ӘЛ АТЫБ ағаҹдан јетишмиш, шипширин, әтирли алманы дәриб сәбәтә гојурсунуз. Бир нечә саатдыр ки, ишләјирсиниз, буна бахмајараг өзүнүзү ҝүмраһ һисс едирсиниз, һәлә бир о гәдәр дә ишләјә биләрсиниз. Ананыз да аиләнин диҝәр үзвләри вә көмәјә ҝәлән достларла ширин сөһбәт едә-едә ишләјир. О, чох ҹаван ҝөрүнүр; сиз ону илләр өнҹә ушаг оланда белә ҝөрмүшдүнүз. Адамын инанмағы ҝәлмир ки, о нә вахтса гоҹа олуб. Елә бил, һеч ананыз хәстәликдән шам кими әријән заман сон нәфәсини верәркән әлиндән тутмамысыныз вә гәбринин үстүндә аҹы ҝөз јашлары төкмәмисиниз. Анҹаг инди о да, бир чохлары кими, сапсағламдыр.

Биз әминик ки, гаршыда бизи белә ҝүнләр ҝөзләјир. Буна инанмағымыза сәбәб Аллаһын вәдләринин һеч вахт боша чыхмамасыдыр. Бу бөлмәдә биз Падшаһлыгла бағлы бәзи вәдләрин јахын ҝәләҹәкдә неҹә јеринә јетәҹәјини вә онларын јеринә јетмәсинин Армаҝеддон мүһарибәсинә ҝәтириб чыхараҹағыны арашдыраҹағыг. Биз һәмчинин Армаҝеддондан сонра јеринә јетәҹәк мөһтәшәм вәдләр барәдә дә данышаҹағыг. Аллаһын Падшаһлығынын бүтүн јер үзүнү идарә едәҹәјини вә һәр шеји јениләшдирәҹәјини ҝөрмәк неҹә дә хош олаҹаг!