Salamo 22:1-31
Na te aratai o te feia himene. I nia i “Te aili o te aahiata.”* Salamo a Davida.
22 To ˈu Atua, to ˈu Atua, eaha oe i faarue mai ai ia ˈu?+Eaha oe e ore ai e haere mai e faaora ia ˈu?Eaha oe e ore ai e faaroo i ta ˈu mau pii ahoaho?+
2 To ˈu Atua, te pii noa ra vau i te ao, aita râ oe e pahono mai ra.+I te po, aita vau e mamû ra.
3 Mea moˈa râ oe,+Te vai ra te mau arueraa a Iseraela ati aˈe ia oe.*
4 Ua tiaturi to matou mau metua ia oe.+Ua tiaturi ratou, e ua faaora noa oe ia ratou.+
5 Ua pii ratou ia oe, e ua faaorahia ratou.Ua tiaturi ratou ia oe, e aita ratou i tatarahapa.*+
6 E toˈe râ vau, e ere au i te taata.Ua haafaufauhia vau e te taata e ua vahavahahia e te nunaa.+
7 E faaooo mai te taata atoa o te ite ia ˈu.+Te ata ra ratou e te tairiiri ra i to ratou upoo ei faaoooraa ia ˈu:+
8 “Ua tuu oia i to ˈna tiaturiraa ia Iehova ra. Ia faaora Oia ia ˈna!
Ia faaora Oia ia ˈna, inaha mea here na te Atua ia ˈna!”+
9 Na oe i iriti ia ˈu mai roto mai i te opu.+Na oe i paruru ia ˈu i roto i te rima o to ˈu metua vahine.
10 Na oe i aupuru ia ˈu mai to ˈu fanauraahia mai.Mai roto mai â i te opu o to ˈu metua vahine, o oe to ˈu Atua.
11 Eiaha e faaea i te atea ê ia ˈu, mea piri te ati+E aita ta ˈu e faaora ê atu.+
12 Mea rahi te puaatoro oni apî e haaati ra ia ˈu.+E puaatoro oni puai no Basana te haaati ra ia ˈu.+
13 Te hamǎmǎ rahi ra ratou i to ratou vaha ia ˈu,+Mai te hoê liona uuru o te hahae ra i ta ˈna maa.+
14 Te maniihia ra vau mai te pape.Ua taa to ˈu mau ivi.
Ua riro to ˈu aau mai te tapau.*+Te tahe ra te reira i roto ia ˈu.+
15 Ua mǎrô to ˈu puai mai te hoê tuhaa farii araea parari.+Te piri ra to ˈu arero i to ˈu paˈi niho.+Te haapou ra oe ia ˈu i raro i te repo o te pohe.+
16 Te haaati ra hoi te urî ia ˈu.+Te tapiri mai ra ratou ia ˈu mai te hoê pǔpǔ taata ohipa ino,+Mai te hoê liona, te hohoni ra ratou i to ˈu rima e to ˈu avae.+
17 Te ite-noa-hia ra to ˈu mau ivi.+
Te hiˈo mai ra ratou e te tiatonu mai ra ia ˈu.
18 Te opere ra ratou i to ˈu mau ahu i rotopu ia ratou,E te tuu kelero ra ratou i to ˈu ahu.+
19 O oe râ, e Iehova, eiaha oe e faaea na te atea ê.+
O oe to ˈu puai, ia peepee mai oe i te tauturu ia ˈu.+
20 A faaora mai ia ˈu i te ˈoˈe,A faaora i to ˈu ora faufaa roa i te avae o te urî.+
21 A faaora ia ˈu i te vaha o te liona+ e i te tara o te mau puaatoro oni oviri.A pahono e a faaora mai ia ˈu.
22 E faaite au i to iˈoa i to ˈu mau taeae.+E arue au ia oe i rotopu i te amuiraa.+
23 Outou o te mǎtaˈu ra ia Iehova, a arue ia ˈna!
E te huaai o Iakoba, a faahanahana ia ˈna!+
E te huaai o Iseraela, a faatura ia ˈna.
24 Aita hoi oia i vahavaha, aita atoa i tapo i to ˈna mata i mua i te mauiui o te taata e ahoaho ra.+Aita te Atua i tapuni i to ˈna aro ia ˈna.+
I to ˈna piiraa ia ˈna no te ani i te tauturu, ua faaroo oia.+
25 E arue au ia oe i roto i te amuiraa rahi.+E haapao vau i ta ˈu i euhe i mua i te feia e mǎtaˈu ra ia oe.
26 E tamaa te feia mǎrû e e paia ratou.+E imi e e arue ratou ia Iehova.+
Ia ora outou* e a muri noa ˈtu.
27 E haamanaˈo to te hopea o te fenua ia Iehova a fariu atu ai ia ˈna ra.
E tipapa te mau opu fetii atoa o te mau nunaa i mua ia ˈna.+
28 Na Iehova hoi te mana arii.+O ˈna te faatere ra i te mau nunaa.
29 E tamaa te feia taoˈa* o te fenua nei e e tipapa ratou.E tuturi te feia e pou ra i raro i te repo i mua ia ˈna.Eita e haere ia ratou ia faaora ia ratou iho.
30 E tavini to ratou huaai ia ˈna.E faaroo te uˈi e haere mai ra i te parau no nia ia Iehova.
31 E haere mai ratou a faaite atu ai i ta ˈna parau-tia.
E faaite ratou i te nunaa o tei ore â i fanauhia ˈtura eaha ta ˈna i rave.
Nota i raro i te api
^ Peneiaˈe e huru upaupa teie.
^ Aore ra “Te parahi ra oe i rotopu i te mau arueraa a Iseraela.”
^ Aore ra “haama.”
^ E mea paha teie ta te manu meri e hamani no te haaputu i te meri. E tahe ohie te reira.
^ Heb: “Ia ora to outou aau.”
^ Heb: “te feia mii.”
