Salamo 48:1-14
Himene. Salamo a te mau tamaiti a Kora.+
48 Mea rahi o Iehova e e au ia ˈna te arueraaI roto i te oire o to tatou Atua, i nia i to ˈna mouˈa moˈa.
2 Mea nehenehe i to ˈna vahi teitei, e oaoaraa no te fenua taatoa,+O te mouˈa Ziona ïa i te pae apatoerau,Te oire o te Arii rahi.+
3 I roto i to ˈna mau pare etaeta,Ua faaite te Atua e e haapuraa papu oia.+
4 Inaha, ua haaputuputu mai te mau arii.Ua nuu paatoa ratou.
5 I to ratou iteraa i te oire, maere ihora ratou.
Riaria ihora ratou e horo atura no te mǎtaˈu.
6 Rûrû ihora ratou i reira,Ua roohia ratou i te mauiui o te hoê vahine e fanau ra.
7 Ua tuparari oe i te mau pahi no Taresisa i te hoê mataˈi no hitia o te râ.
8 Ta matou i faaroo na, te ite roa ra matou i teie neiI roto i te oire o Iehova o te mau nuu,* i roto i te oire o to matou Atua.
E haamau papu te Atua i te reira e a muri noa ˈtu.+ (Sela)
9 Te feruri ra matou i to here taiva ore, e te Atua e,+I roto i to hiero.
10 Mai to iˈoa, e te Atua, ua tapaeTo arueraa i te hopea o te fenua.+
Ua î to rima atau i te parau-tia.+
11 Ia oaoa te mouˈa Ziona,+Ia oaoa te mau oire* o Iuda, no ta oe mau haavaraa.+
12 A haaati ia Ziona, a haaati haere ia ˈna.A taio i to ˈna mau pare.+
13 A hiˈo maitai i to ˈna mau patu paruru.*+
A hiˈopoa i to ˈna mau pare etaeta,No te faaite i te reira i te mau uˈi no ananahi.
14 O to matou Atua hoi teie Atua+ e a muri noa ˈtu.
E aratai oia ia matou e a muri noa ˈtu.*+
Nota i raro i te api
^ Aore ra “sabaota.”
^ Heb: “te mau tamahine.”
^ Aore ra “patu paari.”
^ Huri-atoa-hia “e pohe noa ˈtu matou.”
