Salamo 138:1-8
Na Davida.
138 E arue au ia oe ma to ˈu aau atoa.+
I mua i te tahi atu mau atua,E himene au i te arueraa.*
2 E piˈo vau i mua i to hiero moˈa,*+E e arue au i to iˈoa+No to here taiva ore e to haapao maitai.
Ua faarahi hoi oe i to parau e to iˈoa hau aˈe i te mau mea atoa.*
3 I te mahana i tiaoro atu ai au, ua pahono mai oe ia ˈu.+Ua horoa mai oe i te mǎtaˈu ore e te puai.+
4 E arue te mau arii atoa o te fenua nei ia oe, e Iehova,+E faaroo hoi ratou i te mau parau ta oe i fafau.
5 E himene ratou i ta Iehova mau ohipa,E hanahana rahi hoi to Iehova.+
6 Teitei noa ˈtu Iehova, te ite nei râ oia i te feia haehaa,+Area te feia teoteo, ei te atea ê noa oia ia ratou.+
7 Ia haere au na ropu i te ati, e faaherehere oe i to ˈu ora.+
E toro oe i to rima i nia i te riri o to ˈu mau enemi.E faaora to rima atau ia ˈu.
8 E faatupu Iehova i ta ˈna mau ohipa atoa no ˈu.
E Iehova, e vai â to here taiva ore e a muri noa ˈtu.+Eiaha e faarue i te ohipa a to rima.+
