Salamo 21:1-13
Na te aratai o te feia himene. Salamo a Davida.
21 E Iehova, te oaoa nei te arii i to puai.+E oaoa rahi to ˈna i ta oe mau ohipa faaoraraa!+
2 Ua farii oe i te hinaaro o to ˈna aau,+E aita oe i patoi i te aniraa a to ˈna vaha. (Sela)
3 Te haere mai nei hoi oe e farerei ia ˈna e te haamaitairaa rahi.Te tuu nei oe i te hoê hei auro tamâhia i nia i to ˈna upoo.+
4 Ua ani oia ia oe i te ora, e tera ta oe i horoa ˈtu na ˈna,+Te ora maoro, te ora mure ore.
5 E hanahana rahi to ˈna i ta oe mau ohipa faaoraraa.+
Ua tuu oe i te tura e te nehenehe ia ˈna ra.
6 Ua maiti oe ia ˈna ia haamaitaihia oia e a muri noa ˈtu,+E oaoa rahi to ˈna ia ite e tei pihai iho oe ia ˈna.+
7 Te tiaturi nei hoi te arii ia Iehova.+No te here taiva ore o Tei Teitei Roa ˈˈe, e ore roa oia e aueue.*+
8 E itea mai i to rima to oe mau enemi atoa.E itea mai i to rima atau te feia e hae ra ia oe.
9 I te tau e tae mai ai oe, e faariro oe ia ratou ei haapueraa arahu ura.
E horomii Iehova ia ratou i roto i to ˈna riri, e e pau ratou i te auahi.+
10 E haamou oe i ta ratou mau tamarii* i te fenua nei,E to ratou huaai i rotopu i te mau tamaiti a te taata nei.
11 Ua tamata hoi ratou i te rave i te mea ino i nia ia oe.+Ua opua ratou i te ohipa ino o te ore e manuïa.+
12 E faaotohe hoi oe ia ratou+Ma te faatano i ta oe fana* i nia ia ratou.*
13 A tia, e Iehova, e a faaite i to puai.
E himene matou i te arueraa* i to puai rahi.
Nota i raro i te api
^ Aore ra “peretete.”
^ Heb: “to ratou hotu.”
^ Heb: “te mau taura o ta oe fana.”
^ Heb: “i to ratou hohoˈa mata.”
^ Heb: “himene matou a hauti ai i te upaupa.”
