ന്യ​ത്തി​നു ദൃഢത കൊടു​ക്കു​ന്നു.

[അധ്യയന ചോദ്യ​ങ്ങൾ]