Salamo 33:1-22
33 A umere no Iehova, outou te feia parau-tia.+
Mea tano ia arue te feia afaro ia ˈna.
2 A haamauruuru ia Iehova i te kinura.A himene i te arueraa* ia ˈna i te mauhaa upaupa ahuru taura.
3 A himene no ˈna i te hoê himene apî.+A hauti ma te aravihi i te upaupa taura, ma te umere.
4 Mea afaro hoi te parau a Iehova,+E e nehenehe e tiaturi i te mau mea atoa ta ˈna e rave.
5 Te hinaaro ra oia i te parau-tia e te haavaraa paetahi ore.+
Ua î te fenua i to Iehova here taiva ore.+
6 Ma te parau a Iehova i hamanihia ˈi te mau raˈi,+E ma te aho o to ˈna vaha, te mau mea atoa i roto.*
7 Te haaputu nei oia i te pape o te miti mai te hoê patu.+Te tuu nei oia i te mau pape arepurepu i roto i te fare vairaa taoˈa.
8 Ia mǎtaˈu te fenua taatoa ia Iehova.+
Ia faatura to te fenua ruperupe ia ˈna.
9 Ua parau hoi oia e ua tupu ta ˈna i parau.+Ua faaue oia e ua mau papu ta ˈna i faaue.+
10 Ua faahuru ê Iehova i te mau opuaraa* a te mau nunaa.+Ua faahape oia i te mau opuaraa a* te mau nunaa.+
11 E vai noa râ te mau faaotiraa* a Iehova e a muri noa ˈtu.+E vai noa te mau manaˈo o to ˈna aau i tera uˈi e tera uˈi.
12 E oaoa te nunaa o Iehova to ˈna Atua,+Te nunaa ta ˈna i maiti ei faufaa na ˈna.+
13 Te hiˈo mai ra Iehova mai te raˈi mai.Te ite ra oia i te mau tamaiti atoa a te taata nei.+
14 Mai to ˈna ra vahi nohoraa,Te mataitai ra oia i to te fenua nei.
15 Na ˈna e hamani i te aau o te taata atoa.Te hiˈopoa ra oia i ta ratou mau ohipa atoa.+
16 Aita e arii e faaorahia e te tahi nuu rahi.+Eita te hoê taata puai e faaorahia e to ˈna mana rahi.+
17 Eita e haere i te puaahorofenua ia faaora i te taata,+Eita to ˈna fatu e ora i to ˈna puai rahi.
18 Inaha, tei nia te mata o Iehova i te feia e mǎtaˈu ra ia ˈna,+Te feia o te tiaturi nei i to ˈna here taiva ore,
19 No te faaora ia ratou i te poheE no te faaora ia ratou i te tau oˈe.+
20 Te tiai nei matou ia Iehova.
O ˈna to matou tauturu e to matou paruru.+
21 Te oaoa nei to matou aau ia ˈna,Te tiaturi nei hoi matou i to ˈna iˈoa moˈa.+
22 Ia vai to here taiva ore i nia ia matou, e Iehova,+A tiai noa ˈi matou ia oe.+
Nota i raro i te api
^ Aore ra “hauti i te upaupa.”
^ Heb: “to ratou nuu taatoa.”
^ Aore ra “aˈoraa.”
^ Aore ra “manaˈo o.”
^ Aore ra “aˈoraa.”
