Salamo 5:1-12

  • Iehova, te haapuraa o te feia parau-tia

    • Mea hae na te Atua i te feia ino (4, 5)

    • ‘A aratai ia ˈu i roto i ta oe parau-tia’ (8)

Na te aratai o te feia himene, no Nehilota.* Salamo a Davida. 5  A faaroo mai i ta ˈu mau parau, e Iehova,+A haapao mai i ta ˈu autâ.   A faaroo mai i ta ˈu aniraa i te tauturu,To ˈu arii e to ˈu Atua, te pure nei hoi au ia oe.   E Iehova, e faaroo oe i to ˈu reo i te poipoi.+E faaite au ia oe i to ˈu peapea i te poipoi+ a tiai maite atu ai.   E ere hoi oe i te Atua o te au i te ino.+Eita te feia ino e nehenehe e faaea i ǒ oe.+   Eita te feia teoteo e nehenehe e tia i mua ia oe. Mea hae na oe i te feia ohipa ino.+   E haamou oe i te feia haavare.+ Mea hae na Iehova i te feia hamani ino e te haavare.*+   E tomo râ vau i roto i to fare+ no to here taiva ore rahi.+E tipapa vau i mua i to hiero* moˈa no to ˈu mǎtaˈu faatura ia oe.+   A aratai ia ˈu, e Iehova, i roto i ta oe parau-tia, no to ˈu mau enemi.A faaateatea i to eˈa no ˈu.+   Eita hoi ta ratou mau parau e nehenehe e tiaturihia.E ohipa ino anaˈe to roto ia ratou.E menema matara noa to ratou arapoa.Mea aminamina to ratou arero ia paraparau ratou.+ 10  E faautua râ te Atua ia ratou.E hiˈa ratou i ta ratou mau opuaraa ino.+ Ia tiahihia ratou no te rahiraa hapa ta ratou i rave,Ua orure hau hoi ratou ia oe. 11  E oaoa râ te feia atoa o te imi i te haapuraa ia oe ra,+E umere noa ratou. E paruru oe ia ratouE e riro oe ei oaoaraa na te feia i hinaaro i to iˈoa. 12  E haamaitai hoi oe i te feia parau-tia, e Iehova.E haaati oe ia ratou i to farii maitai, mai te hoê paruru rahi.+

Nota i raro i te api

Hiˈo i te titionare.
Aore ra “te taata haamanii toto e te haavare.”
Aore ra “nao.”