Eaha to roto?

Tapura tumu parau

 UIRAA 6

Eaha ta te Bibilia i tohu no nia i te Mesia?

PARAU TOHU

“Oe, e Betelehema Epherata, . . . mai roto mai ia oe e tia mai ai no ˈu o te riro mai ei faatere i Iseraela.”

Mika 5:2

TUPURAA

“I muri aˈe i to Iesu fanauraahia i Betelehema i Iudea i te tau o te arii Heroda, inaha, e feia hiˈo fetia no hitia o te râ tei tae mai i Ierusalema.”

Mataio 2:1

PARAU TOHU

“Te opere ra ratou i to ˈu mau ahu i rotopu ia ratou, e te tuu kelero ra ratou i to ˈu ahu.”

Salamo 22:18

TUPURAA

“I muri aˈe i to te mau faehau patitiraa ia Iesu i nia i te pou, rave aˈera ratou i to ˈna mau ahu, pahae atura ei maha tuhaa . . . Aita râ e niraraa to taua ahu ra, mea raraa-noa-hia mai nia mai e raro roa. Na ô aˈera te tahi i te tahi: ‘Eiaha e pahae i teie ahu, e tuu kelero râ tatou no te faaoti na vai e rave atu.’”

Ioane 19:23, 24

 PARAU TOHU

“Te tiai nei oia i to ˈna mau ivi atoa. Aita hoê i ofatihia.”

Salamo 34:20

TUPURAA

“I to ratou taeraa ia Iesu, ite ihora ratou e ua pohe ê na o ˈna, aita ˈtura ratou i ofati i to ˈna avae.”

Ioane 19:33

PARAU TOHU

“Ua patiahia oia no ta tatou mau hapa.”

Isaia 53:5

TUPURAA

“Patia ˈtura te hoê faehau i te aoao o Iesu i te hoê omore. I reira iho, tahe maira te toto e te pape.”

Ioane 19:34

PARAU TOHU

“Aufau maira ïa ratou ia ˈu: 30 moni ario.”

Zekaria 11:12, 13

TUPURAA

“Haere atura hoê o na 12, tei piihia Iuda Isakariota, i te mau tahuˈa tiaau e parau atura: ‘Eaha ta outou e horoa mai na ˈu ia tuu atu vau ia Iesu i to outou rima?’ Faaau aˈera ratou e horoa ˈtu e 30 moni ario.”

Mataio 26:14, 15; 27:5