Salamo 35:1-28
Salamo a Davida.
35 E Iehova, a paruru ia ˈu i roto i ta ˈu haavaraa e i to ˈu mau enemi.+A aro i tei aro mai ia ˈu.+
2 A rave i to paruru nainai* e to paruru rahi,+E a tia no te paruru ia ˈu.+
3 A amo i ta oe omore e ta oe opahi* i nia i tei aˈuaˈu ia ˈu.+
A parau ia ˈu: “O vau to faaoraraa.”+
4 Ia haama e ia faahaamahia te feia o te imi ra i te rave i to ˈu ora.+
Ia otohe e ia haama te feia o te opua ra e haamou ia ˈu.
5 Ia riro ratou mai te ota e pee i te mataˈi.Ia tiahi te melahi a Iehova ia ratou.+
6 Ia poiri e ia paheehee to ratou purumuA aˈuaˈu ai te melahi a Iehova ia ratou.
7 Noa ˈtu aita vau i aa ia ratou, ua huna ratou i te hoê upeˈa no te haru ia ˈuE ua ô ratou i te hoê apoo no ˈu.
8 Ia roohia ratou i te ati ma te manaˈo-ore-hia.Ia mau ratou i roto i te upeˈa ta ratou i huna.Ia marua ˈtu ratou i roto e ia pohe.+
9 E oaoa râ vau ia Iehova.E oaoa vau i ta ˈna mau ohipa faaoraraa.
10 Te parau ra to ˈu mau ivi atoa:
“E Iehova, o vai mai ia oe?
Te faaora nei oe i te feia paruparu i te feia puai aˈe ia ratou,+Te feia paruparu e te feia veve i te feia e eiâ ra i ta ratou faufaa.”+
11 Te haere mai nei te tahi mau ite haavare,+A ui mai ai i te mea aita vau i ite eaha.
12 Te tahoo mai ra ratou ia ˈu i te ino i te maitai,+A roo-roa-hia ˈtu ai au i te oto rahi.
13 A roohia ˈi râ ratou i te maˈi, ua ahu vau i te ahu oto.Ua faahaehaa vau ia ˈu ma te haapae i te maa,E i te hoˈiraa mai ta ˈu pure ma te pahonoraa ore,*
14 Ua haere au ma te oto, mai no te hoê hoa aore ra hoê taeae.Ua piˈo vau ma te oto, mai te tahi taata e oto ra no to ˈna metua vahine.
15 I te turoriraa râ vau, ua oaoa ratou e ua haaputuputu ratou.Ua haaputuputu ratou no te tamoemoe ia ˈu a tairi atu ai ia ˈu.Ua faahuˈahuˈa ratou ia ˈu e aita ratou i mamû.
16 Te faaooo ra te feia faatura ore i te Atua ia ˈu,*Te mauu ra to ratou niho ia ˈu.+
17 E Iehova, ehia maororaa oe e mataitai noa mai ai?+
A faaora ia ˈu i ta ratou mau patoiraa,+To ˈu ora faufaa roa i te mau liona apî ra.+
18 E haamauruuru ïa vau ia oe i roto i te amuiraa rahi.+E arue au ia oe i rotopu i te nahoa taata.
19 Eiaha e vaiiho i te feia o tei riro ei enemi no ˈu aita e tumu, ia oaoa i to ˈu ati.Eiaha e vaiiho i te feia e hae ra ia ˈu aita e tumu,+ ia amoamo i te mata ma te opuaraa ino.+
20 Aita hoi ratou e faahiti ra i te parau hau,Te imi nei râ ratou i te haavare i te feia hau o te fenua.+
21 Te hamǎmǎ rahi ra ratou i to ratou vaha no te pari ia ˈu,A parau ai: “E! Ua na reira oia! Ua ite to matou mata i te reira.”
22 Ua ite oe i te reira, e Iehova. Eiaha oe e mamû noa.+
E Iehova, eiaha e faaea i te atea ê ia ˈu.+
23 A ara e a tia mai no te paruru ia ˈu,To ˈu Atua e Iehova, a paruru ia ˈu i roto i ta ˈu haavaraa.
24 A haava ia ˈu ia au i to parau-tia,+ e Iehova to ˈu Atua.Eiaha ratou ia oaoa ia ˈu.
25 Eiaha roa ratou ia parau ia ratou iho: “Ua noaa ia tatou ta tatou i hinaaro!”
Eiaha roa ratou ia parau: “Ua horomii tatou ia ˈna.”+
26 Ia haama e ia faahaamahia ratou paatoa,Te feia o te oaoa ra i to ˈu ati.
Ia tapoˈihia te feia o te faateitei ia ratou i nia ia ˈu i te haama rahi.
27 Ia umere râ te feia o te mauruuru ra i ta ˈu parau-tia.Ia parau noa ratou:
“Ia faateiteihia Iehova, o tei mauruuru i te hau o ta ˈna tavini.”+
28 E faatia* ïa to ˈu arero i to parau-tia+E e arue ia oe i te mahana taatoa.+
Nota i raro i te api
^ E paruru pinepine na te feia teˈa e rave.
^ Aore ra “opahi mea oi na pae e piti.”
^ Aore ra “i te hoˈiraa mai ta ˈu pure i nia i to ˈu ouma.”
^ Huri-atoa-hia “Te faaooo ra te feia faatura ore i te Atua no te hoê faraoa momona.”
^ Aore ra “feruriruri.”