Бизим үмумдүнја фәалијјәтимиз әсас етибарилә Јеһованын Шаһиди олан кәсләрин көнүллү ианәләри һесабына малијјәләшдирилир a. Ибадәт јерләримиздә ианә гутулары гојулур. Ианә етмәјин диҝәр үсуллары «Ианәләр» сәһифәсиндә садаланыр. Үмумдүнја ишимизи дәстәкләмәк, јерли хәрҹләри өдәмәк вә ја һәр икиси үчүн мүхтәлиф үсулларла ианә етмәк олар.

 Јеһованын Шаһидләриндән ондабир вермәк, јахуд ҝәлирләринин мүәјјән фаизини өдәмәк тәләб олунмур (2 Коринфлиләрә 9:7). Ибадәт ҝөрүшләримиздә пул јығылмыр, ҝириш һаггы алынмыр. Дин хадимләримиз вәфтиз заманы, тој вә дәфн мәрасимләриндә, јахуд диҝәр дини тәдбирләр заманы өдәниш тәләб етмир. Сатышлар, лоторејалар, наһарлар, фестиваллар, базарлар вә бу кими тәдбирләр тәшкил етмәклә пул әлдә етмирик вә ја инсанлардан ианә вермәләрини хаһиш етмирик. Ианә едәнләр барәдә мәлумат јајмырыг, нә дә буну иҹтиамиләшдирмирик (Мәтта 6:2—4). Вебсајтларымызда вә ја нәшрләримиздә ҝәлир әлдә етмәк үчүн рекламлар јерләшдирилмир.

 Јеһованын Шаһидләринин кечирдији ибадәт ҝөрүшләриндә һәр бир јығынҹаг өз малијјә һесабатыны тәгдим едир, бу ҝөрүшләрә исә һәр кәсә ҝәлә биләр. Јығынҹағын мүнтәзәм олараг вердији малијјә һесабаты сајәсиндә һәр кәс ианә едилмиш пулларын дүзҝүн хәрҹләндијинә әмин олур (2 Коринфлиләр 8:20, 21).

Ианә етмәк үсуллары

•   Ианә гутулары. Нәғд пул вә ја чек шәклиндә етдијиниз ианәләри ибадәт евләриндә, топланты залларында вә ибадәт ҝөрүшләринин кечирилдији диҝәр јерләрдә ианә гутуларына ата биләрсиниз.

•   Онлајн ианәләр. Бир чох өлкәләрдә «Јеһованын Шаһидләринә ианә» сәһифәсиндән кредит карт, дебит карт, банк көчүрмәси вә диҝәр електрон үсуллар васитәсилә ианә едә биләрсиниз b. Бәзи Шаһидләр бу үсуллардан бири илә ианә етмәк үчүн һәр ај пул ајырыб гыраға гојур (1 Коринфлиләрә 16:2).

•   Планлы шәкилдә ианә. Бәзи ианә үсуллары үчүн әввәлҹәдән тәдбир ҝөрмәк вә/вә ја һүгугшүнасла мәсләһәтләшмәк лазымдыр. Белә планлашдырма сизә һәм дә өлкәниздә верҝи имтијазларындан јарарланмаға көмәк едә биләр. Әмлакындан сағ икән, јахуд вәфат едәндән сонра тәшкилата пај вермәклә бағлы мәлумат әлдә етмәјин чохларына бөјүк көмәји дәјмишдир. Нөвбәти ианәләрлә әлагәдар әлавә мәлумат үчүн Јеһованын Шаһидләринин јерли филиалы илә әлагә сахлајын:

  •   банк һесабы

  •   һәјат сығортасы вә пенсија планламасы

  •   дашынмаз әмлак

  •   сәһм вә истигразлар

  •   вәсијјәтнамә вә етибарнамә

 Сизин әразиниздәки ианә үсуллары барәдә әлавә мәлумат үчүн «Јеһованын Шаһидләринә ианә» сәһифәсинә бахын.