Salamo 18:1-50
Na te aratai o te feia himene. Salamo a Davida, te tavini a Iehova. Te himene ta ˈna i himene ia Iehova i te mahana i faaora ˈi Iehova ia ˈna i te rima o to ˈna mau enemi e i te rima o Saula. Te na ô ra oia:+
18 Mea here na ˈu ia oe, e Iehova, to ˈu puai.+
2 O Iehova to ˈu mato e to ˈu haapuraa e na ˈna e faaora ia ˈu.+
O to ˈu Atua to ˈu mato,+ e haapu vau ia ˈna ra,Ta ˈu paruru e to ˈu tara* faaora,* to ˈu haapuraa papu.+
3 E tiaoro vau ia Iehova, tei au ia ˈna te arueraa,E e faaorahia vau i to ˈu mau enemi.+
4 Ua haaati te mau taura o te pohe ia ˈu.+Ua mǎtaˈu vau i te pape pue o te feia haapaoraa ore.+
5 Ua haaati te mau taura o te Apoo* ia ˈu.Ua tuu mai te pohe i te marei i mua ia ˈu.+
6 I roto i to ˈu ahoaho, ua tiaoro vau ia Iehova,Ua taparu noa vau i te tauturu i to ˈu Atua.
Mai to ˈna hiero mai, ua faaroo mai oia i to ˈu reo,+E ua tae roa ta ˈu taparuraa i te tauturu i to ˈna ra tariˈa.+
7 Aueue e hautiuti ihora te fenua.+Rûrû ihora te niu o te mau mouˈaE aueue ihora no te mea ua riri oia.+
8 Pee aˈera te au auahi mai roto mai i to ˈna apoo ihu,E pipiha maira te hoê auahi puai na roto mai i to ˈna vaha.+Ura ihora te arahu ama i mua ia ˈna.
9 Faahaehaa ihora oia i te raˈi a pou mai ai oia,+E e rumaruma rahi to raro aˈe i to ˈna avae.+
10 Ua parahi oia i nia i te hoê kerubi e mea rere i te haereraa mai.+
Na nia i te pererau o te hoê melahi,* ua pou vitiviti mai oia.+
11 Ua tapoˈi oia ia ˈna i te poiri,+Mai te hoê tamaru ati aˈe ia ˈna,I te pape poiri e te ata meumeu.+
12 Mai roto mai i te anaana i mua ia ˈna,Topa aˈera te ûa paari e te arahu ura na roto mai i te mau ata.
13 Faaharuru ihora ïa Iehova i te patiri i te raˈi.+Faaite maira Tei Teitei Roa ˈˈe i to ˈna reo+Ma te ûa paari e te arahu ura.
14 Teˈa ihora oia i ta ˈna mau teˈa e haapurara ihora i to ˈu mau enemi.+Taora maira oia i ta ˈna uira e faarapu ihora ia ratou.+
15 Itehia ˈtura te tahua o te mau anavai.+Itehia ˈtura te niu o te fenua i ta oe aˈo, e Iehova,I te puhipuhiraa mataˈi no roto mai i to oe apoo ihu.+
16 Toro maira oia i to ˈna rima mai nia mai.Tapea ihora oia ia ˈu e huti maira ia ˈu mai raro mai i te pape hohonu.+
17 Faaora maira oia ia ˈu i to ˈu enemi puai,+I te feia e hae ra ia ˈu, te feia mea puai aˈe ia ˈu.+
18 Ua tia mai ratou i mua ia ˈu a roohia ˈi au i te ati,+Na Iehova râ i tauturu ia ˈu.
19 Ua hopoi oia ia ˈu i te hoê vahi papu.*Ua faaora oia ia ˈu no te mea ua mauruuru oia ia ˈu.+
20 Te haamaitai ra Iehova ia ˈu ia au i ta ˈu parau-tia.+Te faahoˈi mai ra oia i ta ˈu ia au i te hapa ore* o to ˈu rima.+
21 Ua haapao noa hoi au i te mau eˈa o Iehova,E aita vau i rave i te mea ino a faarue atu ai i to ˈu Atua.
22 Tei mua ia ˈu ta ˈna mau haavaraa atoa.Eita vau e haafaufaa ore i ta ˈna mau faaueraa.
23 E vai hapa ore noa vau i mua ia ˈna,+E e ara vau eiaha e rave i te hape.+
24 Ia haamaitai mai Iehova ia ˈu ia au i ta ˈu parau-tia,+Ia au i te hara ore o to ˈu rima i mua ia ˈna.+
25 Eita oe e taiva i te taata taiva ore.+Mea haapao maitai oe i te taata haapao maitai.+
26 I nia i te taata haavare ore, e haa oe ma te maitai.+Area i nia i te taata piˈo, e haa oe ma te maramarama.+
27 Te faaora ra hoi oe i te feia haihai,*+Te faahaama nei râ oe i te feia teoteo.*+
28 Na oe hoi e tutui i ta ˈu mori, e Iehova.Na to ˈu Atua e turama i te poiri ati aˈe ia ˈu.+
29 Maoti ta oe tauturu e nehenehe ai au e horo na muri i te hoê pǔpǔ eiâ.+Maoti te puai o te Atua e nehenehe ai au e pauma i nia i te hoê patu.+
30 Mea tia roa te eˈa o te Atua mau.+Mea viivii ore* te parau a Iehova.+
E paruru oia no te feia e haapu ra ia ˈna ra.+
31 O vai hoi te Atua maori râ o Iehova?+
E o vai te mato maori râ o to tatou Atua?+
32 Na te Atua mau e vehî ia ˈu i te puai,+E e faaafaro oia i to ˈu eˈa.+
33 Te faariro nei oia i to ˈu avae mai to te aili.Te faatia nei oia ia ˈu i nia i te mau vahi teitei.+
34 Te faaineine nei oia i to ˈu rima no te tamaˈi.Ua ite to ˈu rima i te huti i te fana veo.
35 Ua horoa mai oe i ta oe paruru no te faaora ia ˈu,+Te turu nei to rima atau ia ˈuE te faarahi ra to haehaa ia ˈu.+
36 Te faaaano ra oe i te eˈa no to ˈu taahiraa avae.Eita to ˈu avae e hee.+
37 E aˈuaˈu vau i to ˈu mau enemi a noaa ˈtu ai ia ˈu.Eita vau e hoˈi mai e mou noa ˈtu ratou.
38 E taataahi au ia ratou, a ore atu ai ratou e tia faahou mai.+E marua ratou i to ˈu pae avae.
39 E horoa mai oe i te puai no te aroraa.E haamarua oe i to ˈu mau enemi i raro aˈe ia ˈu.+
40 E faaotohe oe i to ˈu mau enemi mai mua mai ia ˈu*E e haapohe au* i tei hae ia ˈu.+
41 Te pii ra ratou ia tauturuhia ratou, aita râ hoê no te faaora ia ratou.Te tiaoro atoa ra ratou ia Iehova, aita râ oia e pahono ra ia ratou.
42 E faahuˈahuˈa roa vau ia ratou mai te repo e pee i te mataˈi.E faarue au ia ratou mai te vari na te mau aroâ.
43 E faaora oe ia ˈu i te mau faahaparaa a te nunaa.+
E tuu oe ia ˈu ei upoo o te mau nunaa.+
Na te hoê nunaa o ta ˈu i ore i matau e tavini ia ˈu.+
44 Ia faaroo ratou i te tahi parau iti no nia ia ˈu, e auraro ratou ia ˈu.E tipapa te feia ěê i mua ia ˈu ma te riaria.+
45 E ere te feia ěê i te itoito.E haere mai ratou i rapae i to ratou mau pare a rûrû noa ˈi.
46 E Atua ora o Iehova! Ia aruehia to ˈu Mato!+
Ia faateiteihia te Atua o te faaora ia ˈu.+
47 Te tahoo ra te Atua mau no ˈu.+Te tuu ra oia i te mau nunaa i raro aˈe ia ˈu.
48 Te faaora nei oia ia ˈu i to ˈu mau enemi iria.Te faateitei nei oe ia ˈu i nia ˈˈe i tei aro mai ia ˈu.+Te faaora nei oe ia ˈu i te taata hamani ino.
49 No reira, e faahanahana vau ia oe i rotopu i te mau nunaa, e Iehova,+E e himene au i te arueraa* i to iˈoa.+
50 Te faatupu ra oia i te ohipa faaoraraa* rahi no to ˈna arii.+Te faaite ra oia i te here taiva ore i ta ˈna i faatavai,+Ia Davida e to ˈna huaai e a muri noa ˈtu.+
Nota i raro i te api
^ Aore ra “to ˈu faaora puai.”
^ Aore ra “o te mataˈi.”
^ Aore ra “vahi ateatea.”
^ Heb: “te viivii ore.”
^ Aore ra “tei roohia i te ati.”
^ Heb: “mata teoteo.”
^ Aore ra “tamatahia i te auahi.”
^ Aore ra “E tuu mai oe i te tua o to ˈu mau enemi.”
^ Heb: “E haamamû vau.”
^ Aore ra “e hauti au i te upaupa.”
^ Aore ra “te upootiaraa.”
