Јеһованын Шаһидләри јүзләрлә мүхтәлиф халг вә дилләрә мәнсуб инсанлардан тәшкил олунуб. Бу ҹүр мүхтәлифлијә бахмајараг, һамымызы бир амал бирләшдирир. Биз ҹанлы-ҹансыз һәр шеји јарадан, тәк олан Аллаһа ибадәт едирик. Мүгәддәс Китабда Онун адынын Јеһова олдуғу дејилир. Иса пејғәмбәрин јолу илә ҝетдијимиз үчүн мәсиһи адланырыг. Һәр биримиз мүтәмади олараг вахт ајырыб инсанлара Мүгәддәс Китаб вә Аллаһын Падшаһлығы, јәни сәмави һөкумәти барәдә биликләр әлдә етмәјә көмәк едирик. Јеһова Аллаһ вә Онун Падшаһлығы һаггында шаһидлик етдијимиз, јәни данышдығымыз үчүн биз «Јеһованын Шаһидләри» адланырыг.

Сајтымызла таныш олун. Мүгәддәс Китабы сајтымыздан охујун. Бизи даһа јахындан таныјын вә етигадымыз һаггында даһа чох мәлумат алын.