Salamo 145:1-21
Arueraa na Davida.
א [Alepha]
145 E faateitei au ia oe, to ˈu Atua te Arii,+E arue au i to iˈoa e a muri noa ˈtu.+
ב [Beta]
2 E arue au ia oe i te roaraa o te mahana.+E arue au i to iˈoa e a muri noa ˈtu.+
ג [Gimela]
3 E Atua rahi o Iehova e e au ia aruehia oia.+Eita e nehenehe e taa i to ˈna rahi.+
ד [Daleta]
4 E arue tera e tera uˈi i ta oe mau ohipa.E faaite ratou i ta oe mau ohipa puai.+
ה [He]
5 E faaite ratou i to hanahana e to tura,+E e feruriruri au i ta oe ra mau ohipa faahiahia.
ו [Vau]
6 E faaite ratou i ta oe mau ohipa* mǎtaˈuhia,E e faaite au i to oe rahi.
ז [Zaina]
7 E manii mai ta ratou mau parau arueraa ia haamanaˈo ratou i to maitai rahi,+E no to parau-tia, e umere ratou.+
ח [Heta]
8 E Atua aumihi e te aroha hamani maitai o Iehova,+O te ore e riri oioi e o tei rahi i te here taiva ore.+
ט [Teta]
9 Mea maitai o Iehova i nia i te mau mea ora atoa,+E te itehia ra to ˈna aroha hamani maitai i roto i ta ˈna mau ohipa atoa.
י [Ioda]
10 E faahanahana ta oe mau ohipa atoa ia oe, e Iehova,+E e arue to feia taiva ore ia oe.+
כ [Kapha]
11 E faaite ratou i te hanahana o to tiaraa arii+E e faatia ratou i to puai,+
ל [Lameda]
12 Ia ite te taata i ta oe mau ohipa puai+E te unauna o to tiaraa arii hanahana.+
מ [Mema]
13 E tiaraa arii mure ore to oe,E e vai â ta oe faatereraa e hope noa ˈtu te mau uˈi atoa.+
ס [Sameha]
14 E turu Iehova i tei hiˈa+E e faatia oia i tei roohia i te ati.+
ע [Oina]
15 Te fariu ra te mata o te taata atoa i nia ia oe ma te tiaturi.Te horoa ra oe i ta ratou maa i te taime tano.+
פ [Pe]
16 Te hohora ra oe i to rimaA haamâha ˈtu ai i te hinaaro o te mau mea ora atoa.+
צ [Sadi]
17 E parau-tia ta Iehova i ta ˈna mau ohipa atoa.+E ore oia e taiva i roto i te mau mea atoa ta ˈna e rave.+
ק [Kopha]
18 Tei pihai iho Iehova i te feia e tiaoro ra ia ˈna,+Te feia e tiaoro ra ia ˈna ma te parau mau.*+
ר [Resa]
19 E haamâha oia i te hinaaro o te feia e mǎtaˈu ra ia ˈna.+E faaroo oia i ta ratou aniraa i te tauturu, e e faaora oia ia ratou.+
ש [Sina]
20 E tiai Iehova i te feia e here ra ia ˈna,+E haamou râ oia i te feia ino.+
ת [Tau]
21 E arue au ia Iehova.+Ia arue te mau mea ora atoa i to ˈna iˈoa moˈa e a muri noa ˈtu.+
