Salamo 56:1-13
Na te aratai o te feia himene, i nia i “Te uupa maniania ore tei te atea ê.” Miketama* a Davida. I to te mau Philiseti haruraa ia ˈna i Gata.+
56 A faaite mai i to farii maitai, e te Atua e, te aro nei hoi te taata nei ia ˈu.
Te aro e te haavî noa ra ratou ia ˈu i te roaraa o te mahana.
2 Te imi noa ra to ˈu mau enemi i te haru ia ˈu i te roaraa o te mahana.Mea rahi o te aro ra ia ˈu ma te faateitei.
3 Ia mǎtaˈu vau,+ e tuu vau i to ˈu tiaturiraa ia oe ra.+
4 E tuu vau i to ˈu tiaturiraa i te Atua ra, o ta ˈu e arue nei te parau,E tuu vau i to ˈu tiaturiraa i te Atua ra, eita vau e mǎtaˈu.
Eaha ta te taata* e nehenehe e rave mai?+
5 Te imi peapea nei ratou ia ˈu i te roaraa o te mahana.Te opua noa ra ratou e hamani ino ia ˈu.+
6 Te tapuni ra ratou no te taparahi ia ˈu.Te hiˈopoa ra ratou i to ˈu mau taahiraa avae atoa,+A manaˈo noa ˈi e pohe au ia ratou.+
7 A patoi ia ratou no to ratou ino.
A taparahi pohe i te mau nunaa i roto i to oe riri, e te Atua e.+
8 Te taio ra oe i to ˈu mau taahiraa avae.+
A tuu i to ˈu mau roimata i roto i ta oe pute pape.*+
Aita anei te reira i papaihia i roto i ta oe buka?+
9 E otohe to ˈu mau enemi i te mahana e taparu ai au i te tauturu.+
Ua papu ia ˈu e tei to ˈu paeau te Atua.+
10 E tuu vau i to ˈu tiaturiraa i te Atua ra, o ta ˈu e arue nei te parau,E tuu vau i to ˈu tiaturiraa ia Iehova ra, o ta ˈu e arue nei te parau.
11 E tuu vau i to ˈu tiaturiraa i te Atua ra, eita vau e mǎtaˈu.+
Eaha ta te taata e nehenehe e rave mai?+
12 E te Atua, mea tia ia ˈu ia tapea i ta ˈu i fafau ia oe.+E faaite atu vau i to ˈu mauruuru ia oe.+
13 Ua faaora mai hoi oe ia ˈu i te pohe+E ua tiai oe i to ˈu avae ia ore ia turori,+Ia hahaere au i mua i te Atua i roto i te maramarama o te feia ora.+