Salamo 111:1-10
111 Ia aruehia Ia!*+
א [Alepha]
E arue au ia Iehova ma to ˈu aau atoa+ב [Beta]I roto i te pǔpǔ feia parau-tia e i roto i te amuiraa.
ג [Gimela]
2 E ohipa rahi ta Iehova.+ד [Daleta]Te hiˈopoahia ra taua mau ohipa ra e te feia e au ra i te reira.+
ה [He]
3 E ohipa hanahana ta ˈna e te nehenehe,ו [Vau]E e vai â ta ˈna parau-tia e a muri noa ˈtu.+
ז [Zaina]
4 Mea faahiahia mau ta ˈna mau ohipa, eita roa te taata e nehenehe e haamoˈe i te reira.+
ח [Heta]
E Atua aumihi e te aroha hamani maitai o Iehova.+
ט [Teta]
5 Te horoa nei oia i te maa na te feia e mǎtaˈu ra ia ˈna.+
י [Ioda]
E haamanaˈo noa oia i ta ˈna faufaa.+
כ [Kapha]
6 E faaite oia i to ˈna nunaa i ta ˈna mau ohipa manaל [Lameda]Ma te horoa na ratou i te tuhaa a te mau nunaa.+
מ [Mema]
7 E parau mau e te parau-tia te mau ohipa a to ˈna rima.+נ [Nuna]E nehenehe e tiaturi i ta ˈna mau faaueraa atoa.+
ס [Sameha]
8 E nehenehe iho â e tiaturihia,* i teie nei e a muri noa ˈtu.ע [Oina]Ua niuhia te reira i nia i te parau mau e te parau-tia.+
פ [Pe]
9 Ua faatiamâ oia i to ˈna nunaa.+
צ [Sadi]
Ua faaue oia ia vai noa ta ˈna faufaa e a muri noa ˈtu.
ק [Kopha]
Mea moˈa to ˈna iˈoa e te mǎtaˈu-rahi-hia.+
ר [Resa]
10 Te mǎtaˈu ia Iehova, o te haamataraa ïa o te paari.+
ש [Sina]
Te faaohipa ra te feia o te haapao ra i ta ˈna mau faaueraa* i te haroˈaroˈa rahi.+
ת [Tau]
E vai â te arueraa ia ˈna e a muri noa ˈtu.
